madhavi nimkar fitness diet tips : अभिनेत्री माधवी निमकर ही सध्या ‘तुझ्या सोबतीने’ मालिकेतून प्रेक्षकांच्या भेटीला आली असून तिचा अभिनय आणि फिटनेस दोन्हीच चर्चेत आहेत. सुख म्हणजे नक्की काय असतं मालिकेमुळे माधवी घराघरांत पोहोचली आणि ‘शालिनी’ या तिच्या पात्रासाठी प्रेक्षकांची पसंती मिळाली. आता तिने तिच्या फिटनेसची रहस्यं खुल्या दिली आहेत, ज्यामुळे तिच्या चाहत्यांना प्रेरणा मिळत आहे
माधवी निमकरने ‘राजश्री मराठी’शी बोलताना सांगितलं की, सकाळी उठल्यावर तिने सुरुवातीला ड्रायफ्रूट्स खातात आणि नंतर हलका चहा पितात. सेटवर येण्यापूर्वी ती स्ट्राँग कॉफी घेते. सकाळी आठ-साडेआठ वाजता ती न चुकता ब्रेकफास्ट करते. “नाश्ता करणे मला फार आवडते, कारण सायंकाळी सात वाजता जेवण होतं. त्यामुळे सकाळी भूक लागणे नैसर्गिक आहे,” तिने स्पष्ट केलं. जर सकाळी नाश्त्यानंतर भूक लागली, तर ती फळं खातात. दुपारी आमचा जेवणाचा वेळ साधारण एक ते दीड वाजता असतो, त्यावेळी माधवी चपात्या आणि हलके जेवण घेतात.
सायंकाळी सात वाजल्यानंतर माधवी काहीही खात नाहीत. दुपारी चार-साडेचार वाजता हलका टी ब्रेक असतो, त्यानंतर रात्री सात वाजता मुख्य जेवण घेते. “भात किंवा भाकरी प्रमाणात खाल्ले, तर वजनावर फरक पडत नाही, पण जास्त प्रमाणात खाल्ले तर वजन वाढते,” ती म्हणते.
वजन कमी करण्यासाठी माधवी म्हणते की, साखर कमी करणे फार महत्त्वाचं आहे. “दिवसातून आपल्या शरीराला लागणारी थोडी साखर पुरेशी आहे, अतिरिक्त साखर टाळावी. दररोज किमान १ तास चालणे आणि तीन लिटर पाणी प्यावे, याशिवाय वेगळं काही करण्याची गरज नाही. हेच फॅट लॉससाठी पुरेसं आहे,” तिने सांगितलं.
माधवी निमकरने तिच्या अभिनयातून ‘हम तो तेरे आशिक है’, ‘स्वप्नांच्या पलीकडे’, आणि ‘सुख म्हणजे नक्की काय असतं’ सारख्या मालिकांमध्ये आपला ठसा उमटवला आहे. आता ती ‘तुझ्या सोबतीने’ मालिकेतून प्रेक्षकांच्या भेटीला येत असून, तिच्या फिटनेससह जीवनशैलीच्या टिप्स प्रेक्षकांसाठी प्रेरणादायी ठरत आहेत.
हे पण वाचा..वीण दोघांतली ही तुटेना : मंदाकिनीनं मल्लिकाचा खरा चेहरा उघड केला, तरी समरचा काकीवरचाच विश्वास कायम
