lapandav rupali bhosale looks effort video : स्टार प्रवाहवरील लोकप्रिय मालिका ‘लपंडाव’मध्ये नुकताच एक मोठा ट्विस्ट समोर आला आणि या भागाने प्रेक्षकांना अक्षरशः खिळवून ठेवले. बराच काळ प्रेक्षकांच्या मनात असलेल्या “सरकार सखीशी इतकं कठोर का वागते?” या प्रश्नाचं उत्तर अखेर उलगडलं. मालिकेत मनस्विनी उर्फ सरकार सखीची खरी आई नसून, तिने खऱ्या तेजस्विनीला वर्षानुवर्षे आपल्या ताब्यात ठेवलेलं असल्याचं उघड झालं. या महत्वपूर्ण वळणानंतर अभिनेत्री रुपाली भोसले (Rupali Bhosale) वर आणखी एक जबाबदारी आली—दुहेरी भूमिका साकारण्याची.
रुपाली भोसले सध्या मालिकेत तेजस्विनी आणि मनस्विनी अशा दोन वेगळ्या स्वभावाच्या भूमिका साकारते. या भूमिकांची मागणी तितकीच गुंतागुंतीची असल्याने एका दिवसात पाच वेगवेगळे लूक्स तयार करणं हे तिच्यासाठी मोठं आव्हान ठरलं. मात्र, हे आव्हान तिने जिद्दीने पार पाडलं. तिने सोशल मीडियावर शेअर केलेल्या व्हिडीओमुळे तिच्या मेहनतीचा अंदाज प्रेक्षकांना प्रत्यक्ष पाहायला मिळाला.
पोस्टमध्ये रुपाली भोसले म्हणते की, अशा दिवशी कलाकार म्हणून स्वतःकडे वेगळ्या नजरेने पाहायला मिळतं. एकाच दिवशी एकापाठोपाठ अनेक लूक्स बदलणं, प्रत्येक फ्रेममध्ये योग्य भावना दाखवणं आणि पात्रांमधील बदल सहज दिसावा यासाठी तिने विशेष तयारी केली. या संपूर्ण प्रक्रियेत तिच्या टीमने—मेकअप आर्टिस्टपासून ते दिग्दर्शक, ADs, लेखक, क्रिएटिव टीम, DOP आणि स्टार प्रवाहच्या सदस्यांपर्यंत—पूर्ण साथ दिल्याबद्दल तिने कृतज्ञता व्यक्त केली.
अभिनेत्रीची ही पोस्ट व्हायरल होताच नेटकऱ्यांनी तिच्यावर कौतुकाचा वर्षाव केला. “खरंच तुम्हाला सॅल्युट आहे”, “मेहनत फळाला आली”, “याला म्हणतात खऱ्या अर्थाने डेडीकेशन” अशा प्रतिक्रिया कमेंट्समध्ये सातत्याने उमटताना दिसल्या.
हे पण वाचा.. झी मराठी’वर ‘कमळी-तारिणी’चा महासंगम; विजया बाबर म्हणाली– “हा अनुभव माझ्यासाठी खास होता
रुपाली भोसले च्या परफॉर्मन्समुळे ‘लपंडाव’ मालिकेचं पात्रविश्व अधिक प्रभावी झालं असून आगामी भागांविषयी प्रेक्षकांची उत्सुकता आणखी वाढलेली आहे. तिच्या मेहनतीमुळे प्रेक्षकांना एकाच मालिकेत दोन भिन्न रूपं अनुभवता येत आहेत, आणि हीच अभिनेत्रीची खरी ताकद असल्याचं चाहते सांगत आहेत.
हे पण वाचा.. इंद्रायणी भातापासून भाजणी वड्यांपर्यंत; ऐश्वर्या नारकर अविनाश नारकर जोडप्यांची ऋतुजा बागवेच्या रेस्टॉरंटला खास भेट
