lakshmi niwas gade patil satta badal bhavana : झी मराठीवरील Lakshmi Niwas ही मालिका सध्या वेगवेगळ्या वळणांनी प्रेक्षकांना खिळवून ठेवत आहे. कथानक जसजसं पुढे सरकत आहे, तसतशी प्रत्येक पात्राच्या आयुष्यातील गुंतागुंत अधिक गडद होताना दिसते आहे. लक्ष्मी आणि श्रीनिवास यांच्या दोन्ही मुलींच्या आयुष्यात सुरू असलेले संघर्ष सध्या मालिकेचा केंद्रबिंदू ठरले आहेत. एकीकडे जान्हवी नवरा जयंतपासून दूर पळत आहे, तर दुसरीकडे भावना आपल्या पती सिद्धूला निर्दोष सिद्ध करण्यासाठी कायद्याची लढाई लढताना दिसते.
अलीकडील भागांमध्ये भावनाला एक मोठा धक्का आणि त्याचवेळी दिलासा मिळतो. ज्या श्रीकांतच्या अपघातासाठी सिद्धूला अटक झाली होती, तो श्रीकांत प्रत्यक्षात जिवंत असल्याचं समोर येतं. ही बाब समजताच भावना क्षणाचाही विलंब न करता सिद्धूला न्यायालयात घेऊन जाते. योग्य वेळी पुरावे समोर आल्याने सिद्धू निर्दोष सुटतो आणि भावनाच्या संघर्षाला यश मिळतं. हा क्षण Lakshmi Niwas मधील एक महत्त्वाचा टर्निंग पॉइंट ठरतो.
यानंतर समोर आलेल्या नव्या प्रोमोने मालिकेची उत्सुकता आणखी वाढवली आहे. सिद्धू निर्दोष सुटल्यावर गावकऱ्यांमध्ये आनंदाचं वातावरण निर्माण होतं. गावातील लोक त्याची मिरवणूक काढतात आणि त्याला आपला नेता म्हणून स्वीकारण्याची मागणी करतात. मात्र सिद्धूला सर्वात आधी आपल्या घरात पाऊल ठेवायचं असतं. आईकडून त्याचं जल्लोषात स्वागत होतं आणि सिद्धू-भावना एकत्र गाडेपाटील घरात प्रवेश करतात. मात्र हा क्षण आजींना अजिबात पसंत पडत नाही.
याचवेळी गावचे सुभेदार गाडेपाटील वाड्यात येतात आणि थेट मोठी मागणी करतात. भावनासारखी शिकलेली, समंजस सून या घराच्या जबाबदारीसाठी योग्य आहे, असं सांगत ते घराच्या चाव्या तिच्या हाती देण्याचा सल्ला देतात. आजी याला तीव्र विरोध करतात. मात्र परिस्थितीचं गांभीर्य ओळखून सिद्धूचे वडील स्पष्ट शब्दांत सांगतात की सुभेदारांचा पाठिंबा गेला, तर गाडेपाटील घराण्याचं सर्व काही धोक्यात येऊ शकतं. अखेर नाईलाजाने का होईना, पण आजी भावनाच्या हाती घराच्या किल्ल्या सुपूर्त करतात. इतकी वर्षे ज्या आजींच्या हातात सत्ता होती, ती सत्ता आता भावनाकडे जाणार असल्याचं Lakshmi Niwas च्या प्रोमोमधून स्पष्ट होतं.
दरम्यान, मालिकेच्या दुसऱ्या आघाडीवर जयंत आणि विश्वामधील खेळी अधिक धोकादायक होत चालली आहे. जयंत विश्वाला ब्लॅकमेल करत असतो, पण विश्वही डबल गेम खेळत त्याच्यावरच मात करतो. जयंत जान्हवीचं घर बॉम्बने उडवण्याची धमकी देतो, तेव्हा विश्व मुद्दाम जान्हवीचं अपहरण झाल्याचं नाटक रचतो. जान्हवी धोक्यात असल्याचं वाटताच जयंत नरमतो आणि अखेर बॉम्ब डिफ्यूज करतो. विश्वाचं हे नाटक यशस्वी ठरतं.
हे पण वाचा.. Tharala Tar Mag : 22 वर्षांपूर्वीच्या गुन्ह्याचा पर्दाफाश, नागराजला अटक; भावाच्याच विश्वासघाताने रविराज हादरला
एकूणच Lakshmi Niwas मधील आगामी भागांमध्ये सत्ता, भावनिक संघर्ष आणि धोकादायक खेळी यांचा जबरदस्त संगम पाहायला मिळणार आहे. भावनाच्या हाती सत्ता येणं गाडेपाटील घराण्याचं भविष्य कसं बदलणार, हे पाहणं प्रेक्षकांसाठी निश्चितच उत्सुकतेचं ठरणार आहे.
हे पण वाचा.. दादा अनंतात विलीन झाले…” अजित पवार यांच्या निधनावर अश्विनी महांगडेची भावूक प्रतिक्रिया
