मराठी टेलिव्हिजनवरील सध्या चर्चेत असलेली मालिका Lagnanantar Hoilach Prem दिवसेंदिवस प्रेक्षकांच्या पसंतीस उतरते आहे. नवनवीन ट्विस्ट, कुटुंबातील भावनिक नातेसंबंध आणि प्रत्येक पात्रातील वेगळेपण यामुळे ही मालिका TRPच्या शर्यतीतही अग्रस्थानी पोहोचली आहे. मालिकेतील पात्रे एकमेकांशी कधी भिडताना, कधी भावनिक क्षण सामायिक करताना दिसतात आणि त्यामुळेच प्रेक्षक त्यांच्याशी नातं जोडतात.
या मालिकेत काव्या, पार्थ, जिवा, नंदिनी, रम्या, वसू आत्या आणि मानिनी अशी विविध पात्रे दिसतात. प्रत्येक पात्राची भाषा, वागण्याची ढब आणि भावनिक प्रतिक्रिया या प्रेक्षकांना खऱ्या आयुष्यातील माणसांसारख्या वाटतात. विशेषत: काव्या-नंदिनी यांच्यातील सूक्ष्म तणाव, जिवा-पार्थ यांच्यातील गैरसमज आणि घरातील वादंग प्रेक्षकांना खिळवून ठेवतात.
याच मालिकेत मानिनी ही भूमिका विशेष ठरते. पार्थ आणि जिवाची आई तसेच काव्या-नंदिनीची सासू असलेल्या मानिनीच्या व्यक्तिरेखेला वेगळा आयाम मिळतो. ही व्यक्तिरेखा अभिनेत्री ऋजुता देशमुखने जिवंत केली असून तिच्या अभिनयामुळे प्रेक्षक तिला ‘रागीट पण मनापासून जपणारी सासू’ म्हणून ओळखू लागले आहेत.
अलीकडेच ऋजुताने आपल्या सोशल मीडियावर मानिनी या भूमिकेतील काही फोटो पोस्ट केले. या फोटोंमध्ये तिच्या चेहऱ्यावर राग, नाराजी, कधी थोडी खट्याळ स्मितरेषा अशा विविध भावना उमटताना दिसल्या. खासकरून शेवटच्या फोटोमध्ये मानिनीच्या चेहऱ्यावर दिसलेला राग चाहत्यांच्या लक्षात राहिला. या फोटोंना अभिनेत्रीने “मानिनीची सटकली” अशी मजेशीर कॅप्शन दिली.
पोस्ट शेअर करताना ऋजुताने लिहिलं – “मानिनी सराव करताना, वाक्य पाठ करताना, पार्थ फोटो क्लिक करत सुटला.” तिच्या या कॅप्शनमुळे चाहत्यांना मालिकेच्या शूटिंगदरम्यानचे किस्सेही समजले.
यावर लगेचच मालिकेत पार्थची भूमिका साकारणारा अभिनेता विजय आंदळकरनेही प्रतिक्रिया दिली. त्याने “साधी भोळी माझी आई” असे लिहीत हार्ट इमोजी शेअर केले. त्यानंतर चाहत्यांनी तर अक्षरशः कौतुकाचा वर्षाव केला.
एका युजरने लिहिले – “खरंच ऋजुता तुझा आताचा ट्रॅक खूप छान चाललाय. तुझा राग, तुझी तळमळ, सर्व काही जबरदस्त करतेस.”
तर दुसऱ्याने प्रतिक्रिया दिली – “अशी सासू सगळ्यांना मिळाली तर बरं होईल.”
तसेच काहींनी तिच्या अभिनयाची तुलना मागील मालिकांशी केली. ‘कळत नकळत’, ‘रंग माझा वेगळा’ या लोकप्रिय मालिकांमध्ये ऋजुताने आपल्या व्यक्तिरेखा उत्तमरीत्या साकारल्या होत्या, त्याची आठवण चाहत्यांनी या पोस्टवर करून दिली.
काही प्रेक्षकांनी कमेंटमध्ये लिहिले की – “विक्रम देशमुखसोबतचे भांडण असो की भावनिक प्रसंग, तुमचे डायलॉग्ज आणि अॅक्टिंग एकदम कमाल आहेत. मानिनी काकू म्हणून तुम्ही घराघरांत पोहोचलात.”
यामुळेच Lagnanantar Hoilach Prem मालिकेत मानिनीची व्यक्तिरेखा इतर पात्रांइतकीच लोकप्रिय ठरत आहे. सामान्य सासूसारखी नाही, तर थोडी हट्टी, थोडी रागीट पण मनापासून मुलांसाठी लढणारी अशी ही भूमिका प्रेक्षकांना भुरळ घालत आहे.
हे पण वाचा.. Usha Nadkarni यांनी बालपणीचा धक्कादायक अनुभव सांगितला; म्हणाल्या, ‘वडिलांची भीती आजही मनातून गेली नाही’”
ऋजुता देशमुखचा अभिनय, तिच्या व्यक्तिरेखेची ताकद आणि लेखक-दिग्दर्शकांनी दिलेला कथानक यामुळेच मालिकेची मजा वाढली आहे.
दरम्यान, Lagnanantar Hoilach Prem मालिकेत पुढे काय नवे ट्विस्ट येणार, मानिनी आणि इतर पात्रांमध्ये कोणते बदल होणार, याची उत्सुकता चाहत्यांमध्ये अधिकच वाढली आहे. सोशल मीडियावर मालिकेचे फोटो, व्हिडिओ, डायलॉग्ज आणि फॅन-एडिट्स सतत शेअर होत असल्याने या मालिकेची लोकप्रियता दिवसेंदिवस वाढताना दिसत आहे.
हे पण वाचा.. तब्बूकडून Priyadarshan Jadhav चे कौतुक; अभिनेता भावूक, म्हणाला – “अशा नटीने अभिनंदन केलं, हीच मोठी कमाई!”
