kiran gaikwad social media break reason : मराठी मालिकांमधून प्रेक्षकांच्या मनावर अधिराज्य गाजवणारा अभिनेता किरण गायकवाड पुन्हा एकदा चर्चेत आला आहे. ‘देवमाणूस’ मालिकेतल्या त्याच्या गोपाळ या व्यक्तिरेखेनं प्रेक्षकांच्या मनात वेगळी छाप सोडली. ही भूमिका खलनायकाची असली तरी किरणने तिला इतक्या वास्तवतेने साकारलं की प्रेक्षकांनी त्या पात्रालाच मनापासून पसंती दिली. आता मात्र या अभिनेत्याने सोशल मीडियावरून काही काळासाठी दूर जाण्याचा निर्णय घेतला असून, त्याची पोस्ट सध्या चर्चेचा विषय ठरली आहे.
किरण गायकवाडने इन्स्टाग्रामवर एक भावनिक पोस्ट शेअर करत म्हटलं आहे की, “सोशल मीडिया योग्य पद्धतीने वापरला तर खूप चांगलं साधन ठरू शकतं. पण माझा खूप वेळ यावर जातोय असं मला जाणवलं आहे. म्हणून काही काळासाठी मी माझ्या अधिकृत अकाउंटवरून ब्रेक घेतोय. कायमचा नाही, पण थोडा वेळ स्वतःसाठी घेणं गरजेचं वाटलं. भेटूया लवकरच. सर्वांवर प्रेम.”
या पोस्टनंतर सोशल मीडियावर नेटकऱ्यांच्या कमेंट्सचा अक्षरशः पाऊस पडला आहे. चाहत्यांनी त्याच्या या निर्णयाचं स्वागत करत त्याच्यासाठी शुभेच्छा दिल्या, तर काहींनी मजेदार कमेंट्स करून रंगत वाढवली. एकाने लिहिलं, “गोपाळजी, तुम्हाला नवीन पाखरू मिळालं असावं, तिचा खून होईपर्यंत तुम्ही व्यग्र असणार!” तर दुसऱ्याने हसत म्हणलं, “सर, निर्णय भारी आहे पण आम्हाला तुमची आठवण येईल.”
‘देवमाणूस’ मालिकेमुळे प्रचंड लोकप्रिय झालेला किरण गायकवाड आपल्या कामाबद्दल नेहमीच जागरूक असतो. अभिनयासोबतच सोशल मीडियावर सक्रिय राहून तो चाहत्यांशी जोडलेला असतो. मात्र, आता थोडा विराम घेण्याचा त्याचा निर्णय चाहत्यांना समजून घेताच आला आहे. अनेकांनी त्याच्या पोस्टवर प्रतिक्रिया देत लिहिलं की, “सर, आम्ही पण सोशल मीडिया थोडा बंद करतो, तुमच्यासोबत ब्रेक घेऊया!”
हे पण वाचा.. सावळ्याची जणू सावली” मालिकेत खळबळजनक वळण; ऐश्वर्याचा मुखवटा फाटणार, तिलोत्तमा सावलीच्या बाजूने उभी राहणार!
अभिनयाची आवड, प्रेक्षकांचा ओघ, आणि आता घेतलेला सोशल मीडिया ब्रेक — या सगळ्यामुळे किरण गायकवाड पुन्हा एकदा चर्चेच्या केंद्रस्थानी आला आहे. त्याच्या या निर्णयामागे असलेली प्रामाणिकता आणि स्पष्टवक्तेपणा चाहत्यांना भावला असून, तो पुन्हा सोशल मीडियावर परतल्यावर नेहमीपेक्षा अधिक जोशात दिसेल अशी चाहत्यांची अपेक्षा आहे.
हे पण वाचा.. अशोक सराफ आणि निवेदिता सराफ एकत्र छोट्या पडद्यावर; ‘अशोक मा.मा.’ मालिकेतून खुलणार नव्या नात्याची कहाणी”
