मराठी टेलिव्हिजनवर सध्या लोकप्रिय ठरलेली मालिका ‘देवमाणूस – मधला अध्याय’ प्रेक्षकांचे भरभरून मनोरंजन करत आहे. मालिकेतील गोपाळ उर्फ देवीसिंगची धडकी भरवणारी भूमिका साकारणारा अभिनेता Kiran Gaikwad या मालिकेमुळे घराघरात पोहोचला आहे. त्याच्या अभिनयातील वास्तववादामुळे प्रेक्षक आजही त्याला “देवमाणूस” म्हणूनच हाक मारतात.
या मालिकेत गोपाळ आपल्या स्वप्नांच्या मागे धावताना पैशाच्या हव्यासासाठी लोकांची हत्या करताना दिसतो. विशेष म्हणजे, तो समाजात मदतीसाठी धावून येतो आणि त्याची प्रतिमा आदर्शवत भासते. म्हणूनच लोक त्याला देवदूत मानतात, पण पडद्यामागे तो निर्दयी खुनी असतो. या द्वंद्वात्मक भूमिकेनेच Kiran Gaikwad याला खऱ्या अर्थाने प्रचंड लोकप्रियता मिळवून दिली आहे.
नुकतेच Kiran Gaikwad ने सोशल मीडियावर काही फोटो शेअर केले. हे फोटो रात्रीच्या चित्रीकरणादरम्यान काढलेले असून, त्यात तो ट्रॅक्टरवर बसलेला दिसतो. चेहऱ्यावर थकलेले आणि वैतागलेले भाव, शूटिंगसाठी लावलेले लाईट, आणि थंड वातावरण अशा सगळ्या गोष्टी या फोटोंतून जाणवतात.
हे फोटो शेअर करताना Kiran Gaikwad ने एक वेगळाच अनुभव चाहत्यांशी शेअर केला. त्याने लिहिले, “खरं तर या फोटोंचा आणि कॅप्शनचा काही संबंध नाही. गाणं आवडलं म्हणून लावलं आणि फोटोसुद्धा आवडले म्हणून पोस्ट केले.” पुढे त्याने सांगितले, “पहाटे ४ वाजता थंडगार पाण्यात सलग तीन दिवस भिजत होतो. अजूनही त्या सीनची आठवण झाली की अंगात काटा येतो.”
यातून त्याच्या भूमिकेसाठी केलेल्या मेहनतीची झलक स्पष्ट दिसते.
Kiran Gaikwad चे फोटो पाहिल्यानंतर चाहत्यांनी भरपूर कमेंट्स केल्या. कोणी त्याला “आमचा देवमाणूस” म्हटले, तर काहींनी त्याच्या अभिनयाचे कौतुक केले. पण सर्वाधिक लक्ष वेधून घेतले ते त्याच्या पत्नीची कमेंट.
अभिनेत्री वैष्णवी कल्याणकर, जी स्वतःही मालिकांमधून प्रेक्षकांची लाडकी आहे, हिने या पोस्टवर मजेशीर अंदाजात लिहिले – “माझा नवरा भिजतोय, कोणीतरी छत्री धरा.” तिच्या या विनोदी कमेंटवर चाहत्यांनी भरभरून प्रतिक्रिया दिल्या आणि हसऱ्या इमोजींचा पाऊस पडला.
पोस्टवर चाहत्यांनी वेगवेगळ्या प्रतिक्रिया नोंदवल्या. कुणी लिहिले, “देवमाणूस कायम लक्षात राहील”, तर एकाने मजेत म्हटले, “ड्युप्लिकेट गोपाळ, भिजल्याचं कौतुक करताय पण गंगाला मारून टाकलंत ते विसरलात का?” अशा मिश्र प्रतिक्रिया पाहायला मिळाल्या.
हे पण वाचा.. देवमाणूस मालिकेतून अभिनेत्री एकता डांगरची एक्झिट; भावुक पोस्ट शेअर करत चाहत्यांचा निरोप
सोशल मीडियावर सक्रिय असलेला Kiran Gaikwad आपल्या चाहत्यांशी नेहमीच संवाद साधतो. सेटवरील फोटो, व्हिडीओ आणि अनुभव शेअर करून तो प्रेक्षकांना पडद्यामागची झलक दाखवतो. यामुळेच त्याचा फॅन बेस दिवसेंदिवस वाढत आहे.
सध्या मालिकेत देवीसिंग उर्फ गोपाळने गंगाला ठार केल्यानंतर पुढे काय होणार, याची चाहत्यांमध्ये उत्सुकता आहे. त्याचे पुढचे पाऊल काय असणार, याकडे सगळ्यांचे लक्ष लागले आहे.
हे पण वाचा.. शो मस्ट गो ऑन…? Jui Gadkari ने शेअर केला पूर्णा आजीबरोबरचा शेवटचा व्हिडीओ; भावनिक पोस्टने भारावले चाहते
दरम्यान, या मालिकेचे आधीचे दोन सीझन प्रचंड लोकप्रिय झाले होते आणि तिसराही सीझन त्याच यशस्वी परंपरेला न्याय देताना दिसतो आहे. मालिकेच्या कथानकातील थरार आणि Kiran Gaikwad चा दमदार अभिनय प्रेक्षकांना खिळवून ठेवतो आहे.
