kiran gaikwad devmanus negative role interview : मराठी टेलिव्हिजनवरील लोकप्रिय मालिका ‘देवमाणूस’मधून प्रेक्षकांच्या मनात वेगळं स्थान निर्माण करणारा अभिनेता Kiran Gaikwad पुन्हा एकदा चर्चेत आला आहे. मालिकेत अजितकुमार ही नकारात्मक भूमिका साकारत असताना त्याने प्रेक्षकांचं प्रचंड प्रेम मिळवलं. अलीकडेच दिलेल्या मुलाखतीत त्याने या भूमिकेबाबत तसेच पुरस्कार सोहळ्यांबद्दलही आपलं मत मांडलं.
‘देवमाणूस’ मालिकेचं पहिले दोन पर्व यशस्वी झाल्यानंतर प्रेक्षकांसाठी त्याचं तिसरं पर्व ‘देवमाणूस मधला अध्याय’ घेऊन आलं आहे. यातही Kiran Gaikwad मुख्य भूमिकेत दिसतो. मालिकेत त्याचं पात्र नकारात्मक असलं तरी लोकांनी त्याला दिलेला प्रतिसाद वेगळाच आहे. या संदर्भात बोलताना किरण म्हणाला, “२०१७ पासून मी झी मराठीसोबत काम करतोय. देवाच्या आशीर्वादाने सातत्याने चांगलं काम मिळतंय. त्यामुळे कदाचित मी नकारात्मकच भूमिका करत आहे, कधी कधी वाटतं की ते माझ्या नशिबातच लिहिलं आहे.”
अजितकुमारचं पात्र दुसऱ्या पर्वाच्या शेवटी संपलं होतं, पण लेखकाच्या कल्पकतेमुळे तो पुन्हा जिवंत झाला. याबाबत किरण हसत म्हणतो, “श्वेता शिंदे यांनी थेट पुरस्कार सोहळ्यातच मला ‘देवमाणूस ३’बद्दल विचारलं होतं. त्यावेळी मीच आश्चर्यचकित झालो होतो की माझं पात्र तर संपलं, मग आता कसं? पण हीच खरी मजा आहे, कारण लेखकाच्या दृष्टीने काहीही शक्य असतं.”
हे पण वाचा.. नवऱ्याच्या निधनानंतर खचलेल्या सुरेखा कुडची; अडीच वर्षांच्या मुलीसाठी पुन्हा उभी राहिली अभिनेत्री
पुरस्कारांबाबत बोलताना Kiran Gaikwadने स्पष्ट मत मांडलं. तो म्हणतो, “पुरस्कार महत्त्वाचे आहेत, पण खरा पुरस्कार म्हणजे सतत मिळणारं काम. ती ट्रॉफी ही कलाकारांच्या मेहनतीचं कौतुक आहे, त्यातून ऊर्जा मिळते. मात्र ज्याच्याकडे सातत्याने चांगलं काम आहे तोच खरी ट्रॉफी आपल्या हातात धरतो.”
‘देवमाणूस’ मालिकेमुळे Kiran Gaikwad आज प्रत्येक घराघरात ओळखला जातो. त्याच्या अभिनयातून साकारलेलं अजितकुमारचं पात्र हे मराठी मालिकांमधील सर्वात लक्षवेधी खलनायकांपैकी एक ठरलं आहे.
हे पण वाचा.. आई गोंधळाला ये! नवरात्रीत गौतमी पाटीलचा नवा अंदाज, भक्तीगीताने चाहत्यांची मने जिंकली
