kamali serial zee marathi trp number one : झी मराठी वाहिनीवरील Kamali या मालिकेने अल्पावधीतच प्रेक्षकांच्या मनावर आपली घट्ट पकड निर्माण केली आहे. साधी, भावनिक आणि कुटुंबकेंद्रित कथा असलेल्या या मालिकेला गेल्या काही महिन्यांपासून सातत्याने चांगला प्रतिसाद मिळत होता. आता नवीन वर्षाच्या सुरुवातीलाच Kamali ने प्रेक्षकांच्या पसंतीची अधिकृत मोहोर उमटवली असून, टीआरपीच्या शर्यतीत ही मालिका थेट अव्वल स्थानी पोहोचली आहे.
२०२६ च्या पहिल्याच आठवड्यात Kamali ने ४.२ टीआरपी मिळवत झी मराठीवरील नंबर वन मालिका होण्याचा मान पटकावला आहे. विशेष म्हणजे ही मालिका केवळ वाहिनीवरच नव्हे, तर रात्री ९ वाजताच्या प्राइम टाइम स्लॉटमध्येही आघाडीवर ठरली आहे. याबाबत झी मराठीने अधिकृत सोशल मीडिया पोस्ट शेअर करत मालिकेच्या संपूर्ण टीमचं कौतुक केलं आहे. नव्या वर्षाची सुरुवातच ‘खणखणीत चौकाराने’ झाल्याची भावना या पोस्टमधून व्यक्त करण्यात आली आहे.
गेल्या काही आठवड्यांपासून Kamali आणि त्याच वेळेस प्रसारित होणाऱ्या इतर मालिकांमध्ये चुरशीची स्पर्धा सुरू होती. विशेषतः ९ वाजताच्या स्लॉटमध्ये स्लॉट लीडर कोण ठरणार, याकडे सगळ्यांचं लक्ष लागलं होतं. अखेर या आठवड्यात Kamali ने बाजी मारत हा मान मिळवला आणि प्रेक्षकांची अपेक्षा पूर्ण केली.
या दुहेरी यशामुळे मालिकेच्या चाहत्यांमध्ये आनंदाचं वातावरण आहे. सोशल मीडियावर चाहत्यांकडून अभिनंदनाचा वर्षाव होत असून “सगळीकडे फक्त Kamali चीच चर्चा”, “Kamali टीमने कमाल केली”, “आता कथा आणखी रंगतदार होणार” अशा प्रतिक्रिया मोठ्या प्रमाणात पाहायला मिळत आहेत. काही प्रेक्षकांनी तर आगामी कथानकाबाबत उत्सुकताही व्यक्त केली आहे.
सध्या Kamali मालिकेत अन्नपूर्णा तिच्या हरवलेल्या मोठ्या नातीचा शोध घेत असल्याचं कथानक दाखवलं जात आहे. राजनलाही आपल्या पत्नीला आणि मुलीला भेटण्याची तीव्र ओढ आहे. या शोधाशी संबंधित काही महत्त्वाचे धागेदोरे पुढे येत असून, कमळीच अन्नपूर्णाची नात असल्याचं सत्य केव्हा उघड होणार, याची उत्सुकता प्रेक्षकांमध्ये वाढत आहे. या रहस्यावर पडदा कधी उठणार, हे येणाऱ्या भागांत स्पष्ट होईल.
हे पण वाचा.. बिग बॉस मराठी ६ मध्ये सागर कारंडेची एन्ट्री? सोशल मीडियावरील पोस्टमुळे चर्चांना उधाण
एकूणच Kamali ने मिळवलेलं हे यश झी मराठीसाठी आणि मालिकेच्या टीमसाठी अभिमानास्पद ठरत असून, पुढील काळातही ही मालिका टीआरपीच्या शिखरावर कायम राहणार का, याकडे सगळ्यांचं लक्ष लागून राहणार आहे.
हे पण वाचा.. Tharala Tar Mag : भर रस्त्यात सचिनचे चाळे, अस्मिता कोसळली; घरात वादळ
