kajalmaya malikichi vel badal star pravah prashak naraj : लोकप्रिय मनोरंजन वाहिनी Star Pravah या महिन्याच्या अखेरीस प्रेक्षकांसाठी एका रोमांचक हॉरर मालिकेची भेट घेऊन येत आहे. मात्र प्रसारणाआधीच या मालिकेबाबत मोठा निर्णय घेण्यात आला आहे. ‘काजळमाया’ या नवीन मालिकेची वेळ बदलण्यात आली असून, यामुळे वाहिनीचे नियमित प्रेक्षक थोडेसे नाराज झाले आहेत.
‘काजळमाया’चा प्रोमो काही दिवसांपूर्वीच प्रदर्शित झाला होता. यामध्ये मालिकेच्या प्रसारणाची तारीख आणि वेळ जाहीर करत रात्री ११ वाजता मालिकेचे प्रक्षेपण होईल, असे सांगण्यात आले होते. पण आता वाहिनीने वेळ बदलण्याचा निर्णय घेतला असून ही मालिका रात्री १०:३० वाजता प्रसारित केली जाणार आहे. हा बदल २७ ऑक्टोबरपासून लागू होईल.
या साडेदहाच्या स्लॉटवर सध्या लोकप्रिय प्रेमकथा मालिका ‘तू ही रे माझा मितवा’ प्रक्षेपित केली जाते. अर्णव-ईश्वरीच्या या मालिकेला सुरुवातीपासूनच चांगला टीआरपी मिळत असल्याने, अचानक वेळ बदलल्याने प्रेक्षकांकडून नाराजी व्यक्त केली जात आहे. “तू ही रे माझा मितवा’ची वेळ का बदलली?”, “टीआरपी चांगला असताना असं का?” अशा प्रकारच्या प्रतिक्रिया प्रेक्षकांकडून सोशल मीडियावर उमटत आहेत. अनेक प्रेक्षकांनी वाहिनीला विनंती केली आहे की ‘काजळमाया’ साठी हा स्लॉट ठेऊ नका किंवा मग ‘तू ही रे माझा मितवा’ला प्राइम टाइम द्यावा.
‘काजळमाया’ या मालिकेत हॉरर आणि रहस्य यांचा सुरेख संगम पाहायला मिळणार आहे. या मालिकेत प्रमुख भूमिकेत लोकप्रिय अभिनेता Akshay Kelkar झळकणार आहे. त्याच्यासोबत Vaishnavi Kalyankar आणि नवोदित अभिनेत्री Ruchi Jhaile महत्त्वाच्या भूमिका साकारणार आहेत. मालिकेची कथा ‘पर्णिका’ नावाच्या एका सुंदर पण निर्दयी चेटकीणीभोवती फिरते. पर्णिकेला चिरतरुण्याचं वरदान असून ती स्वार्थी आणि संधीसाधू आहे. ही व्यक्तिरेखा रुची जाईल साकारणार आहे.
या वेळापत्रक बदलामुळे ‘तू ही रे माझा मितवा’च्या प्रसारण वेळेबाबतही उत्सुकता निर्माण झाली आहे. नेमकी कोणती नवी वेळ ठरेल, याकडे सर्वांचं लक्ष लागलं आहे. हॉरर मालिका ‘काजळमाया’ला वाहिनीने प्राइम स्लॉट देण्याचा निर्णय घेतल्यामुळे, याचे परिणाम प्रेक्षकवर्गावर कसे होतील, हे पाहणे उत्सुकतेचे ठरेल.
हे पण वाचा.. मी या इंडस्ट्रीत आलो ते माझ्या वहिनीमुळेच, अभिनेता हार्दिक जोशीच्या डोळ्यांत आलं पाणी Hardeek Joshi
प्रसारणाआधीच ‘काजळमाया’बद्दल निर्माण झालेली चर्चा या मालिकेबद्दलचं औत्सुक्य वाढवणारी ठरत आहे. आता ही मालिका प्रेक्षकांना कितपत भावते, हे २७ ऑक्टोबरपासूनच स्पष्ट होईल.
हे पण वाचा.. अभिनेत्री नेहा गद्रेने दाखवला मुलाचा चेहरा; परदेशात स्थायिक होऊन नव्या आयुष्याची सुंदर सुरुवात!
