jui gadkari audition fraud incident : मराठी प्रेक्षकांची आवडती अभिनेत्री Jui Gadkari हिने नुकताच तिच्या आयुष्यातील एक धक्कादायक प्रसंग उघड केला आहे. चित्रपटाच्या ऑडिशनची माहिती देत एका अनोळखी व्यक्तीने तिला कॉल केला आणि पुढे जे घडलं, ते तिच्यासाठी विसरता न येणारं अनुभव बनलं. ‘ठरलं तर मग’ मालिकेतून सध्या सर्वांच्या ओळखीची झालेली Jui Gadkari हिने हा संपूर्ण प्रसंग एका मुलाखतीत सांगितला.
तिच्या मते, एका दिवसात अचानक आलेला फोन हा नव्या चित्रपटाच्या ऑडिशनसाठी होता. ठिकाण म्हणून आरे वसाहतीतील एक मोठं हॉटेल सांगितलं होतं. ठरलेल्या वेळेच्या काही मिनिटं आधी ती त्या ठिकाणी पोहोचली; पण आसपासची शांतता आणि माणसांची पूर्ण अनुपस्थिती पाहून तिला सुरुवातीपासून एक विचित्र अस्वस्थता जाणवत होती. हॉटेलच्या पार्किंगमधील डेंजर दिसणाऱ्या वॉचमनची नजरही तिला धडकी भरवणारी होती.
पाचव्या मजल्यावर जायचं सांगितल्यावर Jui Gadkari लिफ्ट घेत वर पोहोचली. परंतु समोर दिसला फक्त एक अंतहीन कॉरिडोर आणि बंद दरवाज्यांची रांग. तिच्या हाका ऐकून एक मुलगा समोर आला आणि दिशादर्शन करून गेला. त्या मार्गाने गेल्यावरही तिथे काहीच नसल्यानं तिच्या मनात संशय आणखी गडद झाला. शेवटी एका कॉर्पोरेट ऑफिसमध्ये तिने मदत मागितली. त्या ठिकाणचे कर्मचारी तिला सुरक्षित ठेऊन पाणी देऊ लागले; मात्र Jui Gadkari ने सावधगिरी म्हणून काहीही घेतलं नाही.
दहा मिनिटांनी ऑफिसचे मालक असलेले वयोवृद्ध सरदारजी आले आणि त्यांनी थेट सांगितलं की तिला फोन करणारा व्यक्ती हा पूर्णपणे फसवा आहे. त्यांनी तिला ताबडतोब निघून जाण्याचा सल्ला दिला. ते ऐकताच Jui Gadkari घाईघाईने पार्किंगकडे धावली. गाडीत बसल्यानंतरही तिला बाहेरचा रस्ता सापडत नव्हता. मोबाईलला नेटवर्क नाही, रस्त्यावर माणूस नाही, आणि सतत तेच बंद पडलेलं हॉटेल तिच्या समोर येत होतं. जवळपास अर्धा तास ती त्याच भागात अडकली होती.
थोड्या वेळाने सायकलवरून जाणाऱ्या एका व्यक्तीला तिने मदत मागितली. त्याने दाखवलेला मार्ग समोरच असल्याचं पाहून ती अवाक झाली. जणू ती एखाद्या वाईट स्वप्नातूनच बाहेर येत होती. रस्त्याच्या कडेला दिसलेल्या ‘स्वामी समर्थ मंदिराकडे’ या फलकानं तिचा आत्मविश्वास परत आणला. तिच्या म्हणण्यानुसार, तीन तासांच्या या भयानक अनुभवातून ती स्वामींच्या कृपेनेच सुखरूप बाहेर पडली.
हे पण वाचा.. महाराष्ट्राची हास्यजत्रा’मध्ये कोण आवडती सह-अभिनेत्री? ओंकार राऊत ने दिलेलं थेट उत्तर चर्चेत
हा संपूर्ण प्रसंग सांगताना Jui Gadkari ने तरुण कलाकारांना सावध राहण्याचा सल्ला दिला. ऑडिशनसारख्या निमित्ताने मिळणाऱ्या अनोळखी कॉल्सवर कधीही अंधविश्वास ठेवू नये, हे तिने ठामपणे सांगितलं. अभिनेत्रीच्या या अनुभवाने मनोरंजन क्षेत्रात वाढत्या फसवणुकीच्या घटना पुन्हा एकदा चर्चेत आल्या आहेत.
हे पण वाचा.. सुंदरी… सुंदरी… गाण्यावर रमाचा तुफानी डान्स; शिवानी मुंढेकरचा नवा व्हिडिओ सोशल मीडियावर धमाल
