jai khandekar anandi serial star pravah new serial : मराठी मालिकांच्या विश्वात आणखी एका प्रेरणादायी कथेला लवकरच सुरुवात होत आहे. Star Pravah या वाहिनीवर १६ मार्चपासून ‘आनंदी’ ही नवी मालिका प्रेक्षकांच्या भेटीला येणार आहे. या मालिकेच्या माध्यमातून एक ताजं आणि उत्साही चेहरा छोट्या पडद्यावर झळकणार आहे. अभिनेत्री Jai Khandekar हिचं हे मालिका विश्वातील पदार्पण विशेष ठरणार आहे.
‘आनंदी’ ही कथा आहे एका अशा तरुणीची, जिने अपघातात आपली दृष्टी गमावली असली तरी आयुष्याकडे पाहण्याचा तिचा दृष्टीकोन मात्र अत्यंत सकारात्मक आहे. डोळ्यांनी जग दिसत नसतानाही मनाने आणि संवेदनांनी जग अनुभवणारी ही मुलगी म्हणजे आनंदी. तिच्यासाठी अंधत्व हा कमकुवतपणा नसून तिची ताकद आहे. ती इतरांना सहज न जाणवणाऱ्या गोष्टी ओळखते, लोकांच्या भावनांना स्पर्श करते आणि गरजूंना मदत करणं तिच्या स्वभावातच आहे. “डोळे कधी फसवू शकतात, पण मन कधीच नाही,” हा तिचा जीवनमंत्र कथानकाचा गाभा ठरणार आहे.
या महत्त्वाच्या भूमिकेबद्दल बोलताना Jai Khandekar म्हणाली की, ही व्यक्तिरेखा साकारताना तिला केवळ अभिनयच नाही तर भावनिक जबाबदारीही पार पाडावी लागणार आहे. या भूमिकेसाठी तिने अंध मुलांच्या संस्थेत आठवडाभराचं विशेष वर्कशॉप केलं. त्या मुलांचं दैनंदिन आयुष्य, त्यांची जगण्याची पद्धत आणि सकारात्मकतेचा दृष्टिकोन जवळून अनुभवताना तिला आयुष्याकडे नव्याने पाहण्याची दृष्टी मिळाली, असं ती सांगते. “आनंदी ही फक्त भूमिका नाही, ती एक भावना आहे,” असं सांगताना तिच्या आवाजातला आत्मविश्वास जाणवतो.
या मालिकेत तिच्यासोबत अप्पी आमची कलेक्टर फेम रोहित परशुराम प्रमुख भूमिकेत दिसणार आहेत. तसेच अलापिनी निसाल ही देखील महत्त्वाच्या भूमिकेत झळकणार आहे. तिने यापूर्वी नवरी मिळे हिटलरला या मालिकेत काम केलं आहे.
नाटकांच्या माध्यमातून अभिनय, लेखन आणि दिग्दर्शन अशा तिहेरी भूमिका पार पाडलेली Jai Khandekar आता छोट्या पडद्यावर मोठ्या जबाबदारीसह झळकणार आहे. यापूर्वी तिने ‘भूमिका’ या नाटकात प्रमुख भूमिका साकारली होती. आता ‘आनंदी’च्या माध्यमातून ती प्रेक्षकांच्या मनात स्थान निर्माण करेल, अशी अपेक्षा व्यक्त होत आहे.
हे पण वाचा.. तुझ्या सोबतीने फेम अभिनेत्री एतशा संझगिरी अडकली लग्नबंधनात!
एकूणच, सकारात्मकता, जिद्द आणि भावनांचा सुंदर संगम असलेली ‘आनंदी’ ही मालिका प्रेक्षकांना विचार करायला भाग पाडेल, अशी चिन्हं दिसत आहेत. Jai Khandekar च्या नव्या प्रवासाकडे आता सगळ्यांचं लक्ष लागलं आहे.
हे पण वाचा.. कर्करोगाशी लढणाऱ्या चिमुकल्याची इच्छा पूर्ण; जान्हवी किल्लेकरची भावुक भेट
