मराठी टेलिव्हिजनपासून सिनेमा पर्यंतच्या प्रवासात आपल्या अभिनयाचं अप्रतिम अविष्कार सादर करणारी अभिनेत्री Hruta Durgule हिच्या कारकिर्दीला आणखी एक सन्मान मिळाला आहे. महाराष्ट्र राज्य चित्रपट पुरस्कार २०२५ या प्रतिष्ठित सोहळ्यात हृताला तिच्या पदार्पण चित्रपट ‘अनन्या’ साठी सर्वोत्कृष्ट पदार्पण अभिनेत्रीचा पुरस्कार प्राप्त झाला आहे.
‘अनन्या’ या चित्रपटाद्वारे Hruta Durgule हिने मराठी सिनेसृष्टीत पदार्पण केलं. याआधी ती ‘दुर्वा’, ‘फुलपाखरू’ यांसारख्या मालिकांमधून प्रेक्षकांच्या घराघरात पोहोचली होती. विशेषतः ‘फुलपाखरू’ या मालिकेतील भूमिकेने ती घराघरात पोहचली आणि रसिकांची लाडकी बनली. पण ‘अनन्या’मधील तिच्या अभिनयाने समीक्षक आणि प्रेक्षक दोघांची मनं जिंकली.
या गौरवाच्या क्षणी तिचा पती आणि प्रसिद्ध दिग्दर्शक प्रतीक शाह याने एक हृदयस्पर्शी पोस्ट शेअर केली आहे. इंस्टाग्रामवर हृताचा पुरस्कार हातात घेतलेला फोटो शेअर करत त्याने लिहिलं, “महाराष्ट्र राज्य सर्वोत्कृष्ट पदार्पण पुरस्कार मिळाल्याबद्दल तुला खूप खूप शुभेच्छा. मला तुझा खूप अभिमान आहे. तू जितकं स्वप्न पाहिलं आहेस, त्याहीपलीकडे तू जाशील. तू माझी सुपरस्टार आहेस.” या ओळींमधून प्रतीकने हृताबद्दलचा आदर, प्रेम आणि अभिमान मोकळेपणाने व्यक्त केला.
हे पण वाचा..Hruta Durgule भावनिक क्षण! सर्वोत्कृष्ट पदार्पणाचा पुरस्कार मिळाल्यावर शेअर केली मनमोकळी पोस्ट
तसंच या आनंददायी प्रसंगावर स्वतः Hruta Durgule हिनेही सोशल मीडियावर भावनिक पोस्ट शेअर केली. तिने चित्रपटाचे दिग्दर्शक प्रताप फड यांचे विशेष आभार मानले आणि लिहिलं, “अनन्या हा चित्रपट देऊन माझ्यावर विश्वास ठेवला, यासाठी मी कायम तुमची ऋणी राहीन. तुमच्याशिवाय हे शक्य झालं नसतं. माझा प्रत्येक पुरस्कार तुमच्यासाठी असेल.” यासोबतच तिने निर्माता रवी जाधव यांचेही मनापासून आभार मानले आहेत.
‘अनन्या’ हा चित्रपट २२ जुलै २०२२ रोजी प्रदर्शित झाला होता. या चित्रपटातून हृता आणि प्रताप फड या दोघांचं मराठी सिनेमातील पदार्पण झालं होतं. रवी जाधव यांच्यासारख्या नामवंत निर्मात्याच्या संकल्पनेतून तयार झालेला हा सिनेमा सामाजिक भावभावनांना हात घालणारा ठरला. चित्रपटाने प्रेक्षकांकडून आणि समीक्षकांकडूनही भरभरून प्रतिसाद मिळवला होता.
हृताच्या भूमिकेतील प्रामाणिकपणा, आत्मविश्वास आणि संवादफेक ही या चित्रपटाची मोठी जमेची बाजू ठरली. तिच्या अभिनयातील सहजता आणि भावनिक सादरीकरणामुळे Hruta Durgule ने पदार्पणातच आपली वेगळी छाप पाडली.
हे पण वाचा..Rinku Rajguru चा अभिमानाचा क्षण; राज्य पुरस्कार जिंकून कृतज्ञतेने भरली पोस्ट
या पुरस्कारामुळे तिच्या अभिनयाची अधिकृत पावती मिळाली असून, मराठी चित्रपटसृष्टीत तिला आता आणखी गंभीरतेने पाहिलं जातंय. नवऱ्याच्या पाठिंब्याने आणि चाहत्यांच्या प्रेमाने ती आपल्या पुढील वाटचालीतही नक्कीच नवे शिखर गाठेल, यात शंका नाही.
