‘housefull 5’ मध्ये हास्याचा धमाका आणि रहस्याचा ट्विस्ट; अनेक कलाकारांचा दमदार मेळ, प्रेक्षकांना मिळणार वेगळा अनुभव!
बॉलिवूडमधील सर्वात यशस्वी कॉमेडी फ्रँचायझींपैकी एक असलेल्या ‘Housefull’ मालिकेचा पाचवा भाग, ‘housefull 5’, अखेर प्रेक्षकांच्या भेटीला येतोय आणि त्याचा ट्रेलर लाँच होताच सगळीकडे उत्साहाचं वातावरण पसरलं आहे. या वेळी फक्त हास्य नाही, तर एक अनोखं मर्डर मिस्ट्री ट्विस्टही घेऊन ही फिल्म प्रेक्षकांसमोर येणार आहे. आणि विशेष म्हणजे housefull 5 मध्ये प्रत्येक थिएटरमध्ये वेगळी क्लायमॅक्स स्टोरी पाहायला मिळणार आहे.
या कॉमिक थ्रिलरमध्ये अक्षय कुमार, अभिषेक बच्चन आणि रितेश देशमुख हे तिघं एकाच वारसाहक्कासाठी जॉली नावाच्या पात्राच्या तीन वेगवेगळ्या रूपात समोर येतात. एक आलिशान क्रूझवर गोष्ट घडते, जिथे पार्टीनंतर या तिघांना एका हत्येच्या आरोपाखाली अटक केली जाते. आणि नंतर या गूढतेचं उकल करण्यासाठी दोन खास पोलिस अधिकारी – संजय दत्त आणि जॅकी श्रॉफ – प्रकरणाच्या तपासासाठी मैदानात उतरतात.
housefull 5 च्या ट्रेलरमध्ये विनोदी क्षणांची रेलचेल तर आहेच, पण त्याचवेळी प्रेक्षकांना रहस्यमयतेने गुंतवून ठेवण्याची ताकदही स्पष्ट दिसते. जॅकी श्रॉफने ट्रेलरमध्ये आपल्या मुलगा टायगर श्रॉफचा ‘छोटी बच्ची हो क्या?’ डायलॉग पुन्हा एकदा वेगळ्या अंदाजात सादर करून धमाल उडवून दिली.
निर्माते साजिद नाडियाडवाला यांनी सांगितलं की, त्यांना गेली 30 वर्षं अशा एका कथानकाची कल्पना मनात होती – जिथे एकाच सिनेमाला दोन वेगळ्या क्लायमॅक्सेस असतील. त्यांनी स्पष्ट केलं की housefull 5 मध्ये Gaiety, Galaxy, PVR सारख्या थिएटरमध्ये प्रत्येक ठिकाणी वेगळा किलर आणि वेगळं शेवटचं सीन असेल. म्हणजेच, प्रेक्षकांनी जर हा सिनेमा पुन्हा पाहिला, तर प्रत्येक वेळेस वेगळा शेवट दिसणार आहे.
हे पण वाचा ..aditi rao hydari च्या पारंपरिक अंदाजाने कान्सच्या रेड कार्पेटवर रंग भरले; विदेशी चाहत्यासोबतचा व्हिडिओही चर्चेत
या चित्रपटाचे दिग्दर्शन ‘दोस्ताना‘ फेम तरुण मंसुखानी यांनी केले आहे. चित्रपटाची निर्मिती साजिद नाडियाडवाला, वर्दा नाडियाडवाला आणि फिरुजी खान यांनी नाडियाडवाला ग्रँडसन एंटरटेनमेंटच्या बॅनरखाली केली आहे. housefull 5 हे एकमेव असे भारतीय कॉमेडी फ्रँचायझी चित्रपट आहे जो पाचव्या भागापर्यंत पोहोचला आहे.
चित्रपटातील आणखी एक आकर्षण म्हणजे अभिनेत्री नरगिस फाखरीची कमबॅक. तिने सांगितले की, एका योगायोगाने तिची साजिद नाडियाडवाला यांच्याशी PVRमध्ये भेट झाली आणि त्यानंतर काही दिवसांतच तिला housefull 5 साठी फोन आला. ती सांगते, “हे खरंच जादू होतं. एवढ्या वर्षांनंतर पुन्हा सेटवर येणं, तेव्हा सगळं खूप छान वाटलं.” त्याचप्रमाणे फर्दीन खानही तब्बल १२ वर्षांनंतर मोठ्या पडद्यावर पुनरागमन करत आहे आणि त्यासाठी housefull 5 सारखा मोठा प्रोजेक्ट मिळणं त्याला ‘celebration’ वाटतं आहे.
ज्येष्ठ अभिनेते जॅकी श्रॉफ यांनीही सेटवरची धमाल सांगितली. त्यांनी विनोदपूर्वक म्हटलं, “इतके मोठे मोठे जोकर आहेत, पण सर्वात मोठा जोकर म्हणजे अक्षय कुमार. तो उभा असताना कधी शर्ट काढेल याचा अंदाजही लागत नाही.” Housefull 5 च्या सेटवर हास्य, धमाल आणि एकमेकांबरोबरचे मस्त बॉन्डिंग अनुभवायला मिळालं, असं अनेक कलाकारांनी सांगितलं.
हे पण वाचा ..‘सनम तेरी कसम 2’ साठी harshvardhan rane चा नकार; भारत-पाक तणावामुळे घेतला कठोर निर्णय
ट्रेलर लाँचच्या कार्यक्रमात अक्षय कुमारनेही नेहमीसारख्याच हलक्याफुलक्या अंदाजात संवाद साधला. एका पत्रकाराने त्याच्या चित्रपटासाठी घेतलेल्या फीसबाबत प्रश्न विचारल्यावर तो म्हणाला, “माझं तुला सांगायचं काय काम? तू आमचं भाचं आहेस का?” त्याने हसत हसत कबुल केलं की पैसे घेतले आणि बऱ्यापैकी घेतले, पण त्याचबरोबर त्याने वातावरण हलकंफुलकं ठेवलं.
housefull 5 च्या ट्रेलरमधून एक गोष्ट स्पष्ट होते – ही केवळ एक विनोदी कथा नाही, तर एक आकर्षक थ्रिलर आहे, जिथे दरवेळी नवीन क्लायमॅक्स, नवे ट्विस्ट्स आणि प्रेक्षकांसाठी नवे अनुभव आहेत. अक्षय कुमार, रितेश देशमुख आणि अभिषेक बच्चन यांच्यासह संजय दत्त, जॅकी श्रॉफ, फर्दीन खान, शर्यस तळपदे, जॉनी लिव्हर, नाना पाटेकर, जैकलिन फर्नांडिस, नरगिस फाखरी, चित्रांगदा सिंग, सोनम बाजवा, चंकी पांडे आणि इतर मोठ्या कलाकारांची उपस्थिती या सिनेमाला विशेष बनवते.
चित्रपट 6 जून 2025 रोजी प्रेक्षकांच्या भेटीला येणार आहे. आणि housefull 5 चा सिनेमा प्रत्येक वेळेस वेगळा शेवट घेऊन येणार असल्यामुळे, प्रेक्षकांनी एकाहून अधिक वेळा थिएटरमध्ये पाहण्याची शक्यता नाकारता येत नाही.
यंदाचा housefull 5 म्हणजे हसत हसत गुंतवणारा थरार – असा अनुभव जो बॉलिवूडमध्ये यापूर्वी कधीच पाहायला मिळालेला नाही.
