girija oak blue saree look viral national crush : मराठी चित्रसृष्टीतील प्रतिभावान अभिनेत्री गिरिजा ओक (Girija Oak) हिने पुन्हा एकदा आपल्या मोहक अंदाजाने सोशल मीडियावर धुमाकूळ घातला आहे. नुकतेच तिचे निळ्या साडीतील काही सुंदर फोटो सोशल मीडियावर समोर आले असून हे फोटो पाहताच चाहते तिच्यावर फिदा झाले आहेत. काही तासांतच हे फोटो व्हायरल होत “नॅशनल क्रश” म्हणून गिरिजाचे नाव सोशल मीडियावर ट्रेंड होऊ लागले आहे.
एका खास मुलाखतीसाठी Girija Oak ने हा पारंपरिक आणि आकर्षक लूक निवडला होता. निळ्या रंगाची साडी आणि त्यासोबत स्लिव्हलेस ब्लाऊज असा साधा पण उठावदार अंदाज तिने ठेवला. केस मोकळे सोडल्यामुळे तिचं सौंदर्य अधिक खुलून आलं होतं. या लूकमध्ये तिचा आत्मविश्वास आणि ग्रेस दोन्हीही दिसून येत होते. अनेक चाहत्यांनी तिच्या या फोटोंवर “क्लासिक ब्यूटी”, “क्वीन ऑफ एलेगन्स” अशा प्रतिक्रिया दिल्या.
गिरिजा ओक ही मराठी चित्रपटसृष्टीतील प्रसिद्ध अभिनेते गिरीश ओक यांची मुलगी आहे. अभिनयाची परंपरा घरातूनच लाभलेल्या गिरिजाने आपल्या मेहनतीने आणि अभिनय कौशल्याने स्वतंत्र ओळख निर्माण केली आहे. ती अनेक मराठी चित्रपट, मालिका आणि वेबसीरिजमधून प्रेक्षकांच्या मनात घर करून बसली आहे.
फक्त मराठीच नव्हे तर हिंदी चित्रपटसृष्टीतही गिरिजाने आपली छाप उमटवली आहे. शाहरुख खानच्या ‘जवान’ या ब्लॉकबस्टर सिनेमात ती महत्त्वाच्या भूमिकेत दिसली होती. त्या भूमिकेनंतर तिच्या लोकप्रियतेत प्रचंड वाढ झाली.
अनेकांना आश्चर्य वाटेल पण सध्या “नॅशनल क्रश” म्हणून ओळखली जाणारी Girija Oak ही ३७ वर्षांची आहे. वयावरून तिच्या ताजेपणाचा आणि सौंदर्याचा अंदाज कुणालाही येणार नाही. २०११ साली तिने सुहृद गोडबोले यांच्याशी लग्न केले असून त्यांना एक मुलगादेखील आहे.
हे पण वाचा.. सावळ्याची जणू सावली’ फेम निशाद भोईरला मिळाली सिनेमाची संधी; ट्रेनमध्ये लागलं ‘गोंधळ’चं पोस्टर पाहून झाला भावूक
गिरिजाचा हा मोहक लूक आणि तिची साधेपणातली आकर्षकता पाहून पुन्हा एकदा हे सिद्ध झालं की खरी सौंदर्य हे केवळ ग्लॅमरमध्ये नसून आत्मविश्वासात दडलेलं असतं. आज Girija Oak ही केवळ मराठींची नव्हे तर देशभरातील चाहत्यांची नवी “नॅशनल क्रश” बनली आहे.
हे पण वाचा.. कमळी फेम केतकी कुलकर्णीला लहानपणी होता दुर्मीळ आजार; अभिनेत्रीच्या आईने सांगितला भावनिक अनुभव
