gayatri datar shares christmas post : मराठी मनोरंजनविश्वात सध्या लग्नसराईचं वातावरण पाहायला मिळत आहे. एकामागोमाग एक लोकप्रिय अभिनेत्री त्यांच्या आयुष्यातील नवा अध्याय सुरू करत असल्याच्या बातम्या समोर येत आहेत. पूजा बिरारी, प्राजक्ता गायकवाड, अनुष्का पिंपुटकर यांसारख्या अभिनेत्री यंदा विवाहबंधनात अडकल्या, तर ज्ञानदा रामतीर्थकरचा साखरपुडा नुकताच पार पडला. अशाच या आनंदी यादीत आता आणखी एका अभिनेत्रीचं नाव सामील झालं असून ती अभिनेत्री म्हणजे Gayatri Datar.
‘तुला पाहते रे’ या गाजलेल्या मालिकेमुळे घराघरांत पोहोचलेली Gayatri Datar लवकरच लग्नबंधनात अडकणार आहे. काही दिवसांपूर्वी तिने सोशल मीडियावर एक पोस्ट शेअर करत “माझ्या आयुष्यात हिरोची एन्ट्री झाली आहे” असं सूचक कॅप्शन दिलं होतं. त्या पोस्टनंतर चाहत्यांमध्ये उत्सुकता वाढली होती. मात्र, त्या वेळी तिने तिच्या आयुष्यातील खास व्यक्तीचा चेहरा उघड केला नव्हता.
अखेर ख्रिसमसच्या दिवशी Gayatri Datar हिने चाहत्यांना मोठं सरप्राइज दिलं. सोशल मीडियावर एक खास व्हिडीओ शेअर करत तिने होणाऱ्या नवऱ्याचा चेहरा सर्वांसमोर आणला. “भेटा माझ्या आयुष्यातील सांताला…” असं भावनिक कॅप्शन देत तिने एंगेजमेंटचा आनंद व्यक्त केला. या पोस्टमध्ये #Engage हा हॅशटॅगही वापरण्यात आला आहे.
Gayatri Datar च्या होणाऱ्या जोडीदाराचं नाव श्रीकांत चवरे आहे. सोशल मीडियावर त्याचं प्रोफाइल प्रायव्हेट असलं, तरी उपलब्ध माहितीनुसार त्याने IIT बॉम्बे येथून शिक्षण पूर्ण केलं आहे. तो एक प्रोफेशनल ड्रोन फोटोग्राफर असून त्याला ट्रॅव्हल आणि फोटोग्राफीची विशेष आवड आहे. गायत्री आणि श्रीकांतचा हा साधा, पण रोमँटिक व्हिडीओ सध्या सोशल मीडियावर चांगलाच व्हायरल होत आहे.
ही पोस्ट शेअर झाल्यानंतर चाहत्यांसह मराठी कलाकारांनीही Gayatri Datar वर शुभेच्छांचा वर्षाव केला आहे. “खूप छान जोडी”, “नव्या आयुष्यासाठी शुभेच्छा” अशा प्रतिक्रिया मोठ्या प्रमाणात पाहायला मिळत आहेत. आता गायत्री नेमकी कधी लग्न करणार, याची चाहत्यांना उत्सुकता लागली आहे.
हे पण वाचा.. २५ डिसेंबर २००५… वडिलांशी झालेली शेवटची भेट आठवताना भावुक झाले स्वप्नील राजशेखर
वर्कफ्रंटबद्दल सांगायचं झालं तर, Gayatri Datar ने ‘तुला पाहते रे’ या मालिकेमधील भूमिकेमुळे प्रचंड लोकप्रियता मिळवली. त्यानंतर ती ‘बिग बॉस मराठी’च्या तिसऱ्या पर्वातही सहभागी झाली होती. तसेच ‘अबीर गुलाल’ या मालिकेत शुभ्रा ही महत्त्वाची भूमिका आणि ‘चल भावा सिटीत’ या कार्यक्रमात स्पर्धक म्हणूनही ती झळकली. आता तिच्या वैयक्तिक आयुष्यातील हा नवा टप्पा चाहत्यांसाठी नक्कीच खास ठरणार आहे.
