First flight Riaan Genelia Deshmukh emotional moment : मराठी चित्रपटसृष्टीतील आदर्श दांपत्य म्हणून ओळखल्या जाणाऱ्या Genelia Deshmukh आणि रितेश देशमुख यांच्या कुटुंबात आनंदाचा आणि भावुकतेचा क्षण अनुभवायला मिळाला. त्यांचा मोठा मुलगा रियानने पहिल्यांदाच आई-वडिलांशिवाय विमान प्रवास केला असून, या खास क्षणाचा व्हिडिओ जिनिलियाने सोशल मीडियावर शेअर करत भावनिक शब्दात आठवणी जपल्या.
मुंबई विमानतळावर नुकतेच संपूर्ण देशमुख कुटुंब दिसले. दहा वर्षांचा रियान हातात छोटी ट्रॉली बॅग आणि पाठीवर सॅक घेऊन उत्साहाने प्रवासाला निघताना दिसला. शालेय मित्रमैत्रिणींसोबतची ही त्याची पहिली शैक्षणिक सहल असल्याने घरच्यांसाठी तितकंच गर्वाचं आणि ओढ लागल्यासारखं क्षण होतं. रियानच्या चेहऱ्यावर आत्मविश्वास झळकत होता, तर Genelia Deshmukh आणि रितेश या दोघांच्या नजरेतून मुलाच्या पहिल्या स्वावलंबी पावलाचा आनंद आणि भावूकता स्पष्ट जाणवत होती.
हा व्हिडिओ शेअर करत जिनिलियाने लिहिलं की, “याआधी तुझं प्रत्येक ‘पहिलं’ आमच्यासोबत होतं. आता हळूहळू तू स्वप्नांच्या वाटेवर एकट्याने चालायला शिकतोयस. जा बेटा, जग पाहा, अनुभव मिळवा. आम्ही तुझी घरी वाट पाहत आहोत.” या संदेशात एका आईची चिंता, प्रेम आणि मुलाच्या वाढत्या वयाबद्दलचा अभिमान यांचा सुंदर संगम जाणवत होता.
रितेश आणि Genelia Deshmukh हे दोघेही नेहमीच मुलांसोबत वेळ घालवताना दिसतात. कौटुंबिक क्षण, छोट्या छोट्या आठवणी ते वारंवार चाहत्यांसोबत शेअर करतात. त्यामुळे रियानच्या या पहिल्या प्रवासाला चाहत्यांचा देखील भरभरून प्रतिसाद मिळाला आहे.
दरम्यान, जिनिलिया पुन्हा अभिनयात सक्रीय झाली असून अलीकडेच ती आमिर खानच्या ‘सितारे जमीन पर’मध्ये झळकली. तसेच तिचा तेलुगू चित्रपट ‘ज्युनिअर’ प्रदर्शित झाला असून लवकरच ती ‘गनमास्टर जी9’मध्ये दिसणार आहे.
हे पण वाचा.. आम्ही गोव्याला होतो…विमान प्रवासातच मेघन जाधवचं लग्न ठरल्याची बातमी बाहेर!
देशमुख कुटुंबासाठी हा क्षण अभिमानाचा असून, रियानची ही पहिली स्वप्नांच्या उड्डाणाची पायरी चाहत्यांनाही आनंद देऊन गेली आहे.
हे पण वाचा.. प्राजक्ता माळी ला ओंकारचं थेट प्रपोज! कॉमेडी की कन्फेशन? चाहत्यांमध्ये खळबळ
