८१ व्या वर्षीही ऊर्जा आणि अभिनयाने भारलेला चेहरा, दिलीप प्रभावळकर आजही प्रेक्षकांच्या मनावर अधिराज्य गाजवत आहेत. अभिनयाच्या विविध माध्यमांतून त्यांनी आपली कलात्मक छाप सोडलेली असली तरी, आज त्यांच्या वाढदिवसानिमित्त उलगडलेला एक किस्सा सोशल मीडियावर प्रचंड चर्चेचा विषय ठरत आहे. हा किस्सा आहे त्यांच्या ‘फिटनेस’चा – पण त्या फिटनेसचं श्रेय एका कुत्र्याला जातं, आणि त्या कुत्र्याचं नाव आहे… ‘अर्जुन!’
Dilip Prabhavalkar यांनी काही वर्षांपूर्वी रेडिओ सीटी मराठीला दिलेल्या एका मुलाखतीत हा किस्सा सांगितला होता. Dilip Prabhavalkar सांगतात, “रात्री उशीरा मी चालत घरी जात होतो. तेव्हा अचानक ५ कुत्रे माझ्या मागे लागले! एक बाई त्यांच्या जवळ होती आणि सतत ओरडत होती – ‘अर्जुन असं नको करू, अर्जुन थांब…’ पण त्या पाचांपैकी कोण ‘अर्जुन’ होता हे मलाच कळेना!”
ही सगळी धावपळ एवढी गंभीर होती की, क्षणात दिलीपजींनी जोरात धाव घेतली आणि ते त्या सगळ्यांपासून लांब गेले. “माझ्या वयात मी इतका वेगाने पळालो, हे मला पाहूनच आश्चर्य वाटलं. तेव्हाच लक्षात आलं की माझं फिटनेस अजूनही कमालीचं आहे,” असं ते हसत हसत सांगतात.
हे पण वाचा.. ‘नवरी मिळे हिटलरला’ फेम Vallari Viraj आणि आलापिनी निसळ पुन्हा एकत्र? नवा प्रोजेक्ट चर्चेत
त्या महिलेनं पुढे त्याला इंजेक्शन दिलं आहे, असं सांगितलं पण तोवर Dilip Prabhavalkar तिथून बराच दूर निघून गेले होते. त्यांच्या म्हणण्यानुसार, “ती बाई कोण होती, नंतर ती मला पुन्हा कधीच भेटली नाही. कदाचित तो अर्जुन अस्तित्वात होता की नाही, हेदेखील सांगता येणार नाही!”
या छोट्याशा प्रसंगात विनोद आहे, विस्मय आहे आणि थोडा थरारदेखील. पण यातून एक गोष्ट नक्की स्पष्ट होते – Dilip Prabhavalkar यांचा फिटनेस आजही किती जबरदस्त आहे!
आज मराठी सिनेसृष्टीत दिलीप प्रभावळकर हे एक आदरणीय नाव आहे. त्यांनी मालिका, चित्रपट, रंगभूमी, अगदी हिंदी सिनेमा सृष्टीत देखील आपल्या अभिनयाचं मोठं योगदान दिलं आहे. ‘तथास्तु‘, ‘चमत्कार’, ‘मुन्नाभाई MBBS’, ‘दशावतार‘ अशा वेगवेगळ्या भूमिकांमध्ये त्यांनी प्रेक्षकांच्या मनात जागा मिळवली आहे.
हे पण वाचा..“लोकांना अक्कल नाही…” दादरच्या कबुतरखान्याविरुद्ध अभिनेता Abhijeet Kelkar यांचा संताप
सध्या त्यांचा आगामी सिनेमा ‘दशावतार’ प्रेक्षकांच्या भेटीस येतोय. पोस्टरमधील त्यांच्या लूकने आधीच उत्सुकता वाढवली आहे. १२ सप्टेंबरला हा सिनेमा प्रदर्शित होतोय, आणि प्रेक्षक उत्सुकतेने वाट पाहत आहेत.
Dilip Prabhavalkar यांचा आजचा हा वाढदिवस त्यांच्या चाहत्यांसाठी केवळ अभिनंदनाचा दिवस नाही, तर त्यांच्या विनोदी आणि चटकदार आठवणी पुन्हा अनुभवण्याचा एक सुंदर क्षण आहे.
८१ वर्षांचा हा अभिनेता आजही मनाने आणि तनाने तरुण आहे – आणि याचे क्रेडिट जातं… ‘अर्जुन’ नावाच्या एका कुत्र्याला!
