dashavatar box office collection marathi : मराठी चित्रपटसृष्टीत नव्या दमाची ऊर्जा निर्माण करणारा Dashavatar चित्रपट प्रेक्षकांकडून प्रचंड प्रतिसाद मिळवत आहे. १२ सप्टेंबरला प्रदर्शित झालेल्या या सिनेमाने पहिल्याच आठवड्याच्या सुरुवातीला बॉक्स ऑफिसवर चांगली घोडदौड सुरू केली आहे. पहिल्या दिवशी या चित्रपटाने साधारण ५८ लाखांचा गल्ला जमावला, तर दुसऱ्या दिवशी कमाईत तब्बल दुप्पट वाढ होत १.३९ कोटींचा टप्पा पार केला. अशाप्रकारे दोन दिवसांत Dashavatar ने सुमारे २.२ कोटी रुपयांची कमाई केली आहे.
‘Dashavatar’ हा सिनेमा प्रेक्षकांच्या मनात का ठसतोय, याची अनेक कारणं आहेत. कोकणच्या संस्कृतीशी घट्ट नातं सांगणारी कथा, उत्कृष्ट सिनेमॅटोग्राफी आणि दिलीप प्रभावळकर यांचा प्रभावी अभिनय ही या चित्रपटाची खरी ताकद ठरली आहे. वयाच्या ८० व्या वर्षी बाबुली मिस्त्री या भूमिकेत प्रभावळकरांनी दाखवलेला अभिनय रसिकांना भारावून टाकतो.
या चित्रपटाचं दिग्दर्शन सुबोध खानोलकर यांनी केलं असून लेखन देखील त्यांनीच केलं आहे. महेश मांजरेकर, भरत जाधव, सिद्धार्थ मेनन, अभिनय बेर्डे, प्रियदर्शिनी इंदलकर, विजय केंकरे, सुनील तावडे, रवी काळे यांसारख्या दिग्गज कलाकारांनी या सिनेमाला अधिक वजनदार बनवलं आहे. निर्मिती सुबोध खानोलकर यांच्यासह सुजय हांडे, ओंकार काटे, अशोक हांडे, आदित्य जोशी यांसह इतर सहनिर्मात्यांनी केली आहे.
हे पण वाचा.. सोनाली कुलकर्णीचा लेकीसोबत डान्स व्हिडीओ व्हायरल; २२ वर्षांपूर्वीच्या हिट गाण्यावर थिरकली मायलेकी
‘Dashavatar’ च्या माध्यमातून दिग्दर्शकाने कोकणातील लोकजीवनाशी निगडित आणि समाजाला विचार करायला लावणारा मुद्दा मांडला आहे. गेल्या काही महिन्यांत प्रदर्शित झालेल्या मराठी चित्रपटांच्या तुलनेत Dashavatar चं कलेक्शन उत्तम मानलं जात आहे. रविवारी व पुढील आठवड्याच्या सुरुवातीला या कमाईत आणखी वाढ होण्याची शक्यता वर्तवली जात आहे.
मराठी सिनेमांच्या चाहत्यांसाठी ‘Dashavatar’ ही एक वेगळी आणि मनाला भिडणारी कलाकृती ठरतेय. सिनेमाच्या लोकप्रियतेवरून स्पष्ट होतंय की, दिलीप प्रभावळकर आणि त्यांच्या सहकलाकारांच्या दमदार अभिनयामुळे हा सिनेमा पुढील काही दिवसांत बॉक्स ऑफिसवर नवे विक्रम प्रस्थापित करू शकतो.
हे पण वाचा.. ‘तुला जपणार आहे’ मालिकेच्या वेळेबाबत चर्चांना उधाण; झी मराठीच्या पोस्टमुळे प्रेक्षकांमध्ये संभ्रम
