Chala Hawa Yeu Dya New Season : प्रेक्षकांचा लाडका शो ‘चला हवा येऊ द्या’ पुन्हा एकदा नवी ऊर्जा आणि हास्याची बरसात घेऊन येत आहे. या नव्या पर्वाच्या पार्श्वभूमीवर श्रेया बुगडेने भावनिक पोस्ट शेअर करत प्रेक्षकांना खास संदेश दिला आहे
Chala Hawa Yeu Dya – नव्या पर्वाची धमाकेदार सुरुवात
मराठी मनोरंजन विश्वातील सर्वात लोकप्रिय कार्यक्रमांपैकी एक म्हणजे ‘चला हवा येऊ द्या’. या शोने गेल्या दहा वर्षांत प्रेक्षकांच्या हास्याच्या आणि आनंदाच्या असंख्य आठवणींवर ठसा उमटवला आहे. आता हा कार्यक्रम नवीन पर्व घेऊन पुन्हा प्रेक्षकांसमोर येत आहे. २६ जुलैपासून सुरू होणाऱ्या या नव्या पर्वाबद्दल उत्सुकता शिगेला पोहोचली आहे.
गौरव मोरे, प्रियदर्शन जाधव, भारत गणेशपुरे, कुशल बद्रिके आणि श्रेया बुगडे या कलाकारांची नव्या पर्वातली धमाल प्रेक्षकांना पुन्हा अनुभवायला मिळणार आहे.Chala Hawa Yeu Dya या शोच्या सुरुवातीच्या भागापूर्वीच श्रेया बुगडेने एक हृदयस्पर्शी पोस्ट शेअर करत चाहत्यांना ‘या नव्या पर्वाला तितकंच प्रेम द्या’ अशी विनंती केली आहे.
हे पण वाचा..अभिनयातून थेट Rutuja Bagwe चं बिझनेस डेब्यू! काय खास प्लॅन? म्हणत..सर्वांचं लक्ष वेधलं
“2014 ते 2024 – एक अविस्मरणीय प्रवास”
तिच्या पोस्टमध्ये श्रेया म्हणते,
“‘चला हवा येऊ द्या’ जेव्हा २०१४ मध्ये सुरू झाला तेव्हा असा कार्यक्रम मराठी टीव्हीवर कधीच झाला नव्हता. आम्ही सर्वजण नवीन होतो, प्रत्येक भागासोबत अनुभव घेत होतो. या दहा वर्षांत मायबाप प्रेक्षकांनी आमच्यावर प्रेमाचा वर्षाव केला. शोमध्ये आम्ही कधी चुकलो, तेव्हा तुम्ही कान पकडले; आणि जेव्हा यशस्वी झालो, तेव्हा भरभरून कौतुक केलं.”
ती पुढे म्हणते, “आता आम्ही ‘हवा येऊ द्या’चा नवा अध्याय सुरू करतोय. यावेळीही आमचा उद्देश एकच आहे – तुमचं भरभरून मनोरंजन करणं. नवीन-जुने सवंगडी घेऊन आम्ही पुन्हा एकदा तुमच्या चेहऱ्यावर हास्य आणण्याचा प्रामाणिक प्रयत्न करणार आहोत.”
नव्या चेहऱ्यांची एन्ट्री
Chala Hawa Yeu Dya या शोमध्ये यंदा काही नवीन कलाकारांनाही संधी मिळाली आहे. श्रेया म्हणाली, “महाराष्ट्रातील कानाकोपऱ्यातून आलेल्या नव्या प्रतिभावान कलाकारांची विनोदी शैली प्रेक्षकांना नक्कीच भावेल. त्यांच्या डोळ्यांतही मोठी स्वप्नं आहेत, जशी आमच्या सुरुवातीला होती. त्यांना तुम्हीही नक्कीच भरभरून प्रतिसाद द्याल.”
प्रेक्षकांकडून अपेक्षा
श्रेया बुगडेने पोस्टमध्ये शेवटी म्हटलं,
Chala Hawa Yeu Dya“या नव्या पर्वाकडे प्रेक्षकांनी आपल्या आवडत्या शोचं पुनरागमन म्हणून बघावं. तुमच्या प्रेमाशिवाय ‘चला हवा येऊ द्या’चा प्रवास कधीच पूर्ण झाला नसता. या पर्वालाही तुम्ही तेवढाच पाठिंबा द्याल अशी आमची प्रार्थना आहे.”
Chala Hawa Yeu Dya शोच्या नव्या पर्वाबद्दल प्रतिक्रिया
श्रेया बुगडेच्या या भावनिक पोस्टला मराठी मनोरंजन विश्वातील अनेक कलाकारांनी आणि चाहत्यांनी जोरदार प्रतिसाद दिला आहे. सोशल मीडियावर शुभेच्छांचा वर्षाव होत असून, शोच्या पहिल्या एपिसोडसाठी सर्वत्र उत्सुकता निर्माण झाली आहे.
