bushan pradhan tu maza kinara father role experience : मराठी चित्रपटसृष्टीतील देखणा आणि बहुप्रतिभावान अभिनेता Bushan Pradhan सध्या आपल्या आगामी चित्रपटामुळे चर्चेत आहे. ‘तू माझा किनारा’ या चित्रपटात तो एका वडिलांची भूमिका साकारताना दिसणार असून, ही भूमिका त्याच्यासाठी अत्यंत खास ठरली आहे. आयुष्यात अद्याप वडील न झालेल्या भूषणने या भूमिकेद्वारे पहिल्यांदाच पितृत्वाचा अनुभव घेतल्याची भावनिक प्रतिक्रिया दिली आहे.
‘तू माझा किनारा’ या चित्रपटात Bushan Pradhan सोबत अभिनेत्री केतकी नारायण आणि बालकलाकार केया इंगळे झळकणार आहेत. हा चित्रपट ३१ ऑक्टोबरला प्रेक्षकांच्या भेटीला येणार आहे. या चित्रपटाबाबत बोलताना भूषण म्हणतो, “ही कथा मनाला स्पर्श करणारी आहे. वडील आणि मुलीच्या नात्याचं सुंदर चित्रण यात पाहायला मिळणार आहे. मी याआधी कधीच वडिलांची भूमिका साकारली नव्हती, पण ही भूमिका करताना जणू मी स्वतःचं नवीन रूप शोधत होतो.”
भूषण पुढे सांगतो, “मी खऱ्या आयुष्यात अजून वडील झालेलो नाही, पण या चित्रपटाद्वारे मी त्या भावनांना स्पर्श करू शकलो. माझ्या आयुष्यात भाचा-भाची, पुतणे-पुतणी आहेत आणि त्यांच्यासोबतचा वेळ घालवताना मी थोडासा कडक पण प्रेमळ काका आहे. पण वडिलपणाचं खरं वजन काय असतं, हे या भूमिकेतून उमगलं.”
अभिनयाच्या क्षेत्रात नेहमीच प्रयोगशील असलेल्या Bushan Pradhan ने आतापर्यंत अनेक प्रकारच्या भूमिका साकारल्या आहेत. त्याच्या अभिनयात प्रामाणिकपणा आणि भावनिक खोली नेहमीच दिसून येते. “मी जेव्हा एखाद्या नव्या दिग्दर्शकाबरोबर काम करतो, तेव्हा मला सर्वात जास्त आनंद मिळतो. चित्रपट का करायचा याबद्दल स्पष्टता असेल, तर कोणत्याही चित्रपटाची लाज वाटत नाही. प्रत्येक अनुभवातून काहीतरी शिकायला मिळतं,” असंही भूषणने सांगितलं.
‘तू माझा किनारा’ हा चित्रपट एका वडिल आणि मुलीच्या नात्याभोवती फिरतो. प्रेम, जबाबदारी आणि नात्यांमधील सूक्ष्म भावनांचा वेध घेणारी ही कथा प्रेक्षकांना भावनिक प्रवासावर नेणार आहे. भूषण प्रधानचा हा वेगळा लूक आणि भावनिक भूमिका प्रेक्षकांना नक्कीच भावेल, अशी अपेक्षा व्यक्त केली जात आहे.
हे पण वाचा.. ‘पुन्हा शिवाजीराजे भोसले’ चित्रपटात अभिनेता सिद्धार्थ जाधवचा खतरनाक अवतार!
लग्नाआधीच वडिलपणाचा अनुभव घेताना Bushan Pradhan ने आपल्या संवेदनशील अभिनयाने पुन्हा एकदा सिद्ध केलं आहे की तो केवळ देखणा अभिनेता नाही, तर हृदयस्पर्शी कलाकार आहे. आता हा चित्रपट प्रेक्षकांच्या मनात कोणती छाप सोडतो, हे पाहणं उत्सुकतेचं ठरेल.
हे पण वाचा.. बिग बॉस फेम अर्चना गौतमने सुरू केला स्वतःचा कॅफे; उषा नाडकर्णीनी केले उद्घाटन
