bigg boss marathi 6 ritesh deshmukh sagar karande kautuk : बिग बॉस मराठी ६ चा पहिला आठवडा प्रचंड गाजला असून, वाद, चर्चा आणि भावनिक क्षणांनी हा आठवडा प्रेक्षकांच्या लक्षात राहिला आहे. पहिल्याच भाऊच्या धक्क्यावर सूत्रसंचालक रितेश देशमुख यांनी तन्वी कोलते आणि रुचिता जामदार यांच्या वागणुकीवर कडक शब्दांत भाष्य केल्याचं प्रोमोमधून पाहायला मिळालं. मोठ्यांचा अपमान, सततचे वाद, भांडणं आणि आक्रमक वर्तन या सगळ्या मुद्द्यांवर रितेश दोघींची कानउघडणी करणार असल्याचं स्पष्ट झालं होतं. त्यामुळे या वीकेंड एपिसोडकडे सर्वांचं लक्ष लागलं होतं.
मात्र, याच भाऊच्या धक्क्यावर आणखी एक महत्त्वाचा आणि भावनिक क्षण पाहायला मिळणार आहे. पहिल्याच आठवड्यात तन्वी कोलतेने अभिनेता Sagar Karande यांच्या प्रोफेशनवर केलेल्या वक्तव्यामुळे मोठा वाद निर्माण झाला होता. या वक्तव्यावर अनेक मराठी कलाकारांनी उघडपणे नाराजी व्यक्त केली होती. विशाखा सुभेदार, गायत्री दातार आणि सोनाली पाटील यांनी सोशल मीडियावर पोस्ट शेअर करत Sagar Karande यांना पाठिंबा दिला होता. त्यामुळे भाऊच्या धक्क्यावर या मुद्द्यावर काय चर्चा होणार, याबाबत प्रेक्षक उत्सुक होते.
मात्र, त्याआधीच समोर आलेल्या नव्या प्रोमोने सगळ्यांचंच लक्ष वेधून घेतलं आहे. या प्रोमोमध्ये रितेश देशमुख यांनी Sagar Karande यांचं केवळ कौतुकच नाही, तर त्यांच्या कामाचा आणि प्रोफेशनचाही सन्मान केला आहे. रितेश म्हणताना दिसतात की, Sagar Karande यांनी पहिल्याच आठवड्यात बिग बॉसच्या घरात टॉप क्लास परफॉर्मन्स दिला आहे. जसं त्यांच्या नाटकांना ‘हाऊसफुल्ल’चे बोर्ड लागतात, तसाच त्यांच्या खेळालाही ‘हाऊसफुल्ल’चा बोर्ड लावावा लागेल, अशा शब्दांत रितेशने Sagar Karande यांची प्रशंसा केली.
रितेश देशमुख यांच्या तोंडून हे कौतुक ऐकताच Sagar Karande भावुक झाले आणि त्यांच्या डोळ्यांत अश्रू तरळले. त्यांनी रितेशचे मनापासून आभार मानले. हा क्षण अनेक प्रेक्षकांसाठीही भावनिक ठरला. या प्रोमोवर बिग बॉस मराठीच्या मागील पर्वातील स्पर्धकांनीही प्रतिक्रिया दिल्या आहेत. जान्हवी किल्लेकर यांनी टाळ्यांचे इमोजी शेअर करत आनंद व्यक्त केला, तर पुष्कर जोग यांनी हार्ट इमोजी शेअर करून Sagar Karande यांचं कौतुक केलं.
एकीकडे तन्वी आणि रुचिताच्या वागणुकीवर कठोर भूमिका, तर दुसरीकडे Sagar Karande यांच्या कामाचं उघडपणे कौतुक, असा संतुलित भाऊचा धक्का प्रेक्षकांना पाहायला मिळणार आहे. त्यामुळे Bigg Boss Marathi 6 चा हा वीकेंड एपिसोड अधिकच चर्चेत राहणार, यात शंका नाही.
हे पण वाचा.. कमळी मालिकेत थरार! सरोज कामिनीच्या जाळ्यात, पुढे काय होणार ?
