bigg boss marathi 6 anushree mane pratiksha mungekar anger : बिग बॉस मराठी ६ चा दुसरा आठवडा सुरू होताच घरातील वातावरण अधिकच तणावपूर्ण झालं आहे. पहिल्या आठवड्यात तन्वी कोलतने आपल्या खेळामुळे आणि व्यक्तिमत्त्वामुळे विशेष लक्ष वेधून घेतलं होतं. मात्र आता घरात सर्वाधिक चर्चा अनुश्री मानेभोवतीच रंगताना दिसत आहे. दुसऱ्या आठवड्यात घरात तिचाच आवाज अधिक ऐकू येत असून सतत होणाऱ्या वादांमुळे ती केंद्रस्थानी आली आहे.
या आठवड्याच्या सुरुवातीलाच अनुश्री माने आणि राकेश बापट यांच्यात जोरदार वाद झाला. हा वाद इतका टोकाला गेला की अनुश्रीने राकेशवर काही गंभीर आरोप केल्याचंही प्रेक्षकांनी पाहिलं. या घटनेनंतर सोशल मीडियावर आणि मनोरंजन विश्वात मोठी चर्चा सुरू झाली होती. अनेक कलाकारांनी अनुश्रीच्या वक्तव्यांवर नाराजी व्यक्त केली होती.
दरम्यान, बिग बॉस मराठीच्या घरात नुकताच पार पडलेला राशन टास्क हा आणखी एका वादाचं कारण ठरला. या टास्कनंतर अनुश्री माने आणि प्राजक्ता शुक्रे यांच्यात घरकामाच्या मुद्द्यावरून खडाजंगी झाली. प्राजक्ताने अनुश्रीला कामाबाबत प्रश्न विचारल्यानंतर वाद वाढत गेला. या वादात प्राजक्ताने अनुश्रीसाठी आक्षेपार्ह शब्द वापरले, तर उत्तरादाखल अनुश्रीने थेट शिवीगाळ केल्याचं घरातील सदस्यांनी पाहिलं.
या घटनेनंतर दिपाली सय्यद यांनी अनुश्रीला समजून घेण्याचा प्रयत्न केला. मात्र, त्यावेळी अनुश्रीने उलट “मलाच शिव्या दिल्या गेल्या” असं सांगत स्वतःची बाजू मांडली. नॅशनल टीव्हीवर अशा प्रकारची भाषा वापरल्यामुळे अनुश्री पुन्हा एकदा ट्रोल होऊ लागली आहे.
या सगळ्या प्रकारावर अभिनेत्री Pratiksha Mungekar हिने सोशल मीडियावर उघडपणे आपला संताप व्यक्त केला आहे. Pratiksha Mungekar हिने इन्स्टाग्राम स्टोरीद्वारे अनुश्रीच्या वागणुकीवर प्रश्नचिन्ह उपस्थित केलं. “ही अनुश्री नेमकी कोण आहे? उगाच फालतू बोलणं, इतरांना मतिमंद म्हणणं, शिवीगाळ करणं आणि नंतर स्वतःलाच शिव्या दिल्या गेल्या असं सांगणं, हे योग्य आहे का?” अशा शब्दांत Pratiksha Mungekar हिने आपली नाराजी व्यक्त केली.
हे पण वाचा.. बिग बॉस मराठी ६ राकेश बापट–अनुश्री माने वादावर रुपाली भोसले संतप्त, राकेशची उघड पाठराखण
Bigg Boss Marathi 6 च्या घरात घडणाऱ्या या घटनांमुळे आता सर्वांचं लक्ष ‘भाऊच्या धक्क्या’कडे लागलं आहे. या मुद्द्यावर होस्ट रितेश देशमुख अनुश्री मानेची कानउघाडणी करणार का, याची उत्सुकता प्रेक्षकांमध्ये आहे. वाढत्या वादांमुळे बिग बॉस मराठीचा हा सीझन अधिकच चर्चेत आला असून पुढील भागांमध्ये आणखी काय घडणार, याकडे सगळ्यांचं लक्ष लागून आहे.
हे पण वाचा.. अभिनेता सिद्धार्थ खिरीडच्या घरी लग्नाची लगबग, मेहंदी सोहळ्यातील खास क्षण सोशल मीडियावर व्हायरल
bigg boss marathi 6 anushree mane pratiksha mungekar anger
