bigg boss 19 task mistake bigg boss angry : “बिग बॉस १९”मध्ये रोज काहीतरी नवीन वळण पाहायला मिळत असल्याने प्रेक्षकांची उत्सुकता कायम टिकून आहे. अलीकडेच प्रदर्शित झालेल्या एका प्रोमोमध्ये घरातील सदस्यांच्या निष्काळजीपणामुळे बिग बॉस प्रचंड रागावलेले दिसत आहेत. टास्क दरम्यान घडलेल्या या प्रकारामुळे संपूर्ण घरातील वातावरण क्षणात तणावग्रस्त बनले.
या प्रोमोमध्ये बिग बॉसकडून सदस्यांना एक महत्त्वाचा टास्क देण्यात आला होता. मात्र स्पर्धकांनी तो गंभीरतेने घेतला नाही. काहींनी टास्कमध्ये फसवणुकीसारखी वागणूक दिल्याचे दिसले. त्यामुळे बिग बॉस संतापाने घरातील सदस्यांना कडक शब्दांत सुनावतात. त्यांच्या आवाजातील रोष स्पष्टपणे जाणवतो.
सर्वाधिक लक्ष वेधून घेणारा क्षण म्हणजे नीलम हिने आपल्या कपड्यांमध्ये काहीतरी लपवलेली कृती. हे पाहून बिग बॉस थेट विचारतात, “नीलम तुझ्याजवळ काय आहे?” या प्रश्नानंतर संपूर्ण घरातील वातावरण एका क्षणात गंभीर होतं. गौरव खन्ना आणि प्रणित मोरे हे दोघे या वर्तनावर नाराजी व्यक्त करतात. त्याच वेळी बिग बॉस शहबाजलाही उद्देशून विचारतात की नेमकं तो काय करत आहे.
यानंतर गौरव बिग बॉसला ‘सॉरी’ म्हणतो. पण बिग बॉस त्यावर अधिकच भडकतात. ते स्पष्ट शब्दात सांगतात की कोणाच्याही भावना जपण्यासाठी टास्क आयोजित करण्यात आले होते आणि कोणी उपकार करायची गरज नाही. त्यांनी पुढे विचारलं, “जर तुम्ही अशा गोष्टींकडे गांभीर्याने पाहत नसाल तर तुमच्यावर जबाबदारी कशी सोपवायची?” या शब्दांनंतर सदस्यांचा चेहरा उतरलेला दिसतो.
प्रोमोच्या शेवटी तणाव शिगेला पोहोचतो जेव्हा तान्या मित्तल डोळ्यांत पाणी आणून भावनिक होते. इतर सदस्यही माफी मागताना दिसतात. हा प्रकार पाहिल्यानंतर सोशल मीडियावर चाहत्यांनी जोरदार प्रतिक्रिया दिल्या. “नीलम व शहबाजला संपूर्ण सीझनसाठी नॉमिनेट करा”, “गौरव खन्ना बरोबर आहे”, “सर्वांना शिक्षा द्या”, अशा कमेंट्स प्रेक्षकांकडून मोठ्या प्रमाणावर केल्या गेल्या आहेत.
हा प्रोमो शेअर करताना वाहिनीने लिहिलं, “बिग बॉसचा राग पाहून सर्व सदस्यांनी माफी मागितली.” “Bigg Boss 19”चा हा प्रोमो सध्या सोशल मीडियावर धुमाकूळ घालत आहे. टास्कमध्ये झालेल्या चुकांमुळे पुढे काय शिक्षा मिळणार, याकडे सर्वांचे लक्ष लागले आहे. प्रेक्षकांनाही आता पुढच्या एपिसोडची उत्सुकता लागली आहे.
हे पण वाचा.. Abhishek Kumar देवाच्या आशीर्वादाने पूर्ण झालं स्वप्न; अभिषेक कुमार ने मायानगरीत खरेदी केलं आलिशान घर!
