भारताच्या छोट्या पडद्यावर वादग्रस्ततेचा उच्चांक गाठणारा आणि दरवर्षी प्रेक्षकांना खिळवून ठेवणारा शो म्हणजे ‘Bigg Boss’. हा शो फक्त मनोरंजनापुरता मर्यादित नसून, समाजाच्या विविध थरांतील भावना, संघर्ष, स्पर्धा आणि नाट्य यांचं जिवंत चित्रण करतो. आता या शोचा ‘Bigg Boss 19’ हंगाम लवकरच प्रेक्षकांच्या भेटीला येत आहे. काही दिवसांपूर्वी यासंदर्भात चर्चा रंगल्या होत्या, आणि अखेर शोचा पहिला प्रोमो प्रदर्शित झाला आहे.
या वर्षीही शोचं सूत्रसंचालन बॉलिवूडचा भाईजान सलमान खान करणार आहे. नेहमीप्रमाणे त्याच्या दमदार उपस्थितीमुळे ‘बिग बॉस’चा प्रत्येक हंगाम खास बनतो. यंदा मात्र प्रोमो रिलीज होण्याआधीच सलमानने आपल्या इन्स्टाग्राम स्टोरीवर “मिलते हैं एक नए मैदान में” असं पोस्ट करून चाहत्यांची उत्सुकता चांगलीच चिघळवली होती. काहींनी तर यावरून अंदाज बांधायला सुरुवात केली की सलमान राजकारणात प्रवेश करणार का?
हे पण वाचा.. Jui Gadkari चा खुलासा: ‘ठरलं तर मग’ मालिका ना संपणार, ना लीप घेणार!
मात्र, या स्टोरीमागील कारण लगेचच स्पष्ट झालं. Colors TV आणि JioCinema यांच्या अधिकृत सोशल मीडिया हँडल्सवरून ‘Bigg Boss 19’ चा प्रोमो शेअर करण्यात आला आणि सगळं कोडं उलगडलं. प्रोमोमध्ये सलमानने जाहीर केलं की, यंदाची थीम पूर्णतः राजकीय पार्श्वभूमीवर आधारित असेल. त्याचा संवाद, “इस बार चलेगी घरवालों की सरकार,” हे स्पष्ट संकेत देतो की, या वेळी घरातली स्पर्धा अधिक चुरसपुर्ण आणि नेहमीपेक्षा वेगळी असणार आहे.
सलमान प्रोमोमध्ये म्हणतो, “मित्र आणि शत्रू दोघांनी लक्ष द्या… स्वतःला तयार ठेवा कारण, यावेळी असेल घरातील सदस्यांचं राज्य…” ही घोषणा प्रेक्षकांना वेगळा अनुभव देण्याचं वचनच जणू देत आहे. ही हटके थीम प्रेक्षकांना राजकारण, सत्ता आणि डावपेचांच्या खेळात गुंतवून ठेवण्याचं बळकट संकेत देते.
Bigg Boss 19 हा नवा सीझन २४ ऑगस्ट २०२५ पासून प्रसारित होणार असून, दररोज रात्री १०:३० वाजता Colors TV वर आणि ऑनलाईन प्रेक्षकांसाठी JioCinema प्लॅटफॉर्मवर देखील उपलब्ध असेल.
शोच्या सुरूवातीच्या आधीपासूनच यंदा कोण-कोणते चेहरे घरात प्रवेश करणार याची जोरदार चर्चा सुरू आहे. मीरा देओस्थले, लता सभरवाल, शशांक व्यास, खुशी दुबे, राम कपूर, गौतमी कपूर, अशा अनेक नावांची चर्चा सोशल मीडियावर आहे. मात्र, Colors वाहिनीने अद्याप अधिकृत स्पर्धकांची यादी जाहीर केलेली नाही.
दरवर्षीप्रमाणेच, Bigg Boss 19 मध्ये साजरा होणारा नवा उत्सव केवळ मनोरंजनापुरता मर्यादित न राहता, एक सामाजिक आरसा ठरणार का, हे पाहणं औत्सुक्याचं ठरेल. सत्तेचा संघर्ष, गटबाजी, मैत्री आणि कटकारस्थानं – या सगळ्याचा संगम यंदा प्रेक्षकांना एका नव्या पद्धतीनं अनुभवायला मिळणार आहे.
Bigg Boss 19 चा हा ‘राजकीय’ रंग प्रेक्षकांच्या मनात काय ठसा उमटवतो हे पाहणं रंजक ठरणार आहे. इतकं मात्र नक्की की, सलमान खान पुन्हा एकदा ‘बिग बॉस’सह धमाका करणार असून, प्रेक्षकांनी २४ ऑगस्टपासून जागा पकडून बसायलाच हवं!
हे पण वाचा.. Tara Sutaria चं नवीन नातं चर्चेत; माजी मुख्यमंत्र्यांच्या नातवाला डेट करत असल्याची जोरदार चर्चा
