bigg boss 19 family week gaurav akanksha entry : बिग बॉस १९ चा फिनाले जवळ येत असून, स्पर्धकांमधील तणाव, नवी समीकरणं आणि अनपेक्षित ट्विस्टमुळे प्रेक्षकांची उत्सुकता अधिक वाढली आहे. या पार्श्वभूमीवर सुरू झालेला ‘फॅमिली वीक’ घरात एक वेगळंच ऊबदार वातावरण घेऊन आला आहे. स्पर्धकांच्या भावनांना हात घालणारे क्षण, त्यांच्या परिवाराची भेट आणि काही महत्त्वाचे सल्ले यामुळे संपूर्ण आठवडा रंगतदार ठरणार असल्याचे दिसत आहे.
या विशेष आठवड्यात गौरव खन्नाच्या पत्नी आकांक्षा चमोलाची एन्ट्री चाहत्यांसाठी आकर्षणाचा केंद्रबिंदू ठरली. प्रोमोमध्ये दाखवण्यात आलेल्या दृश्यांमध्ये ‘बिग बॉस’ यांनी आकांक्षाच्या आगमनाची घोषणा करताच गौरव थोडेसे स्तब्ध झाले. त्यानंतर फ्रीज मोडमध्ये असतानाही दोघांची घट्ट मिठी घरातील सदस्यांनाही भावूक करणारी ठरली.
आकांक्षाच्या भेटीत एक महत्त्वाचा मुद्दाही समोर आला. घरातील काही रिपोर्ट्सनुसार, तिने गौरवला प्रणित मोरेपासून थोडे अंतर ठेवण्याचा सल्ला दिल्याची चर्चा आहे. सध्या घरात उद्भवलेल्या काही परिस्थिती पाहता आकांक्षाने नवऱ्याला दिलेला हा सल्ला प्रेक्षकांमध्येही चर्चेचा विषय ठरला आहे.
फॅमिली वीकचा भाग म्हणून आकांक्षा विशेष टास्कमध्येही सहभागी होणार आहे. या टास्कमध्ये तिला आणि गौरवला दोन बॅट्सच्या मदतीने बॉल बॅलन्स करत लाकडी रॅम्पवरून पुढे जायचं आहे व बॉल डिपॉझिट बॉक्समध्ये जमा करायचे आहेत. त्यांनी १० मिनिटांत जितके बॉल यशस्वीरीत्या जमा करतील, तितकं घरासाठी अधिक राशन मिळणार आहे.
दरम्यान, घरात फरहाना भट्टची आईही पोहोचली असून तिने गौरवचे कौतुक करत त्याला ‘बेटा’ असे संबोधले. फरहाना घराबाहेर गेल्यानंतर तिची समजूत काढून तिला पुन्हा गेममध्ये आणण्यामध्ये गौरवचा मोठा वाटा असल्याचे आईने स्पष्ट केले. तिने फरहानाने गौरवच्या कामाबद्दल केलेल्या वक्तव्याला चूक ठरवत त्याचे आभारही मानले.
हे पण वाचा.. ऐश्वर्या शर्मा : ट्रोलिंग, घटस्फोटाच्या चर्चा आणि ‘ती’ पोस्ट; म्हणाली..
फॅमिली वीकमधील या घटना पाहता, Bigg Boss 19च्या घरात पुढील काही दिवसात नवी समीकरणं आणि भावनिक क्षणांची मालिका रंगणार हे निश्चित आहे. प्रेक्षकांसाठी हा टप्पा तितकाच रोमहर्षक ठरणार आहे.
हे पण वाचा.. सुरज चव्हाणला मिळालं स्वप्नवत घर; गृहप्रवेशानंतर अजित पवारांचे मानले विशेष आभार
bigg boss 19 family week gaurav akanksha entry
Tomorrow Episode Promo: Gaurav Khanna met his wife Akansha 😍 pic.twitter.com/nCbQCpSoWb
— BBTak (@BiggBoss_Tak) November 17, 2025
