bhushan pradhan ketaki narayan god surprise post lagn adhich goodnews : मराठी मनोरंजनसृष्टीतील लोकप्रिय आणि देखणा अभिनेता bhushan pradhan पुन्हा एकदा सोशल मीडियावर चर्चेत आला आहे. त्याच्या इन्स्टाग्रामवरील एका पोस्टमुळे चाहत्यांमध्ये वेगवेगळ्या चर्चा रंगल्या आहेत.
भूषण प्रधानने नुकताच अभिनेत्री केतकी नारायणसोबतचे काही फोटो शेअर केले. या छायाचित्रांमध्ये दोघंही पारंपरिक लूकमध्ये झळकत आहेत, मात्र पहिलाच फोटो सर्वाधिक चर्चेचा विषय ठरला. त्यामध्ये भूषणने केतकीच्या पोटावर हात ठेवून पोझ दिली असून, हा अंदाज जणू मॅटर्निटी फोटोशूटसारखा भासत आहे. यावर त्याने “आमच्याकडे एक गोड सरप्राइज आहे” असं कॅप्शन दिलं आणि चाहत्यांच्या उत्सुकतेला उधाण आलं.
या पोस्टनंतर चाहत्यांच्या मनात प्रश्नांचा भडीमार सुरू झाला – “लग्नाआधीच गुडन्यूज आहे का?”, “भूषण आणि केतकीचं लग्न कधी झालं?”, “ही खरी बातमी आहे की फक्त एखाद्या प्रोजेक्टचा प्रमोशनल स्टंट?” असे अनेक प्रश्न कमेंट बॉक्समध्ये उमटले. काहींनी मात्र थेट अभिनंदन करत शुभेच्छा दिल्या.
भूषण प्रधानने याआधी एका मुलाखतीत लग्नाविषयी बोलताना तो प्लॅनिंग करीत असल्याचं सांगितलं होतं. त्यामुळे त्याच्या या अचानक आलेल्या पोस्टनं संभ्रम अधिकच वाढवला आहे. नेमकं हे जोडपं खरंच गुडन्यूज शेअर करतंय की फक्त एखाद्या नवीन चित्रपट किंवा वेब प्रोजेक्टसाठी चाहत्यांची उत्सुकता वाढवतंय, याबाबत अजून अधिकृत माहिती समोर आलेली नाही.
हे पण वाचा.. साऊथ इंडियन असूनही मराठी मनाचा – ‘दशावतार’मुळे चर्चेत आलेला सिद्धार्थ मेनन
सोशल मीडियावर सदर पोस्ट झपाट्याने व्हायरल झाली असून, चाहत्यांच्या प्रतिक्रिया मात्र दोन गटांत विभागल्या आहेत. काही जण आनंद व्यक्त करत आहेत, तर काहीजण हे फक्त प्रोमोशनल क्लृप्ती असू शकतं असं म्हणत आहेत.
मराठी चित्रपटसृष्टीत bhushan pradhan हा नावाजलेला अभिनेता म्हणून ओळखला जातो. त्याच्या देखण्या व्यक्तिमत्त्वामुळे तो चाहत्यांचा लाडका आहे. केतकी नारायणसोबतचे त्याचे हे फोटो आणि “गोड सरप्राइज” हे कॅप्शन मात्र सध्या चर्चेचा हॉट टॉपिक बनले आहे.
