बॉलिवूड हे बनावट आणि उद्धट आहे — अश्रूंना वाट मोकळी करत babil khan ने व्यक्त केल्या मनाच्या गहिऱ्या वेदना! त्याच्या या भावनिक उद्गारांमागचं सत्य नेमकं काय आहे? कुटुंबियांनी तोडला मौन…
Table of Contents
बॉलिवूडमध्ये प्रसिद्ध अभिनेते इरफान खान यांचा मुलगा आणि अभिनेता बाबिल खान (babil khan) नुकताच एका भावनिक व्हिडिओमुळे चर्चेत आला आहे. या व्हिडिओमध्ये तो अश्रू ढाळत बॉलिवूडबद्दलच्या आपल्या भावना व्यक्त करताना दिसतो. मात्र हा व्हिडिओ सोशल मीडियावर मोठ्या प्रमाणात व्हायरल झाल्यानंतर बाबिलने स्वतःचा इंस्टाग्राम अकाउंटही डिलिट केला, ज्यामुळे चाहत्यांमध्ये त्याच्या मानसिक स्थितीबाबत चिंता व्यक्त केली गेली.
व्हिडिओमध्ये babil khan म्हणतो की, “बॉलिवूड हे अत्यंत बनावट आणि उद्धट ठिकाण आहे.” त्याच्या या वक्तव्यामुळे सोशल मीडियावर खळबळ उडाली. मात्र काही वेळातच त्याच्या कुटुंबीयांनी आणि टीमने संयुक्तपणे एक अधिकृत निवेदन जाहीर करत या संपूर्ण प्रकरणावर स्पष्टीकरण दिलं.
काय म्हणालं कुटुंबीयांनी?
कुटुंबीयांनी दिलेल्या निवेदनात असं म्हटलं आहे, “गेल्या काही वर्षांत babil khan ने आपल्या अभिनयामुळे आणि मानसिक आरोग्यावर उघडपणे बोलण्यामुळे प्रेक्षकांची मने जिंकली आहेत. प्रत्येकाच्या आयुष्यात कठीण दिवस येतात – आणि हा त्याच्यासाठी तसाच एक दिवस होता. आम्ही सर्व चाहत्यांना आश्वस्त करतो की तो सध्या सुरक्षित आहे आणि लवकरच पूर्वपदावर येईल.”
निवेदनात पुढे असंही नमूद करण्यात आलं की, “त्या व्हिडिओमध्ये babil khan ने आपल्या काही सहकाऱ्यांची मनापासून प्रशंसा केली होती, जे त्याच्या मते भारतीय चित्रपटसृष्टीला अधिक अर्थपूर्ण आणि खरी बनवण्यासाठी प्रयत्नशील आहेत.”
babil khan ने आपल्या व्हिडिओमध्ये शानाया कपूर, अनन्या पांडे, अर्जुन कपूर, सिद्धांत चतुर्वेदी, राघव जुयाल, आदर्श गौरव आणि अरिजीत सिंग यांची नावे घेतली होती. त्यावर कुटुंबाचं म्हणणं आहे की या सर्व नावांचा उल्लेख “खऱ्या मनाने आणि आदराने” करण्यात आला होता. बाबिलच्या मते हे कलाकार बॉलिवूडमध्ये प्रामाणिकपणा आणि संवेदनशीलता परत आणण्यासाठी मेहनत घेत आहेत.
हे पण वाचा .. nirmal kapoor यांचे निधन; अनिल, बोनी, अर्जुन आणि राणी मुखर्जी यांनी घेतल अंतिम दर्शन
माध्यमांना आणि जनतेला आवाहन
या अधिकृत निवेदनाच्या शेवटी बाबिल खानच्या टीमकडून माध्यमांना आणि जनतेला एक विनंती करण्यात आली आहे – “कृपया व्हिडिओतील बाबिलच्या शब्दांचा संपूर्ण संदर्भ समजून घ्या आणि त्यावर आधार घेत भूमिका मांडा, केवळ क्लिप्स पाहून चुकीचे निष्कर्ष काढू नका.”
बाबिलचा मनोविकार आणि सोशल मीडियाबाबतचा दृष्टिकोन
या संपूर्ण प्रकरणात babil khan च्या मानसिक आरोग्याबाबत अनेक चर्चा सुरु झाल्या आहेत. एका मुलाखतीत बाबिलने सांगितलं होतं की, सोशल मीडियावरील ‘लाईक्स’ आणि मान्यतेच्या आहारी गेलं की, ती एक व्यसनासारखी सवय बनते. “आपण स्वतःचं आत्ममूल्य बाजूला ठेवतो आणि बाहेरील मान्यतेवर अवलंबून राहतो. हे खूप घातक असतं,” असं तो म्हणाला होता.
त्याच मुलाखतीत त्याने आपल्या अभिनयाची तयारी आणि एका नव्या थ्रिलर चित्रपटासाठीचा अनुभव देखील शेअर केला होता. बाबिलच्या म्हणण्यानुसार, “कधी कधी आपल्याला काही गोष्टी नाकाराव्याशा वाटतात, पण त्या स्वीकारणं हेच खऱ्या तयारीचं लक्षण आहे.”
babil khan भावनिक व्हिडिओमागील सत्य
व्हायरल झालेल्या व्हिडिओमध्ये babil khan खूपच भावनिक झालेला दिसतो. तो स्पष्टपणे म्हणतो, “बॉलिवूड ही सर्वात बनावट इंडस्ट्री आहे, पण अजूनही काही लोक आहेत जे याला चांगलं बनवायचं प्रयत्न करत आहेत.”
त्याने पुढे नमूद केलं, “माझ्याकडे तुम्हाला दाखवण्यासाठी अजून खूप काही आहे… मी अजून खूप काही देऊ शकतो.” या शब्दांमधून त्याचा गहिवरलेला आत्मा स्पष्ट जाणवतो.
चाहत्यांच्या भावना आणि समाजमाध्यमांची प्रतिक्रिया
बाबिलचा व्हिडिओ Redditसारख्या प्लॅटफॉर्मवरही झपाट्याने व्हायरल झाला. त्यात त्याचं रडणं, बॉलिवूडबद्दल व्यक्त केलेली अस्वस्थता, आणि काही सहकाऱ्यांप्रतीचा आदर – हे सगळं पाहून चाहते अस्वस्थ झाले. अनेकांनी त्याच्या मानसिक आरोग्याबद्दल चिंता व्यक्त केली आणि त्याच्या कुटुंबियांना पाठिंबा दर्शवला.
babil khan – एका प्रामाणिक कलाकाराची झुंज
इरफान खानसारख्या प्रगल्भ अभिनेत्याचा मुलगा असणं हे जितकं सन्मानाचं आहे, तितकंच भावनिकदृष्ट्या आव्हानात्मकही असू शकतं. बाबिल खानसारखा युवा कलाकार जेव्हा आपल्या भावना प्रामाणिकपणे मांडतो, तेव्हा समाज आणि माध्यमांचंही कर्तव्य बनतं की त्या भावना पूर्णपणे समजून घेत योग्य संदर्भातच त्यावर प्रतिक्रिया द्यावी.
हे पण वाचा ..‘Raid 2’ Review: अजय देवगणच्या स्टारडमखाली कोसळलेली कहाणी
