awez darbar ex girlfriend shubhi joshi trolling post : ‘बिग बॉस 19’ फेम अवेज दरबार सध्या केवळ आपल्या गेममुळेच नव्हे, तर वैयक्तिक आयुष्यामुळेही चर्चेत आहे. काही दिवसांपूर्वीच त्याची एक्स गर्लफ्रेंड शुभी जोशीने त्यांच्या भूतकाळातील नात्याबद्दल खुलासा करत त्याच्यावर फसवणुकीचे आरोप केले होते. मात्र या वक्तव्यानंतर शुभीला सोशल मीडियावर जबरदस्त ट्रोलिंगचा सामना करावा लागत आहे. इतकंच नव्हे तर तिला जिवे मारण्याच्या धमक्याही मिळत असल्याचं तीने अलीकडेच इन्स्टाग्रामवर शेअर केलेल्या पोस्टमधून स्पष्ट केलं आहे.
शुभी जोशी, जी ‘स्प्लिट्सविला’ या रिअॅलिटी शोमुळे प्रेक्षकांच्या ओळखीची झाली, तिने आपल्या पोस्टमध्ये लिहिलं आहे की, “गेल्या काही दिवसांत मी माझ्या आयुष्यातले सर्वात कठीण क्षण अनुभवले. लोकांनी मला अपशब्द बोलले, ट्रोल केलं, माझ्या चारित्र्यावर प्रश्न उपस्थित केले. मी फक्त माझं सत्य मांडलं, पण लोकांनी त्यालाच प्रसिद्धी मिळवण्याचं साधन ठरवलं.” शुभीने यामध्ये हेही नमूद केलं की ती कोणाचं नाव खराब करण्यासाठी नव्हे, तर आपल्या अनुभवाबद्दल प्रामाणिक राहण्यासाठी बोलली होती.
अवेज दरबार सोबतच्या तिच्या नात्याबद्दल बोलताना शुभीने आधी एका पॉडकास्टमध्ये सांगितलं होतं की, कामाच्या कारणावरून वेळ नसल्याचं सांगून Awez तिची भेट टाळायचा, पण तिच्याच मैत्रिणींना मेसेज करून भेटायला बोलवायचा. या वक्तव्यानंतर सोशल मीडियावर तिच्यावर चिखलफेक सुरू झाली.
शुभीने पुढे पोस्टमध्ये लिहिलं, “मी एक सामान्य मुलगी आहे जी स्वतःच्या मेहनतीवर करिअर घडवतेय. कुणाचं नाव वापरून प्रसिद्धी मिळवायची माझी इच्छा नाही. मात्र, गेल्या काही दिवसांत मला जे सहन करावं लागलं ते अत्यंत त्रासदायक आहे. माझ्या आणि माझ्या कुटुंबावरदेखील धमक्या येत आहेत, जे अत्यंत अमानवी आहे.”
ऑनलाइन ट्रोलिंगबद्दल बोलताना शुभी म्हणाली, “ट्रोलिंग ही फक्त शब्दांची देवाणघेवाण नाही, तर मानसिक आरोग्यावर घाव घालणारी प्रक्रिया आहे. रोज सकाळी वाईट मेसेज पाहून जागं होणं, झोप न लागणं आणि सतत भीतीने जगणं – हे कुणालाही तोडून टाकू शकतं.”
या सगळ्या वादाच्या पार्श्वभूमीवर शुभीने चाहत्यांना आवाहन केलं आहे की, कोणत्याही व्यक्तीला सत्य बोलल्याबद्दल दोषी ठरवू नये. “आपण कोणाच्या आयुष्याचा न्याय घेण्याआधी त्यामागचं दुःख समजून घेणं गरजेचं आहे,” असं ती म्हणाली.
हे पण वाचा.. विजय देवरकोंडा आणि रश्मिका मंदन्ना साखरपुडा संपन्न; लग्न फेब्रुवारी 2026 मध्ये
सध्या अवेज दरबार या प्रकरणावर कोणतीही अधिकृत प्रतिक्रिया दिलेली नाही. मात्र, शुभीच्या या पोस्टनंतर सोशल मीडियावर पुन्हा एकदा या दोघांच्या नात्याविषयी चर्चा रंगू लागली आहे.
हे पण वाचा.. मराठी इंडस्ट्रीतला आदर आणि संस्कृती मनाला भावली – निकिता दत्ता
