apurva nemlekar gruhpravesh video : मराठी मनोरंजनविश्वात सध्या अनेक कलाकारांच्या लग्नसोहळ्यांची चर्चा रंगताना दिसत आहे. छोट्या पडद्यावरील अनेक लोकप्रिय कलाकार अलीकडे विवाहबंधनात अडकले असून चाहत्यांना त्यांच्या आयुष्यातील या नव्या प्रवासाबद्दल उत्सुकता आहे. याच पार्श्वभूमीवर अभिनेत्री Apurva Nemlekar हिच्या लग्नाची आणि त्यानंतरच्या खास क्षणांची सोशल मीडियावर मोठी चर्चा सुरू आहे.
‘रात्रीस खेळ चाले’ या मालिकेमुळे घराघरांत पोहोचलेली Apurva Nemlekar हिने १४ फेब्रुवारी रोजी म्हणजेच व्हॅलेंटाईन डेच्या दिवशी तिच्या आयुष्याच्या नव्या अध्यायाला सुरुवात केली. तिने तनुज गोवळकरसोबत लग्नगाठ बांधत चाहत्यांना आनंदाची बातमी दिली. या लग्नसोहळ्याचे फोटो आणि व्हिडीओ सोशल मीडियावर मोठ्या प्रमाणात व्हायरल झाले होते. पारंपरिक पद्धतीने आणि कुटुंबीयांच्या उपस्थितीत हा सोहळा पार पडला.
अपूर्वा आणि तनुज यांच्या प्रेमकथेची सुरुवातही तितकीच खास आहे. लग्नापूर्वी २३ नोव्हेंबर २०२५ रोजी तनुजने समुद्रकिनारी अपूर्वाला अत्यंत रोमँटिक पद्धतीने लग्नासाठी प्रपोज केलं होतं. त्या खास क्षणांचा व्हिडीओही या दोघांनी सोशल मीडियावर शेअर केला होता, ज्याला चाहत्यांकडून मोठा प्रतिसाद मिळाला.
दरम्यान, लग्नानंतर Apurva Nemlekar हिने तिच्या गृहप्रवेशाचा एक खास व्हिडीओ शेअर केला असून तो सध्या चर्चेचा विषय ठरला आहे. “आमच्या प्रेमाला एक नवा पत्ता मिळाला” असं भावनिक कॅप्शन देत तिने हा व्हिडीओ चाहत्यांसोबत शेअर केला. या व्हिडीओमध्ये सासरी झालेलं तिचं स्वागत पाहायला मिळतं.
नव्या सुनेच्या स्वागतासाठी घरात सुंदर सजावट करण्यात आली होती. अंगणात रंगीबेरंगी रांगोळी काढण्यात आली होती तसेच फुलांची आकर्षक मांडणी करण्यात आली होती. Apurva Nemlekar घरात प्रवेश करताच तनुजच्या कुटुंबीयांनी तिच्यावर फुलांची उधळण करत प्रेमाने स्वागत केले. या सगळ्या वातावरणात अपूर्वाचा गृहप्रवेश अतिशय आनंददायी आणि भावनिक ठरला.
हे पण वाचा .. हरिद्वारमध्ये ‘तू ही रे माझा मितवा’ फेम रुपल नंदचा पारंपरिक लूक; पिवळ्या अनारकलीतील फोटो सोशल मीडियावर चर्चेत
गृहप्रवेशाच्या वेळी तिने घेतलेला उखाणा देखील सर्वांच्या चर्चेचा विषय ठरला. उखाणा घेताना Apurva Nemlekar म्हणाली, “अंगणात आहे तुळस, तुळशीजवळ लावला दिवा… तनुज रावांचं नाव घेते, जन्मोजन्मी असाच जोडीदार हवा.” तिच्या या उखाण्याने उपस्थितांमध्ये हशा आणि आनंदाचे वातावरण निर्माण झाले.
याच व्हिडीओमध्ये लग्नानंतर अपूर्वा आणि तनुज यांनी एकत्र सत्यनारायणाची पूजा केल्याचेही दिसते. नव्या आयुष्याची सुरुवात धार्मिक विधीने करण्याचा त्यांचा हा प्रयत्न चाहत्यांना आवडला आहे. सोशल मीडियावर हा व्हिडीओ पाहून अनेकांनी या नवदांपत्यावर शुभेच्छांचा वर्षाव केला आहे.
अभिनयाच्या बाबतीत बोलायचं झालं तर Apurva Nemlekar हिने ‘रात्रीस खेळ चाले’ या मालिकेत साकारलेली ‘शेवंता’ ही भूमिका प्रेक्षकांच्या विशेष पसंतीस उतरली होती. तिच्या प्रभावी अभिनयामुळे ती मराठी मालिकाविश्वात वेगळी ओळख निर्माण करण्यात यशस्वी ठरली. याशिवाय ‘आभास हा’ आणि ‘प्रेमाची गोष्ट’ यांसारख्या मालिकांमधूनही ती प्रेक्षकांच्या भेटीला आली आहे.
हे पण वाचा.. ठरलं तर मग मालिकेतील प्रिया म्हणजेच प्रियांका तेंडोलकर राजस्थान ट्रिपवर; शेअर केले सुंदर फोटो
apurva nemlekar gruhpravesh video
आता लग्नानंतर Apurva Nemlekar कोणत्या नव्या प्रकल्पातून पुन्हा प्रेक्षकांसमोर येणार, याची चाहत्यांना उत्सुकता लागून राहिली आहे. तिच्या आगामी कामांबद्दल आणि वैयक्तिक आयुष्यातील नव्या प्रवासाबद्दल चाहत्यांमध्ये मोठी उत्सुकता दिसून येत आहे.
