anushka pimputkar bride to be wedding bells ring : मराठी मनोरंजनविश्वात सध्या लग्नसोहळ्यांचा हंगाम रंगात आला आहे. एका मागोमाग एक कलाकार आपलं नवीन आयुष्य सुरू करण्याच्या तयारीत आहेत. या यादीत आता आणखी एक लोकप्रिय अभिनेत्रीचं नाव जोडले गेलं आहे – अनुष्का पिंपुटकर (Anushka Pimputkar). ‘लग्नानंतर होईलच प्रेम’ या मालिकेतून प्रसिद्ध झालेल्या या अभिनेत्रीने आता आयुष्यातील नव्या पर्वाकडे वाटचाल सुरू केली आहे. अनुष्का लवकरच अभिनेता मेघन जाधवसोबत विवाहबंधनात अडकणार असून त्यांच्या लग्नाला अवघे सहा दिवस शिल्लक राहिले आहेत.
‘लक्ष्मी निवास’ मालिकेतील जयंतची भूमिका साकारून ओळख मिळवणारा मेघन जाधव आणि अनुष्का पिंपुटकर हे दोघेही गेल्या काही वर्षांपासून एकमेकांच्या नात्यात आहेत. दोघांची ओळख ‘रंग माझा वेगळा’ या मालिकेच्या सेटवर झाली होती. काम करतानाच त्यांच्या मैत्रीचं रूपांतर प्रेमात झालं आणि आता हे प्रेम विवाहबंधनात बदलणार आहे.
काही दिवसांपूर्वीच अनुष्काने सोशल मीडियावर आपल्या Bride To Be पार्टीचे फोटो शेअर केले. तिच्या जवळच्या मित्रमैत्रिणींनी खास तिच्यासाठी हा कार्यक्रम आयोजित केला होता. पांढऱ्या आणि गुलाबी थीममध्ये सजवलेल्या या पार्टीत अनुष्का खूपच सुंदर दिसत होती. तिने मित्रमैत्रिणींप्रती कृतज्ञता व्यक्त करत या खास क्षणांचे फोटो चाहत्यांसोबत शेअर केले. काही क्षणांतच तिच्या या पोस्टवर शुभेच्छांचा वर्षाव झाला.
दरम्यान, काही दिवसांपूर्वी ‘लक्ष्मी निवास’ मालिकेतील संपूर्ण टीमने अनुष्का आणि मेघनचं केळवण साजरं केलं. या सोहळ्यात जान्हवी, भावना, सिद्ध, वीणा, संतोष अशा अनेक कलाकारांची उपस्थिती होती. सगळ्यांनी मिळून या जोडप्याला शुभेच्छा दिल्या.
हे पण वाचा.. भाजी-भाकरी, नारळपाणी आणि मेथीचा लाडू; ‘असं’ आहे अभिनेत्री रुचिरा जाधवचं फिटनेसचं रहस्य!
अनुष्का पिंपुटकर आणि मेघन जाधवचं लग्न १६ नोव्हेंबरला पार पडणार असून त्यांच्या लग्नाची चर्चा सध्या सोशल मीडियावर जोरदार सुरू आहे. चाहत्यांना आता त्यांच्या विवाहसोहळ्याचे फोटो पाहायची उत्सुकता लागली आहे. या दोघांचं प्रेमकथेतून लग्नापर्यंतचं प्रवास अनेकांसाठी प्रेरणादायी ठरत आहे.
हे पण वाचा.. वाराणसी ते अयोध्या प्रवासात दिसली दिशा परदेशीची अध्यात्मिक झलक; देवदिवाळीतील अनुभव शेअर करत चाहत्यांचं मन जिंकलं
