Ankita Walawalkar buys a new car : बिग बॉस मराठी सीझन ५ मधून घराघरात पोहोचलेली कोकण हार्टेड गर्ल म्हणजे Ankita Walawalkar. सोशल मीडियावर कायम सक्रिय असणारी अंकिता तिच्या आयुष्यातील प्रत्येक खास क्षण चाहत्यांसोबत शेअर करत असते. कधी कोकणातील साधेपणा, तर कधी आयुष्यातील यशाचे टप्पे दाखवणाऱ्या तिच्या पोस्ट नेहमीच चर्चेत राहतात. अशातच अंकितानं शेअर केलेली नवी पोस्ट सध्या सोशल मीडियावर प्रचंड व्हायरल होत आहे.
Ankita Walawalkar हिनं नुकतीच दुसरी नवीन कार खरेदी केली असून ही आनंदाची बातमी तिनं चाहत्यांना खास पोस्टद्वारे दिली आहे. दोन कारसोबतचा फोटो शेअर करताना अंकितानं तिच्या आयुष्यातील या नव्या टप्प्याबद्दल मनमोकळेपणानं भावना व्यक्त केल्या आहेत. या फोटोत अंकितासोबत तिचा नवरा कुणालदेखील दिसत असून दोघांच्या चेहऱ्यावरचा आनंद सहज लक्ष वेधून घेतो.
नव्या कारबद्दल लिहिताना अंकिता म्हणते की, आज त्यांच्या आयुष्यात एक नवीन पाऊल पडले आहे. ही दुसरी कार त्यांच्या मेहनतीचं, संयमाचं आणि सातत्यपूर्ण प्रगतीचं प्रतीक असल्याचं ती सांगते. Ankita Walawalkar आणि तिचा पती कुणाल यांच्या व्यवसायाच्या प्रवासात या दोन्ही कार ‘लक्ष्मी’सारख्या कायम सोबत राहतील, असंही ती भावनिक शब्दांत नमूद करते. कृतज्ञता, मेहनत आणि पुढील यशाचा विश्वास या भावनांनी भरलेली ही पोस्ट चाहत्यांच्या मनाला स्पर्श करून गेली आहे.
मिळालेल्या माहितीनुसार, अंकिता आणि कुणाल यांनी मारुती सुझुकीची स्विफ्ट कार खरेदी केली आहे. याआधी त्यांनी एक आलिशान ऑडी कार घेतली होती. त्या गाडीचा व्हिडीओही Ankita Walawalkar हिनं सोशल मीडियावर शेअर केला होता, जो मोठ्या प्रमाणात व्हायरल झाला होता. आता दुसऱ्या कारच्या एन्ट्रीने तिच्या यशाच्या प्रवासात आणखी एक पान जोडले गेले आहे.
दरम्यान, या पोस्टवर चाहत्यांकडून शुभेच्छांचा अक्षरशः पाऊस पडताना दिसत आहे. अनेकांनी “मेहनतीचं फळ”, “खूप अभिमान वाटतो” अशा प्रतिक्रिया दिल्या आहेत. कोकण हार्टेड गर्ल म्हणून ओळखली जाणारी Ankita Walawalkar तिच्या साधेपणा आणि प्रामाणिकपणामुळे प्रेक्षकांच्या मनात घर करून आहे.
हे पण वाचा.. बिग बॉस मराठी ६ मध्ये भावुक क्षण; राकेश बापटचा बालपणीचा फोटो व्हायरल, बाप्पाशी असलेलं नातं पुन्हा चर्चेत
बिग बॉस मराठी नंतर तिची लोकप्रियता अधिक वाढली. गेल्या वर्षी फेब्रुवारी महिन्यात अंकिता आणि कुणाल विवाहबंधनात अडकले. कुणाल हा एक लोकप्रिय संगीतकार असून त्यानं अनेक मालिका आणि चित्रपटांसाठी संगीत दिलं आहे. आज Ankita Walawalkar ही केवळ सोशल मीडिया इन्फ्लुएन्सर नाही, तर मेहनतीनं उभं राहिलेलं यशाचं प्रेरणादायी उदाहरण ठरत आहे.
हे पण वाचा.. बिग बॉस मराठी ६ मध्ये वादांची मालिका; अनुश्री मानेच्या वागणुकीवर प्रतीक्षा मुणगेकर हिचा संताप
