amruta khanvilkar swapnil joshi video viral : अभिनेत्री अमृता खानविलकर (Amruta Khanvilkar) आपल्या नृत्यकौशल्यापासून रिअॅलिटी शोपर्यंत, तर कधी चित्रपटांतील दमदार अभिनयातून प्रेक्षकांचं मनोरंजन करत आली आहे. आता ती पुन्हा एकदा नाटकाच्या माध्यमातून रंगभूमीवर परतण्याच्या तयारीत आहे. काही दिवसांपूर्वीच ‘लग्न पंचमी’ या नव्या नाटकाची घोषणा करण्यात आली. लेखन मधुगंधा कुलकर्णीचे तर दिग्दर्शन निपुण धर्माधिकारी यांच्या हातात असल्याने या प्रकल्पाबद्दल आधीपासूनच उत्कंठा निर्माण झाली होती. मात्र, अमृतासोबत प्रमुख भूमिकेत कोण दिसणार हे जाणीवपूर्वक लपवून ठेवण्यात आले होते.
शेवटी, ही उत्सुकता स्वतः अमृता खानविलकर हिने शेअर केलेल्या इन्स्टाग्राम व्हिडीओमुळे संपली. “मी माझ्या पार्टनरचे स्वागत करतेय…” अशा खास कॅप्शनसह पोस्ट केलेल्या त्या व्हिडीओमध्ये अमृताबरोबर मराठी मनोरंजनविश्वातील लोकप्रिय अभिनेता स्वप्नील जोशी (Swapnil Joshi) दिसला. दोघांचे एकत्रित फ्रेममध्ये दिसणे हेच चाहत्यांसाठी मोठं सरप्राइज ठरलं. व्हिडीओ पाहताच स्वतः स्वप्नील जोशीने “पार्टनर” अशी गंमतीदार कमेंटही करत पोस्टची मजा वाढवली.
या घोषणा व्हिडीओनंतर प्रसाद ओक, अभिषेक राहाळकर यांसारख्या कलाकारांनी स्वप्नील जोशीला शुभेच्छा देत कमेंट्स केल्या. चाहत्यांनीही अमृता आणि स्वप्नीलची जोडी पुन्हा एकदा एकत्र पाहायला मिळणार असल्याचा आनंद व्यक्त केला. ‘जिवलगा’ मालिकेत दोघांनी साकारलेल्या व्यक्तिरेखा विशेष लोकप्रिय झाल्या होत्या. त्यानंतर ‘वेलकम जिंदगी’ आणि ‘सुशीला सुजीत’मध्येही त्यांनी एकत्र काम केले. त्यामुळे ‘लग्न पंचमी’मधील त्यांची नव्याने जुळलेली केमिस्ट्री रंगभूमीवर कशी दिसणार याकडे सर्वांचे लक्ष लागले आहे.
स्वप्नीलसाठीही हा नवा टप्पा खास आहे. ‘गेट वेल सून’नंतर तो रंगभूमीवरून पुन्हा एकदा प्रेक्षकांना भेट देणार आहे. काही दिवसांपूर्वीच त्याने एका पोस्टद्वारे चाहत्यांच्या उत्सुकतेला उधाण आणलं होतं आणि त्यातील संकेत आता ‘लग्न पंचमी’शी संबंधित असल्याचं स्पष्ट झालं आहे.
हे पण वाचा.. जयंत-जान्हवी समोरासमोर! ‘लक्ष्मी निवास’’ मालिकेत मोठा ट्विस्ट; नवीन प्रोमोने वाढवली उत्सुकता
नाटकाच्या टीमकडून मात्र अद्याप अधिकृत पहिल्या शोची तारीख जाहीर करण्यात आलेली नाही. मात्र अमृता खानविलकर आणि स्वप्नील जोशी अशा लोकप्रिय जोडीच्या पुनरागमनामुळे हे नाटक रंगभूमीवर चांगलीच चाहतावर्गाची गर्दी खेचणार हे निश्चित. प्रेक्षकांनी आता फक्त ‘लग्न पंचमी’च्या पहिल्या प्रयोगाची वाट पाहायची आहे.
हे पण वाचा.. फिटनेस आणि अॅसिडिटी नियंत्रणासाठी अभिनेत्री प्रतीक्षा शिवणकरचा सोपा पण प्रभावी फॉर्म्युला म्हणाली
