amit bhanushali tharala tar mag 1000 celebration : स्टार प्रवाहवरील प्रेक्षकप्रिय मालिका ठरलं तर मग गेल्या तीन वर्षांपासून सातत्याने नंबर वन स्थानी आहे. मालिकेने अलीकडेच १००० भागांचा अभूतपूर्व टप्पा गाठला आणि हा सोहळा छोट्या पडद्यापासून कलाकारांच्या घरापर्यंत पोहोचला. मालिकेत ‘अर्जुन’ची दमदार भूमिका साकारणारा Amit Bhanushali या यशामुळे प्रचंड आनंदित असून त्याच्या खऱ्या कुटुंबीयांनाही अभिमानाचा क्षण अनुभवायला मिळाला.
शूटिंगच्या दरम्यान कलाकारांना अनेकदा १२ तासांपेक्षा जास्त वेळ सेटवर घालवावा लागतो. अशा वेळी कुटुंबाची साथ किती मोलाची असते, हे अमितने अनेकदा सांगितलं आहे. गेल्या तीन वर्षांत पत्नी, आई आणि त्याचा चिमुकला मुलगा हृधान यांनी त्याला खंबीर आधार दिला. म्हणूनच मालिका १००० भागांपर्यंत पोहोचली तेव्हा भानुशाली कुटुंबाने अमितसाठी घरातच एक छोटेखानी पण मनापासून केलेला सरप्राइज कार्यक्रम आयोजित केला.
या सेलिब्रेशनचा व्हिडिओ चाहत्यांसमोर आला असून त्यात परिवारातील गोड नाते स्पष्ट जाणवतं. हृधानने आपल्या वडिलांसोबत केक कापला आणि छोट्या हातांनी अमितच्या गालावर केक लावत मस्ती देखील केली. अमितने आई आणि पत्नीला केक भरवून त्यांच्या सततच्या पाठींब्याबद्दल कृतज्ञता व्यक्त केली. तो म्हणतो, “कुटुंब तुमच्या पाठीशी असेल तर कठीण वाटणारे प्रवासही सहज पूर्ण होतात. हा आनंदही त्यांच्यामुळेच.”
Amit Bhanushali याला मालिकेतील सर्वांत आठवणीतला सीन कोणता असा प्रश्न विचारला असता, तो कोर्टातील तीव्र भावनिक दृश्य आठवत असल्याचं सांगतो. “मधुभाऊंवरचे आरोप काढून टाकण्यासाठी जवळपास पन्नास पानांचा तो सीन एका दिवसात शूट केला होता. तो अनुभव कायम मनात राहील,” असं अमितने सांगितलं.
हे पण वाचा.. झी मराठीची नवी मालिका: सुमित विजय आणि वल्लरी विराज मुख्य भूमिकेत दिसणार, प्रोमोवर प्रेक्षकांचा तर्क थांबला!
दरम्यान, मालिकेत पुढील भागांमध्ये सायली आणि अर्जुन मिळून महिपतच्या कारस्थानांना कसा उत्तर देतात, हे पाहण्यासाठी प्रेक्षक उत्सुक आहेत. रोज रात्री ८:३० वाजता प्रसारित होणारी ठरलं तर मग मालिका केवळ टीआरपीतच नाही तर प्रेक्षकांच्या मनातही अव्वलस्थान राखून आहे. Amit Bhanushali चं अभिनय कौशल्य आणि त्याच्या कुटुंबीयांचा पाठिंबा – या दोन्हींची सांगड मालिकेच्या यशाला अजूनच उंची देत आहे.
हे पण वाचा.. महाराष्ट्राचा मराठी मुलगा म्हणून प्रणित मोरेसाठी जान्हवी किल्लेकरचा मोठा सपोर्ट म्हणाली..
