मराठी टेलिव्हिजनवरील लोकप्रिय अभिनेता अमित भानुशाली (Amit Bhanushali) सध्या ‘ठरलं तर मग’ या मालिकेमुळे प्रेक्षकांच्या विशेष चर्चेत आहे. अभिनयासोबतच तो सोशल मीडियावर नेहमी सक्रिय असतो. कुटुंबासोबतचे अनेक फोटो आणि व्हिडीओ तो चाहत्यांसाठी शेअर करत असतो. अलीकडेच गणेशोत्सवानिमित्त Amit Bhanushali नं दिलेल्या मुलाखतीत त्यानं एक भावनिक मुद्दा उपस्थित केला आणि आई-वडिलांविषयी आपलं ठाम मत स्पष्ट केलं.
या मुलाखतीत अमितसोबत त्याची आई आणि पत्नी श्रद्धा भानुशालीही सहभागी झाल्या होत्या. स्वतःच्या अभिनय प्रवासात आई आणि पत्नीनं दिलेला साथ व पाठिंबा याबद्दल तो कृतज्ञ असल्याचं त्यानं सांगितलं. या निमित्तानं तो एक महत्त्वाचा सामाजिक संदेशही देताना दिसला.
Amit Bhanushali म्हणाला, “आजकाल काही ठिकाणी पाहतो की आई-वडील आजारी असतील, त्यांची तब्येत ठीक नसेल, तर काही लोक त्यांना वृद्धाश्रमात सोडतात. पण मला सगळ्यांना सांगायचं आहे की, आई-वडील आजारी आहेत म्हणून त्यांना तिथं ठेवू नका. लहानपणी आपण आजारी असताना त्यांनी आपल्याला कधीच अनाथाश्रमात टाकलं नव्हतं. उलट त्यांनी आपल्याला प्रेमानं सांभाळलं. आज तीच जबाबदारी आपल्या मुलांवर आहे. त्यांची काळजी घेणं, त्यांना आधार देणं हीच खरी माणुसकी आहे.”
Amit Bhanushali ची पत्नी श्रद्धा भानुशालीनेही या विषयावर आपलं मत मांडलं. ती म्हणाली, “आजकाल अनेक नवरा-बायका स्वतंत्रपणे राहण्याला प्राधान्य देतात. आई-वडील वेगळे, तर आपण वेगळे – असं अनेकदा घडतं. पण माझ्या मते, एकत्र राहणं अत्यंत महत्त्वाचं आहे. मोठ्यांचे संस्कार आपल्या मुलांवर होणं खूप गरजेचं आहे. आजी-आजोबांचं नातंही मुलांसाठी तितकंच महत्त्वाचं आहे. त्यामुळे कुटुंब एकत्र ठेवा आणि मुलांना या नात्यांचा अनुभव द्या.”
हे पण वाचा.. ‘सैराट’ फेम Rinku Rajguru आकाश ठोसरसोबतच्या बॉण्डिंगबद्दल म्हणाली,..”तेव्हापासून..
गणेशोत्सवाच्या पार्श्वभूमीवर घेतलेल्या या मुलाखतीत Amit Bhanushali नं आपल्या घरात दरवर्षी गणपती बाप्पाचं आगमन होत असल्याचं सांगितलं. बाप्पाच्या आशीर्वादामुळेच आजवरच्या आयुष्यात तो इतकं काही करू शकला, असं तो म्हणाला. कुटुंबासोबत बाप्पाचं स्वागत करतानाचे क्षण तो नेहमीच सोशल मीडियावर चाहत्यांसोबत शेअर करतो.
अभिनय क्षेत्रातील यश, कुटुंबाचा पाठिंबा आणि समाजाविषयी असलेली जबाबदारी या तिन्ही गोष्टींचा सुंदर संगम Amit Bhanushali च्या व्यक्तिमत्त्वात दिसतो. विशेष म्हणजे, त्याने दिलेला हा संदेश आजच्या काळात अनेकांसाठी डोळे उघडणारा ठरू शकतो.
हे पण वाचा.. मराठा आरक्षण आंदोलनावर Riteish Deshmukh ची पोस्ट; म्हणाला..मनोज जरांगेंच्या..
