akshaya deodhar year 2025 experience : २०२५ हे वर्ष अभिनेत्री Akshaya Deodhar साठी अनेक अर्थांनी संस्मरणीय ठरले. झी मराठीवरील लोकप्रिय मालिका ‘लक्ष्मी निवास’मधून भावनाची भूमिका साकारत तिने पुन्हा एकदा प्रेक्षकांच्या मनात आपली ठळक ओळख निर्माण केली. मेहनत, सातत्य आणि सकारात्मक दृष्टिकोनाच्या जोरावर अक्षयाने तिच्या करिअरचा नवा टप्पा गाठला असून, या वर्षाने तिला आयुष्यात आणि कामात खूप काही शिकवलं, असं ती आवर्जून सांगते.
२०२५ची सुरुवातच तिच्यासाठी उत्साहवर्धक ठरली. ‘लक्ष्मी निवास’ या मालिकेसोबत वर्षाची सुरुवात झाली आणि पहिल्याच दिवसापासून कामाचा वेग वाढला. सातत्याने शूटिंग, नव्या टीमसोबत काम करण्याचा अनुभव आणि सकारात्मक वातावरण यामुळे तिच्यात नवी ऊर्जा संचारली. Akshaya Deodhar म्हणते की, या वर्षाने तिला कम्फर्ट झोनमधून बाहेर पडायला शिकवलं. नवीन लोकांशी जोडणं, नव्या नात्यांची बांधणी करणं आणि पुन्हा एकदा झी मराठीच्या कुटुंबाचा भाग होणं, हे सगळं २०२५ने दिलेलं अमूल्य गिफ्ट आहे.
या वर्षातील सर्वात अविस्मरणीय क्षण कोणता, असं विचारल्यावर अक्षया झी मराठी पुरस्कार सोहळ्याचा उल्लेख करते. चांगल्या कामाची दखल घेतली जाणं कलाकारासाठी खूप महत्त्वाचं असतं. २०२५ मध्ये तिच्या घरी तब्बल चार झी मराठी पुरस्कार आले आणि त्यामुळे तिचा आत्मविश्वास अधिकच वाढला. प्रेक्षकांचं प्रेम आणि पुरस्कारांची पावती मिळाल्याने हे वर्ष तिच्यासाठी खास ठरलं.
वैयक्तिक आयुष्याबद्दल बोलताना Akshaya Deodhar प्रामाणिकपणे सांगते की, २०२५च्या सुरुवातीलाच योगा, वर्कआउट आणि ध्यान यांना नियमित वेळ देण्याचा तिचा विचार होता. मानसिक आरोग्य किती महत्त्वाचं आहे, याची तिला जाणीव आहे. मात्र कामाच्या व्यापामुळे हा संकल्प पूर्ण करता आला नाही. तरीही ती निराश नाही, कारण हा संकल्प ती २०२६ मध्ये नक्की पूर्ण करणार आहे, असा तिचा निर्धार आहे.
हे पण वाचा.. अभिनयातून उद्योजकतेकडे… अमृता खानविलकर झाली बिझनेसवुमन, सुरू केला खास साड्यांचा ब्रँड
२०२५च्या शेवटच्या दिवसापर्यंतही अक्षया शूटिंगमध्ये व्यस्त असणार आहे. मात्र नवीन वर्षाच्या पहिल्या दिवशी सुट्टी मिळाली, तर तो दिवस कुटुंबीयांसोबत आणि हार्दिकसोबत घालवण्याची तिची इच्छा आहे. एकूणच, २०२५ ने Akshaya Deodhar ला पुन्हा एकदा स्वतःच्या पायावर भक्कम उभं केलं, प्रेक्षकांचं प्रेम दिलं आणि पुढे थांबू न देता सातत्याने काम करत राहण्याची प्रेरणा दिली, असं ती समाधानाने सांगते.
हे पण वाचा.. होणाऱ्या नवऱ्यासोबत पहिली झलक! अभिनेत्री ज्ञानदा रामतीर्थकरचा थाटात साखरपुडा
