akshaya deodhar lakshmi nivas 2025 anubhav : मराठी टेलिव्हिजन विश्वातील लोकप्रिय अभिनेत्री Akshaya Deodhar हिने ‘तुझ्यात जीव रंगला’ या मालिकेतील पाठकबाईंच्या भूमिकेतून प्रेक्षकांच्या मनावर अधिराज्य गाजवलं होतं. त्या भूमिकेनंतर काही काळ ती छोट्या पडद्यापासून दूर होती. मात्र, सध्या सुरू असलेल्या ‘लक्ष्मी निवास’ मालिकेमधून तिने पुन्हा एकदा जोरदार कमबॅक केला आहे. या मालिकेत भावना ही भूमिका साकारताना Akshaya Deodhar पुन्हा एकदा प्रेक्षकांच्या पसंतीस उतरली आहे. या मालिकेसोबतच २०२५ हे वर्ष तिच्यासाठी किती खास ठरलं, याबद्दल तिने अलीकडेच भावना व्यक्त केल्या.
अक्षया सांगते की, २०२५ या वर्षाची सुरुवातच तिच्यासाठी सकारात्मकतेने झाली. ‘लक्ष्मी निवास’ ही मालिका वर्षाच्या सुरुवातीलाच सुरू झाली आणि त्याच क्षणापासून तिच्या आयुष्यात पुन्हा एकदा कामाचा वेग आला. सातत्याने शूटिंग, नवं टीमवर्क, चांगलं वातावरण आणि कलाकार म्हणून स्वतःला पुन्हा शोधण्याची संधी या सगळ्या गोष्टींमुळे हे वर्ष तिच्यासाठी अत्यंत समाधानकारक ठरलं. वर्षभर काम करताना मनात उत्साह आणि ऊर्जा कायम होती, असंही तिने नमूद केलं.
या वर्षात Akshaya Deodhar पुन्हा एकदा नव्या भूमिकेत प्रेक्षकांसमोर आली. कम्फर्ट झोनमधून बाहेर पडून नव्या लोकांसोबत काम करणं, नवी नाती जुळवणं आणि पुन्हा झी मराठी या वाहिनीशी जोडणं, हे सगळं अनुभव तिच्यासाठी खास असल्याचं ती सांगते. २०२५ मधील तिची सर्वात सुंदर आठवण म्हणजे झी मराठी पुरस्कार सोहळा. मेहनतीचं चीज होतं, तेव्हा कलाकाराला मिळणारा आनंद वेगळाच असतो, असं सांगताना तिने अभिमानाने नमूद केलं की या एका वर्षात झी मराठीचे तब्बल चार पुरस्कार तिच्या घरी आले.
वैयक्तिक आयुष्याबद्दल बोलताना अक्षयाने प्रामाणिकपणे कबूल केलं की, वर्षाच्या सुरुवातीला तिने योगा, वर्कआउट आणि ध्यान यांचा नियमित सराव करण्याचा निश्चय केला होता. मात्र, कामाच्या व्यस्ततेमुळे ते पूर्णपणे शक्य झालं नाही. तरीही ती निराश नसून २०२६ मध्ये हा संकल्प नक्की पूर्ण करणार असल्याचा विश्वास तिने व्यक्त केला.
हे पण वाचा.. मुंबई-पुणे नाही; संतोष पाटील यांनी साताऱ्यात घेतलं स्वतःचं हक्काचं घर, पत्नीसह केला गृहप्रवेश
२०२५ या वर्षाने आपल्याला भरपूर काम, प्रेक्षकांचं प्रेम आणि पुन्हा एकदा लोकप्रियता दिली, असं Akshaya Deodhar मनापासून सांगते. वर्षाच्या शेवटच्या दिवशीही ती शूटिंगमध्ये व्यग्र असणार असली, तरी नववर्षाचा पहिला दिवस मिळाल्यास तो कुटुंबीयांसोबत आणि पती हार्दिकसोबत साजरा करण्याचा तिचा मानस आहे. एकूणच, २०२५ ने अक्षयाला पुन्हा एकदा स्वतःच्या पायावर खंबीरपणे उभं केलं, असं म्हणायला हरकत नाही.
