aishwarya sharma diwali sparks divorce rumors : टीव्ही जगतातील लोकप्रिय अभिनेत्री Aishwarya Sharma पुन्हा एकदा चर्चेच्या केंद्रस्थानी आली आहे. यावेळी कारण बनले आहे तिचे दिवाळी फोटो. सणासुदीच्या या काळात ऐश्वर्यानं सोशल मीडियावर शेअर केलेल्या सुंदर फोटोंनी चाहत्यांचे लक्ष वेधून घेतले आहे, मात्र त्या फोटोंमध्ये तिचा पती नील भट्ट दिसला नाही. त्यामुळे त्यांच्या नात्याबद्दल पुन्हा एकदा चर्चांना उधाण आलं आहे.
Aishwarya Sharma आणि नील भट्ट यांचं लग्न ३० नोव्हेंबर २०२१ रोजी मध्य प्रदेशातील उज्जैन येथे पार पडले होते. दोघांची पहिली भेट ‘गुम है किसी के प्यार में’ या मालिकेच्या सेटवर झाली होती. या मालिकेत एकत्र काम करताना दोघांमध्ये जवळीक वाढली आणि हळूहळू हे नाते प्रेमात रूपांतरित झालं. त्यानंतर त्यांनी ‘स्मार्ट जोडी’ आणि ‘बिग बॉस १७’ सारख्या कार्यक्रमांमध्ये एकत्र सहभाग घेतला होता.
लग्नानंतर हे जोडपं कायम सोशल मीडियावर सक्रिय होतं. त्यांच्या फोटोंना चाहत्यांकडून प्रचंड प्रेम मिळत होतं. मात्र गेल्या काही महिन्यांपासून दोघांनी एकत्र कोणताही फोटो पोस्ट केलेला नाही. आता तर दिवाळीसारख्या आनंदाच्या सणातही Aishwarya Sharma एकटीच दिसल्याने चर्चांना आणखी उधाण आलं आहे.
तिने या दिवाळीत पारंपरिक पोशाखात, आकर्षक लूकमध्ये अनेक सुंदर फोटो शेअर केले. पण तिच्या पोस्टमध्ये नीलचा कोणताही उल्लेख नव्हता. चाहत्यांनी लगेचच तिच्या पोस्टवर कमेंट्सचा पाऊस पाडत “नील कुठे आहे?” असे प्रश्न विचारले. काहींनी तर “दोघांमध्ये सर्व काही ठिक आहे का?” अशीही शंका उपस्थित केली.
हे पण वाचा.. “ते मनापासून बोलले म्हणूनच…” मेघा धाडेचा महेश कोठारेंना ठाम पाठिंबा; म्हणाली – ‘त्यांच्या शब्दांत..
दरम्यान, काही दिवसांपूर्वीच Aishwarya Sharma आणि नील भट्ट यांच्या नात्यात तणाव असल्याच्या अफवा पसरल्या होत्या. दोघांनी त्या वेळी या चर्चांवर काहीही प्रतिक्रिया दिली नव्हती. मात्र या नव्या फोटोंनंतर त्या अफवांना पुन्हा हवा मिळाल्याचं स्पष्ट दिसतंय.
सध्या या दोघांपैकी कुणीही आपल्या नात्याबद्दल अधिकृत वक्तव्य केलेलं नाही. मात्र सोशल मीडियावरील त्यांच्या हालचाली पाहून चाहत्यांमध्ये उत्सुकता वाढली आहे. ऐश्वर्याचे दिवाळी फोटोज जरी तिच्या सौंदर्यामुळे चर्चेत आले असले, तरी त्याचवेळी तिच्या आयुष्यातील वैयक्तिक नात्यांबद्दलचे प्रश्न अधिक गडद झाले आहेत.
हे पण वाचा.. सई ताम्हणकरचा स्पष्ट शब्दांत सवाल – “हिंदी इंडस्ट्रीत गेलं की महत्त्व वाढतं का?”
