गणेशोत्सवाचा जल्लोष सध्या सर्वत्र पाहायला मिळतोय. घराघरांत गणपती बाप्पा विराजमान झाले असून वातावरणात भक्तीचा आणि आनंदाचा उत्साह आहे. सर्वसामान्यांपासून ते सेलिब्रिटींपर्यंत अनेक जण हा सण आपल्या पद्धतीने साजरा करताना दिसत आहेत. काही कलाकार दरवर्षी स्वतःच्या हाताने बाप्पाची मूर्ती घडवण्याला प्राधान्य देतात. त्यातच ‘आई कुठे काय करते’ मालिकेत यशची भूमिका साकारून प्रेक्षकांच्या मनात घर करणारा अभिनेता अभिषेक देशमुख (Abhishek Deshmukh)यानेही यंदा शाडूच्या मातीपासून सुंदर बाप्पाची मूर्ती घडवली आहे.
Abhishek Deshmukh सोशल मीडियावर नेहमीच सक्रिय असतो. वैयक्तिक आयुष्यापासून ते व्यावसायिक कामापर्यंत अनेक अपडेट्स तो चाहत्यांसोबत शेअर करताना दिसतो. गणेशोत्सवाच्या निमित्ताने त्याने आपल्या हाताने शाडूच्या मातीची मूर्ती तयार करतानाचा एक खास व्हिडीओ इन्स्टाग्रामवर टाकला आहे. “Bappa in the making.. शाडूची मूर्ती !! बाप्पा मोरया” अशा कॅप्शनसह शेअर केलेल्या या व्हिडीओला चाहत्यांकडून भरभरून प्रतिसाद मिळत आहे.
कलेच्या विविध क्षेत्रांमध्ये स्वतःचं वेगळं स्थान निर्माण केलेल्या Abhishek Deshmukh च्या या उपक्रमाचं कौतुक होत आहे. सध्याच्या काळात पर्यावरणपूरक मूर्तींना महत्त्व दिलं जातं आणि अभिषेकनेही त्याच धर्तीवर शाडूच्या मातीची मूर्ती घडवली आहे. त्याचा हा व्हिडीओ पाहून चाहते म्हणत आहेत की “कलाकार म्हणूनच नव्हे तर समाजासाठीही सकारात्मक संदेश देणारा प्रयत्न.”
हे पण वाचा.. Jui Gadkari च्या घरच्या गणपतीची झलक खास क्षण सोशल मीडियावर शेअर
Abhishek Deshmukh ने आतापर्यंत अनेक लोकप्रिय मालिकांमध्ये आणि चित्रपटांमध्ये अभिनय केला आहे. ‘पसंत आहे मुलगी’ या मालिकेत तो मुख्य भूमिकेत झळकला होता. मात्र, ‘आई कुठे काय करते’ या मालिकेतल्या यशच्या व्यक्तिरेखेमुळे त्याला घराघरात ओळख मिळाली. याशिवाय, ‘फोमो’, ‘सनी’, ‘१५ ऑगस्ट’, ‘होम स्वीट होम’, ‘आयच्या गावात मराठीत बोल’ या चित्रपटांमधूनही त्याने आपल्या अभिनयाची छाप सोडली आहे. सध्या तो ‘वजनदार’ या रंगभूमीवरील नाटकातून प्रेक्षकांचे मनोरंजन करत आहे.
गणेशोत्सव हा सण श्रद्धा आणि उत्साहासोबत सर्जनशीलतेचंही दर्शन घडवतो. Abhishek Deshmukh सारखा लोकप्रिय कलाकार जेव्हा स्वतःच्या हाताने बाप्पाची मूर्ती बनवतो, तेव्हा त्यातून कला, श्रद्धा आणि पर्यावरणपूरकतेचा सुंदर संगम दिसून येतो. या खास उपक्रमामुळे त्याने पुन्हा एकदा आपल्या चाहत्यांच्या हृदयात खास स्थान मिळवलं आहे.
हे पण वाचा.. बाप्पाच्या आगमनासोबतच आनंदाचा डबल सेलिब्रेशन! Madhura Joshi and Guru Thakur यांचा नव्या घरात गृहप्रवेश
