मराठी मालिकाविश्वातील अनुभवी आणि ताकदीच्या अभिनयासाठी ओळखला जाणारा अभिनेता अजय पूरकर (Ajay Purkar) तब्बल सहा वर्षांच्या अंतराने पुन्हा एकदा प्रेक्षकांसमोर येत आहे. ‘स्टार प्रवाह’ या लोकप्रिय वाहिनीवर लवकरच ‘नशीबवान’ नावाची नवी मालिका सुरू होणार असून, या मालिकेत अजय पूरकर एका प्रभावी, क्रूर-कपटी खलनायकाच्या भूमिकेत दिसणार आहे. त्याच्या पुनरागमनाची बातमी समोर येताच मालिकाप्रेमींमध्ये उत्सुकता वाढली आहे.
‘नशीबवान’ या मालिकेचा प्रोमो नुकताच प्रदर्शित झाला असून, त्यात प्रेक्षकांना एका वेगळ्याच कथानकाची झलक पाहायला मिळते. या मालिकेत ‘गिरीजा’ नावाच्या मुलीची संघर्षमय कहाणी मांडली गेली आहे. आई-वडिलांचं माया-प्रेम गमावलेली, लहान वयातच घरची जबाबदारी उचलणारी आणि जगण्यासाठी अनेक आव्हानं पेलणारी गिरीजा, आयुष्याच्या कठीण प्रवासात खरोखरच नशीबवान आहे, हे तिला कसं जाणवतं, ही या मालिकेची मध्यवर्ती गोष्ट असेल.
या कथानकाच्या पार्श्वभूमीवर Ajay Purkar साकारणारा ‘नागेश्वर’ हा पात्र मालिकेत विशेष ठरणार आहे. या भूमिकेबद्दल बोलताना Ajay Purkar म्हणाले, “जवळपास सहा वर्षांनी मालिकेत काम करतोय. मला ‘नागेश्वर’ हे पात्र ऐकताक्षणीच आवडलं. एकतर स्टार प्रवाहसारखी नंबर वन वाहिनी आणि कोठारे व्हिजन्ससारखी दिग्गज निर्मिती संस्था असताना ‘नाही’ म्हणण्याचा प्रश्नच नव्हता. महेश कोठारेंसोबत काम करण्याचं माझं स्वप्न होतं, आणि ते या मालिकेमुळे पूर्ण होत आहे.”
Ajay Purkar पुढे म्हणाला, “नागेश्वर या भूमिकेत अनेक कंगोरे आहेत. मालिकेच्या कथानकाच्या घडामोडींना हा पात्र केंद्रस्थानी राहून चालना देणार आहे. याआधी मी इतका प्रभावशाली आणि नकारात्मक खलनायक कधी साकारला नाही. त्यामुळे अभिनेता म्हणून ही भूमिका माझ्यासाठी मोठं आव्हान आहे.”
हे पण वाचा.. “अश्विनी ये ना…” बुर्ज खलिफाच्या सावलीत मराठमोळा ठेका; अभिनेत्री Madhuri Pawar चा व्हिडीओ सोशल मीडियावर व्हायरल
Ajay Purkar च्या पुनरागमनासोबतच ‘नशीबवान’ मालिकेत इतरही दमदार कलाकार झळकणार आहेत. लोकप्रिय अभिनेत्री प्राजक्ता केळकर या मालिकेत महत्त्वपूर्ण भूमिका साकारणार आहेत. यापूर्वी त्या ‘स्टार प्रवाह’वरील ‘मुलगी झाली हो’ मालिकेत पाहायला मिळाल्या होत्या.
तसंच, अभिनेत्री नेहा नाईक या मालिकेद्वारे प्रथमच मुख्य नायिकेच्या भूमिकेत झळकणार आहेत. गिरीजाच्या भूमिकेतून नेहा नाईक प्रेक्षकांच्या मनावर छाप पाडण्याची तयारी करत आहे.
‘स्टार प्रवाह’ वाहिनीने गेल्या पाच वर्षांत प्रेक्षकांना दर्जेदार कथा आणि प्रभावी कलाकारांमुळे जोडून ठेवले आहे. आता ‘नशीबवान’ मालिकेतून वाहिनी आणखी एक हृदयस्पर्शी, पण रहस्यमय प्रवास सादर करणार आहे. मालिकेची प्रसारण तारीख आणि वेळ लवकरच जाहीर होणार असून, मालिकेचा पहिला भाग पाहण्यासाठी प्रेक्षक आतुरतेने वाट पाहत आहेत.
हे पण वाचा.. रक्षाबंधनाची खास आठवण; ‘ठरलं तर मग’च्या सेटवर Jui Gadkari ला हेअरड्रेसरने बांधली राखी, मनाला भिडणारा किस्सा व्हायरल
Ajay Purkar सारखा अनुभवी अभिनेता, दमदार कथानक आणि स्टार प्रवाहची लोकप्रियता – या तिन्हींचा संगम ‘नशीबवान’ला एक वेगळी उंची देईल, असा विश्वास प्रेक्षक व्यक्त करत आहेत.
