मराठी मनोरंजन क्षेत्रातील लोकप्रिय अभिनेत्री Shivali Parab ने पुन्हा एकदा सोशल मीडियावर आपल्या डान्सची जादू दाखवली आहे. ‘महाराष्ट्राची हास्यजत्रा‘ या लोकप्रिय कार्यक्रमातून घराघरात पोहोचलेली Shivali Parab, तिच्या सुंदर स्मितहास्याने आणि अप्रतिम अभिनय कौशल्याने चाहत्यांच्या हृदयात विशेष स्थान मिळवून बसली आहे. विनोदाचा अचूक टायमिंग, अभिनयातील सहजता आणि स्क्रीनवरचा चार्म यामुळे तिचा फॅनबेस दिवसेंदिवस वाढत आहे.
गेल्या काही दिवसांपासून Shivali Parab सोशल मीडियावर तिचे हटके डान्स व्हिडिओ पोस्ट करत आहे. याआधी तिने गोविंदाच्या लोकप्रिय गाण्यावर दमदार डान्स करत चाहत्यांना थक्क केले होते. आता तिने १९७१ मध्ये प्रदर्शित झालेल्या ‘कारवां’ या हिंदी चित्रपटातील आशा भोसले यांच्या आवाजातील अमर “पिया तू अब आजा… मोनिका ओ माय डार्लिंग” या गाण्यावर अप्रतिम नृत्य सादर केले आहे.
या खास व्हिडिओत शिवालीसोबत प्रसिद्ध कोरिओग्राफर रुपेश बने यानेही सहभाग घेतला आहे. या जोडीने केलेली स्टेप्स, एक्सप्रेशन्स आणि एनर्जी पाहून चाहत्यांनी कौतुकाचा वर्षाव केला आहे. व्हिडिओ राहत्या घरीच शूट करण्यात आला असून, सेटअपपासून व्हिडिओग्राफीपर्यंत सर्व काही आकर्षक पद्धतीने केले आहे. Shivali Parab ने हा व्हिडिओ शेअर करत “वेलकम टू बॉलीवूड हाऊस” असे मजेशीर कॅप्शन दिले आहे.
हा व्हिडिओ पोस्ट होताच चाहत्यांच्या प्रतिक्रिया ओघाने यायला लागल्या. कुणी “सुपर जस्ट लव्ह इट” असं म्हणालं, तर कुणी “कॅमेरामनचं विशेष क्रेडिट आहे, काय सुंदर शूट केलंय” असं कौतुक केलं. “बेस्ट कोरिओग्राफी”, “मस्तच, फुल मार्क्स” अशा प्रतिक्रिया भरभरून मिळाल्या. काही चाहत्यांनी तर “शिवाली, तू तर बॉलीवूड हिरोईनसारखी दिसतेयस” असंही म्हटलं.
हे पण वाचा.. Vishal Nikam ची ‘मिस फायर’ला खास शुभेच्छा; ‘येड लागलं प्रेमाचं’ फेम पूजा बिरारीच्या वाढदिवशी भावनिक पोस्ट
या गाण्याला ५४ वर्षे उलटून गेली असली तरी, त्याची लोकप्रियता अजूनही तितकीच कायम आहे. आशा भोसले यांच्या खणखणीत आवाजाने सजलेलं आणि हेलेनच्या अदाकारीने अधिक गाजलेलं हे गाणं आजही नृत्यप्रेमींसाठी प्रेरणादायी आहे. Shivali Parab ने या गाण्याला आधुनिक टच देत, तरीही त्याचा क्लासिक अंदाज कायम ठेवत नृत्य सादर केलं आहे.
दरम्यान, अलीकडेच ‘लोकसत्ता श्रावणरंग’ या कार्यक्रमात सहभागी झालेल्या शिवालीला तिच्या छुप्या टॅलेंटबद्दल विचारण्यात आलं होतं. यावर ती म्हणाली, “लोकांना माझ्यातले सर्व कलागुण माहित आहेत. हास्यजत्रेत त्यांनी सगळं पाहिलंय. पण मला माझा डान्स हा टॅलेंट खूप आवडतो आणि तो मी अजून हवं तसा एक्सप्लोर केलेला नाही.”
Shivali Parab चा व्हायरल व्हिडिओ
हे पण वाचा.. ‘मॅडम-दादा’ म्हणत अपघातातून सुरू झालेली फिल्मी लव्हस्टोरी Prajakta Gaikwad ने सांगितला पहिल्या भेटीचा किस्सा
Shivali Parab चा हा नवा व्हिडिओ पाहून हे स्पष्ट होतं की, अभिनयाइतकाच तिचा डान्सही प्रेक्षकांना मंत्रमुग्ध करू शकतो. सोशल मीडियावर व्हायरल चाललेला हा डान्स व्हिडिओ चाहत्यांमध्ये चर्चेचा विषय ठरत आहे आणि Shivali Parab च्या बहुगुणी व्यक्तिमत्त्वाची आणखी एक झलक दाखवतो आहे.
