मराठी मनोरंजन विश्वातील एक लोकप्रिय चेहरा म्हणजे प्राजक्ता गायकवाड (Prajakta Gaikwad). ‘स्वराज्य रक्षक संभाजी’ मालिकेत महाराणी येसूबाईंची ताकदीची भूमिका साकारून प्राजक्ताने संपूर्ण महाराष्ट्रात आपली वेगळी ओळख निर्माण केली. नुकताच तिचा साखरपुडा पार पडला असून, प्रेक्षकांची ही लाडकी अभिनेत्री लवकरच विवाह बंधनात अडकणार आहे. तिच्या आयुष्यात शंभुराज खुटवड यांची एन्ट्री कशी झाली, याबाबतचा किस्सा मात्र अगदी फिल्मी आहे.
Prajakta Gaikwad आणि शंभुराज खुटवड यांची पहिली भेट साधीसुधी नव्हती. हा प्रसंग काहीसा असा घडला की, Prajakta Gaikwad एका चित्रपटाच्या शूटिंगसाठी जात होती. त्या दिवशी नाईट शिफ्ट होती आणि दिवसात ती आपल्या नवीन घरासाठी देवाची मूर्ती आणण्यासाठी निघाली होती. रस्त्यावर अचानक एक ट्रक येऊन तिच्या गाडीला धडकला. हा अपघात बघून ती संतापली आणि ड्रायव्हरला मालकाला बोलवण्यास सांगितले.
त्याच क्षणी शंभुराज खुटवड घटनास्थळी आले. त्यांनी लगेच परिस्थिती हाताळली, ड्रायव्हरला समज दिली आणि प्राजक्ताला शांत करण्याचा प्रयत्न केला. त्यावेळी गाडीचं नुकसान, शुटिंगला उशीर आणि अचानक घडलेला प्रसंग – या सगळ्यामुळे प्राजक्ता हायपर झाली होती. मात्र शंभुराज यांनी संयमाने सगळं सांभाळून घेतलं आणि तिला सेटवर सोडण्याची तयारी दर्शवली.
हळूहळू या भेटीतून ओळख वाढली. सुरुवातीला दोघांमध्ये फक्त मैत्रीचं नातं होतं. प्राजक्ताला तिच्या भूमिकेमुळे सर्वजण ‘ताई’ म्हणायचे, पण शंभुराज मात्र नेहमी तिला ‘मॅडम’ म्हणायचे. त्यावर प्राजक्ताही त्यांना ‘दादा’ म्हणूनच संबोधायची. या खास संवादातून एक वेगळं नातं तयार झालं.
हे पण वाचा.. Subodh Bhave-Rinku Rajguru ची हटके केमिस्ट्री, ‘बेटर-हाफची लव्हस्टोरी’चा धमाल ट्रेलर प्रेक्षकांसमोर
प्राजक्ताने कबूल केलं की, वयाच्या अठराव्या वर्षापासूनच तिला वेगवेगळ्या क्षेत्रातील स्थळं येऊ लागली होती. मात्र तिने शिक्षण पूर्ण करण्याचा निर्णय घेतला होता. करिअर आणि शिक्षणाच्या धकाधकीत तिला योग्य जोडीदार मिळेल असं कधी वाटलंच नव्हतं. पण शंभुराज यांनी तिचा विश्वास संपादन केला.
सुरुवातीला प्राजक्ताने नात्यासाठी होकार दिला नव्हता. मात्र शंभुराज यांनी तिचं क्षेत्र, तिचं काम आणि तिच्या आयुष्याची गती समजून घेतली. त्यांच्या प्रामाणिक स्वभावाने आणि सततच्या साथीद्वारे प्राजक्ताच्या मनात जागा मिळवली.
शेवटी, दोन्ही कुटुंबांच्या संमतीने Prajakta Gaikwad आणि शंभुराज खुटवड यांचा ७ ऑगस्ट रोजी साखरपुडा पार पडला. हा साखरपुडा म्हणजे फक्त दोन व्यक्तींच्या प्रेमकथेचा टप्पा नसून, एक अपघातातून सुरुवात होऊन आयुष्यभराच्या सोबतीपर्यंत पोहोचलेली एक सुंदर यात्रा आहे.
Prajakta Gaikwad आणि शंभुराजची ही कहाणी ऐकून चाहत्यांनी सोशल मीडियावर शुभेच्छांचा वर्षाव केला आहे. चाहत्यांच्या मते, ही जोडी अगदी एकमेकांसाठीच बनलेली आहे. त्यांच्या आयुष्यातील हा नवा टप्पा पुढेही तितकाच आनंददायी ठरो, अशी सर्वांची इच्छा आहे.
