मराठी चित्रपटसृष्टीतील एक चमकता चेहरा म्हणजे Rinku Rajguru. ‘सैराट‘ या चित्रपटातून लोकप्रियतेच्या शिखरावर पोहोचलेली रिंकू, आता अभिनयाच्या प्रवासात अधिकाधिक प्रगल्भ होत चालली आहे. नुकत्याच पार पडलेल्या महाराष्ट्र राज्य मराठी चित्रपट पुरस्कार सोहळ्यात तिला ‘आशा’ या चित्रपटासाठी सर्वोत्कृष्ट अभिनेत्रीचा प्रतिष्ठित पुरस्कार मिळाला. हा पुरस्कार मिळाल्यानंतर Rinku Rajguru ने सोशल मीडियावर एक भावस्पर्शी पोस्ट करत आपली कृतज्ञता व्यक्त केली आहे.
राज्य पुरस्कार सोहळा म्हणजेच मराठी कलाविश्वाचा मोठा सोहळा. यावर्षी ६० आणि ६१ व्या पुरस्कार सोहळ्याचे आयोजन झाले होते. यामध्ये मराठी चित्रपटसृष्टीतील अनेक मान्यवर कलाकारांनी हजेरी लावली होती. विविध विभागांमध्ये कलाकारांना सन्मानित करण्यात आले आणि त्यातच Rinku Rajguru ला सर्वोत्कृष्ट अभिनेत्री म्हणून गौरवण्यात आले.
या गौरवाचा आनंद Rinku Rajguru ने सोशल मीडियावर शेअर करत तिच्या चाहत्यांना सहभागी करून घेतले. तिने पारितोषिकासह काही फोटो शेअर केले आहेत. त्यामध्ये तिने नेसलेली पारंपरिक साडी, हातात असलेली ट्रॉफी आणि चेहऱ्यावर झळकणारा आनंद लक्ष वेधून घेत आहे. एका फोटोवर “विजेते: रिंकू राजगुरू, चित्रपट: आशा” असे स्पष्टपणे लिहिले आहे.
हे पण वाचा..“Amruta Khanvilkar ला पहिला राज्य पुरस्कार; ‘चंद्रमुखी’साठी मिळाला सर्वोच्च गौरव”
या पोस्टमध्ये रिंकूने लिहिले, “राज्य पुरस्कार – उत्कृष्ट अभिनेत्री (चित्रपट: आशा) – कै. स्मिता पाटील पारितोषिक… मी ही भूमिका निभावू शकते, यावर विश्वास ठेवल्याबद्दल धन्यवाद.” यासोबतच तिने दिग्दर्शक दीपक पाटील आणि निर्माता दैवता चव्हाण पाटील यांचे विशेष उल्लेख करत त्यांचे आभार मानले.
Rinku Rajguru च्या या पोस्टनंतर मराठी सिनेसृष्टीतील अनेक कलाकारांनी तिच्यावर कौतुकाचा वर्षाव केला. मुक्ता बर्वेने “अभिनंदन रिंकू, खूप प्रेम” अशी प्रतिक्रिया दिली. अमृता खानविलकरने “अभिनंदन, गोंडस” असे लिहिले. प्रसाद ओक, ललित प्रभाकर, जितेंद्र जोशी, सुयश टिळक आणि ऋतुजा बागवे यांसारख्या अनेक कलाकारांनीही तिला शुभेच्छा दिल्या. चाहत्यांनी देखील “मनापासून अभिनंदन” आणि “खूप खूप शुभेच्छा ताई” अशा कमेंट्स करत आपले प्रेम व्यक्त केले.
Rinku Rajguru ने २०१६ साली ‘सैराट’ या सुपरहिट चित्रपटातून मराठी चित्रपटसृष्टीत दमदार पदार्पण केलं. त्यानंतर तिच्या अभिनयात अधिक परिपक्वता दिसून येत आहे. ‘आशा’ या चित्रपटातील तिची भूमिका आणि त्यातील अभिनय हेच तिच्या या पुरस्काराच्या यशामागचे खरे कारण आहे.
हे पण वाचा..Hruta Durgule भावनिक क्षण! सर्वोत्कृष्ट पदार्पणाचा पुरस्कार मिळाल्यावर शेअर केली मनमोकळी पोस्ट
या पुरस्काराने रिंकूच्या कारकिर्दीत एक महत्त्वाचा टप्पा गाठला आहे. तिची मेहनत, समर्पण आणि अभिनय कौशल्य याची ही पावती आहे. चाहत्यांकडून मिळणारा प्रतिसाद आणि सहकाऱ्यांचे प्रेम हे तिच्या यशाला अधिक प्रकाशमान करत आहेत.
