Muramba Serial मध्ये ७ वर्षांच्या लीपनंतर रमाचा ग्लॅमरस अंदाज आणि तिच्या आयुष्यातील बदलांनी प्रेक्षकांच्या मनात उत्सुकता निर्माण केली आहे. गोड पदार्थांना रामराम ठोकत रमाने आपल्या भूतकाळावर आखलेल्या नव्या ओळीची सुरूवात केली आहे.
७ वर्षांनंतर ‘मुरांबा’ मालिकेत मोठा ट्विस्ट; रमाचा ग्लॅमरस लूक आणि नवीन आयुष्याची सुरुवात!
स्टार प्रवाहवरील लोकप्रिय मालिका ‘Muramba Serial’ सध्या एका मोठ्या वळणावर आली आहे. २०२२ मध्ये सुरु झालेली ही मालिका आता प्रेक्षकांसमोर एका नव्या अध्यायासह सादर झाली असून, सात वर्षांच्या लीपनंतर तिच्या कथानकाला एक नवा दिशा मिळत आहे. रमाचा बदललेला लूक आणि तिचं नवीन आयुष्य सध्या चर्चेचा विषय ठरत आहे.
शिवानी मुंढेकर ही रमाची भूमिका साकारत असून, तिचं साधं-भोळं रूप प्रेक्षकांनी नेहमीच आपलं मानलं आहे. मात्र आता, सात वर्षांच्या लीपनंतर तिने पूर्णतः बदल घेतला आहे. रमा आता फक्त नव्या कपड्यांमध्येच नाही तर व्यक्तिमत्त्वातही बदलून गेली आहे. तिच्या केसांच्या दोन वेण्या, जे तिचं आधीचं निरीह रूप दर्शवत होत्या, तिने आता कापून टाकल्या आहेत. यामागे असलेला उद्देश स्पष्ट आहे—भूतकाळाशी असलेली नाळ तोडणं आणि नव्या जीवनाची दमदार सुरुवात करणं.
पाचगणीच्या एका नामांकित शाळेची ट्रस्टी म्हणून रमाने आपली नवी ओळख निर्माण केली आहे. इंग्रजीवर प्रभुत्व असलेली, निर्णयक्षम आणि आत्मविश्वासाने भरलेली ही नवी रमा प्रेक्षकांना भारावून टाकतेय. ती आता भावनिकदृष्ट्या अधिक खंबीर झालेली असून, भूतकाळातील दुखणं तिच्या चेहऱ्यावर अजिबात दिसत नाही.
हे पण वाचा..Ankita Walawalkar चा संतप्त सवाल -“गेटवर नाव महाराजांचं, समोर मात्र कचऱ्याचा ढीग!”
Muramba Serial मध्ये रमा आणि अक्षयच्या नात्याला नव्याने वळण लागलं आहे. पूर्वी झालेल्या गैरसमजांमुळे दोघं वेगळे झाले होते. अक्षय आपल्या मुली आरोहीसोबत नवीन आयुष्य जगत असताना, रमा एकटीने स्वतःची एक वेगळी वाट शोधतेय. आपल्या मुलीपासून दुरावलेल्या रमाने गोड खाणं सोडलं आहे. ती स्वतः गोड पदार्थ खात नाही, पण इतरांसाठी ती प्रेमाने ते बनवते आणि वाढते. आपल्या लेकीसाठी ‘बबडू’ हे नाव तिने ठेवले आहे, जे आजही तिच्या हृदयात जपलेलं आहे.
Muramba Serial मध्ये आता प्रश्न उभा ठाकतोय—रमाची आणि तिच्या लेकीची पुन्हा भेट होणार का? रमा आणि अक्षय यांचं नातं पुन्हा जुळणार का? हे पाहणं प्रेक्षकांसाठी अत्यंत रोचक ठरणार आहे. मालिकेतील पुढील भाग हे या सगळ्या प्रश्नांची उत्तरं देतील, अशी उत्सुकता सध्या सोशल मीडियावर पाहायला मिळतेय.
दरम्यान, Muramba Serial दररोज दुपारी १:३० वाजता ‘स्टार प्रवाह’वर प्रसारित केली जाते. मालिकेतील नव्या ट्रॅकमुळे प्रेक्षकांचे लक्ष पुन्हा मालिकेकडे वळले असून, रमाचा हा नवीन प्रवास किती भावखाऊ ठरणार, हे पाहणं रंजक ठरणार आहे.
