‘रामायण’ या बहुचर्चित सिनेमात Adinath Kothare ची ‘भरत’च्या भूमिकेत वर्णी लागल्याने मराठी चाहत्यांमध्ये उत्साहाचे वातावरण. आदिनाथने या भूमिकेबाबत व्यक्त केल्या खास भावना, म्हणतो – “ही एक मोठी जबाबदारी आहे.”

आदिनाथ कोठारेची ‘रामायण’मधील निवड: एक जबाबदारीची आणि अभिमानाची संधी

सिनेसृष्टीत सध्या सर्वाधिक चर्चेत असलेला आणि भव्यतेसाठी आधीच ओळख निर्माण केलेला ‘रामायण’ हा बहुप्रतिक्षित चित्रपट २०२६ मध्ये प्रदर्शित होण्याच्या मार्गावर आहे. रणबीर कपूर प्रभू श्रीरामाच्या भूमिकेत, तर साई पल्लवी सीतेच्या भूमिकेत झळकणार असल्याच्या बातम्या आधीच चर्चेत आहेत. त्यातच यश रावणाच्या आणि सनी देओल हनुमानाच्या भूमिकेत असल्याच्या चर्चा ताज्या असतानाच, मराठी अभिनेता आदिनाथ कोठारे (Adinath Kothare ) xयाला या चित्रपटात ‘भरत’च्या महत्त्वपूर्ण भूमिकेसाठी निवडण्यात आलं आहे.

‘रामायण’मध्ये काम करणं हे आशीर्वादासारखं – Adinath Kothare

स्वतः Adinath Kothare ने एका मुलाखतीत याबाबतची पुष्टी करताना आपल्या भावना उघडपणे व्यक्त केल्या आहेत. त्याने ‘बॉलिवूड हंगामा’ या माध्यमाशी बोलताना सांगितले की, “भारतात तयार होणाऱ्या सर्वात भव्य चित्रपटांपैकी ‘रामायण’ हा एक आहे. इतकंच नव्हे, तर हा सिनेमा आंतरराष्ट्रीय स्तरावर देखील ओळख निर्माण करतो आहे. अशा प्रोजेक्टचा भाग होणं म्हणजे माझ्यासाठी एक मोठी संधी आणि जबाबदारी आहे.”

चित्रपटातील भूमिकेसाठी आपली निवड करणाऱ्या कास्टिंग डायरेक्टर मुकेश छाब्रा आणि दिग्दर्शक नितेश तिवारी यांचे आदिनाथने आभार मानले. त्याचप्रमाणे निर्माते नमित मल्होत्रा यांनी दाखवलेल्या विश्वासाबद्दलही तो कृतज्ञ असल्याचं नमूद करतो.

१० वर्षांच्या मेहनतीतून उभा राहणारा प्रकल्प

या चित्रपटाच्या निर्मितीबद्दल बोलताना आदिनाथ सांगतो की, “रामायणसाठी २०१६-१७ पासून संहितेवर काम सुरू होतं. दिग्दर्शक नितेश तिवारी आणि निर्माते नमित मल्होत्रा हे दोघंही दूरदृष्टी असलेले लोक आहेत. जवळपास एक दशक त्यांनी या प्रकल्पासाठी मेहनत घेतली आहे.” त्याच्या म्हणण्यानुसार, या चित्रपटाची पटकथा ऐकून तो अक्षरशः थक्क झाला. “आजवर वाचलेली ही सर्वात दर्जेदार स्क्रिप्ट आहे,” असंही त्याने ठामपणे सांगितलं.

चित्रपटात वीएफएक्स, प्रोडक्शन व्हॅल्यू आणि सादरीकरण हे सर्व अत्युच्च दर्जाचं असणार असल्याचा विश्वास देखील आदिनाथने व्यक्त केला.

हे पण वाचा.. Prajakta Mali ने हातावर गोंदवलेलं नाव उघड केलं; ‘तो’ धर्मनिरपेक्ष विचार देणारा व्यक्ती आहे!

मराठी कलाकाराचा बॉलिवूडमध्ये भक्कम ठसा

मराठी चित्रपटसृष्टीत आपली स्वतंत्र ओळख निर्माण केलेला Adinath Kothare, आता बॉलिवूडमधल्या या भव्य प्रकल्पातून प्रेक्षकांच्या हृदयात स्थान निर्माण करणार हे निश्चित. ‘भरत’सारखी महत्त्वाची आणि भावनिक भूमिका साकारताना त्याच्या अभिनयाची खरी कसोटी लागणार आहे.

‘रामायण’ दोन भागांत प्रेक्षकांच्या भेटीला

चित्रपट दोन भागांमध्ये प्रदर्शित होणार असून, पहिला भाग २०२६ मध्ये तर दुसरा भाग २०२७ मध्ये थिएटरमध्ये दाखल होणार आहे. काही दिवसांपूर्वी प्रदर्शित झालेला टीझरही प्रेक्षकांच्या मनात घर करत आहे. या टीझरने प्रेक्षकांची उत्सुकता आणखी वाढवली असून, ‘रामायण’ या पौराणिक गाथेचं नव्या तंत्रज्ञानासह नव्या दृष्टीकोनातून सादरीकरण पाहण्यासाठी प्रेक्षक उत्सुक आहेत.

एक महत्त्वाची पाऊलवाट

‘रामायण’ हा केवळ एक चित्रपट नसून भारतीय संस्कृतीचा, श्रद्धेचा आणि भावनांचा अविभाज्य भाग आहे. त्यात भरतासारखी भूमिका साकारण्याची संधी मिळणं हे Adinath Kothare सारख्या कलाकारासाठी केवळ अभिनय नाही, तर ती एक भावनिक प्रवासाची सुरुवात आहे. आणि त्या भूमिकेला तो न्याय देईल, असा विश्वास प्रेक्षकांना नक्कीच वाटतोय.

यावर तुमचं मत काय? ‘रामायण’मधील आदिनाथ कोठारेचा लूक पाहायला तुम्ही उत्सुक आहात का? खाली कमेंटमध्ये जरूर कळवा!

हे पण वाचा..सलाईन लावलेला फोटो शेअर करत Dnyanda Ramtirthkar म्हणाली, “गेले काही दिवस व्हायरल फिव्हरसोबत भांडणं सुरु आहे”