Dnyanda Ramtirthkar सध्या तब्येतीच्या कारणामुळे चर्चेत आहे. सोशल मीडियावर पोस्ट करत तिने आपल्या प्रकृतीविषयी अपडेट दिली असून काही दिवस आराम घेतेय असं सांगितलं आहे.

ज्ञानदा रामतीर्थकर प्रकृतीच्या त्रासामुळे मालिकेतून घेतली विश्रांती; सोशल मीडियावर पोस्ट शेअर करत दिली माहिती

सध्या स्टार प्रवाहवरील ‘लग्नानंतर होईलच प्रेम’ ही मालिका प्रेक्षकांच्या विशेष पसंतीस उतरली असून या मालिकेत अभिनेत्री Dnyanda Ramtirthkar ही काव्या या पात्रात झळकत आहे. छोट्या पडद्यावरील ही अभिनेत्री सध्या तब्येतीच्या कारणामुळे चर्चेत आली आहे. सोशल मीडियावरून तिने स्वतःची तब्येत बिघडल्याची माहिती चाहत्यांना दिली आहे.

ज्ञानदाने नुकतीच तिच्या इन्स्टाग्राम अकाऊंटवरून एक फोटो शेअर केला आहे. या फोटोत तिच्या हाताला सलाईन लावलेली स्पष्ट दिसत आहे. याच पोस्टमध्ये तिने आपल्या प्रकृतीविषयी खुलासा केला आहे. “मुंबई लोकलचं प्रमोशन सुरु आहे, पण ज्ञानदा कुठे आहे? मालिकेचे २०० एपिसोड्स पूर्ण झाले, पण काव्या कुठे आहे? तुमची अप्पू, काव्या म्हणजेच मी थोडासा आराम घेतेय. गेले काही दिवस व्हायरल फिव्हरसोबत भांडण सुरू आहे,” असं तिनं या पोस्टमध्ये नमूद केलं.

Dnyanda Ramtirthkar च्या या पोस्टमुळे तिच्या चाहत्यांमध्ये चिंता व्यक्त केली जात आहे. परंतु, तिने स्वतःच सांगितलं आहे की लवकरच पुन्हा नव्या उत्साहाने ती प्रेक्षकांसमोर येणार आहे. “लवकरच परत एकदा नवीन एनर्जी घेऊन तुम्हा सर्वांना एंटरटेन करायला येते. तुमचं प्रेम, आशीर्वाद माझ्यासोबत आणि माझ्या प्रोजेक्ट्ससोबत कायम असो,” असंही तिनं नमूद केलं आहे.

सध्या Dnyanda Ramtirthkar ‘मुंबई लोकल’ या चित्रपटासाठी देखील चर्चेत आहे. अभिनेता प्रथमेश परबसोबत ती या सिनेमात झळकणार असून, याचा ट्रेलर आणि प्रमोशन यासाठी ती सक्रिय होती. या सिनेमाचं नाव ‘मुंबई लोकल‘ असल्याने त्याचं प्रमोशनही थेट मुंबईच्या लोकलमध्ये केलं गेलं होतं. हा चित्रपट येत्या १ ऑगस्ट रोजी प्रेक्षकांच्या भेटीला येणार आहे.

हे पण वाचा..Prajakta Mali ने हातावर गोंदवलेलं नाव उघड केलं; ‘तो’ धर्मनिरपेक्ष विचार देणारा व्यक्ती आहे!

दरम्यान, ‘लग्नानंतर होईलच प्रेम’ या मालिकेत सध्या काव्या आणि पार्थच्या नात्याचा वेगळा वळण सुरू आहे. घटस्फोटासाठी अर्ज दाखल झाल्यानंतर सहा महिने वाट पाहण्याचा कालावधी आहे आणि या सहा महिन्यांत त्यांच्या नात्यात काय घडणार, हे पाहणे प्रेक्षकांसाठी उत्सुकतेचं ठरणार आहे.

Dnyanda Ramtirthkar च्या प्रकृतीबाबत तिच्या चाहत्यांनी तिला लवकर बरे होण्यासाठी शुभेच्छा दिल्या आहेत. याआधी जुई गडकरी आणि प्राप्ती रेडकर याही प्रकृतीच्या कारणास्तव मालिकांमधून काही काळासाठी ब्रेक घेत असल्याचं समोर आलं होतं. छोट्या पडद्यावरील कलाकारांना तासन्‌तास चालणाऱ्या शूटिंगच्या वेळापत्रकामुळे आरोग्याच्या समस्या येतात, याचा प्रत्यय यानिमित्ताने पुन्हा एकदा आला आहे.

Dnyanda Ramtirthkar ने ‘ठिपक्यांची रांगोळी‘ या मालिकेद्वारे अपूर्वा वर्तक कानिटकर या भूमिकेतून घराघरांत लोकप्रियता मिळवली होती. आता ‘लग्नानंतर होईलच प्रेम‘ या मालिकेतून आणि ‘मुंबई लोकल‘ सिनेमातून ती प्रेक्षकांच्या भेटीला येणार आहे.

हे पण वाचा..Ye Re Ye Re Paisa 3′ पाहून प्रवीण तरडेंचा उत्स्फूर्त प्रतिसाद, म्हणाले – मराठीतही व्यावसायिक सिनेमा शक्य!