Ye Re Ye Re Paisa 3 पाहून अभिनेता प्रवीण तरडे यांनी सोशल मीडियावर पोस्ट करत चित्रपटाच्या टीमचे भरभरून कौतुक केले. संजय जाधवच्या दिग्दर्शनाखाली तयार झालेल्या या सिनेमात मराठी सिनेमाचं व्यावसायिक रूप पुन्हा एकदा दिसत असल्याचं त्यांनी सांगितलं.
‘येरे येरे पैसा ३’ पाहून प्रवीण तरडेंचा उत्स्फूर्त प्रतिसाद, म्हणाले – मराठीतही व्यावसायिक सिनेमा शक्य!
मराठी चित्रपटसृष्टीत हलकंफुलकं हास्य आणि करमणुकीचा नवा अध्याय उघडणाऱ्या ‘येरे येरे पैसा’ या सिनेमाची प्रेक्षकांमध्ये नेहमीच चर्चा होत आली आहे. या चित्रपटाच्या यशस्वी दोन भागांनंतर तब्बल सहा वर्षांनी ‘Ye Re Ye Re Paisa 3’ प्रेक्षकांच्या भेटीला आला आहे. १८ जुलै रोजी प्रदर्शित झालेल्या या चित्रपटावर प्रेक्षकांकडून सकारात्मक प्रतिसाद मिळत असतानाच, लोकप्रिय अभिनेता प्रवीण तरडे यांनी या सिनेमासाठी खास शब्दांत कौतुक व्यक्त केलं आहे.
हे पण वाचा..Janhavi Killekar : “मी हिरॉइनपेक्षा सुंदर वाटले म्हणून मला मालिकेतून काढून टाकलं होत”
Ye Re Ye Re Paisa 3 पाहून प्रवीण तरडे यांनी आपल्या सोशल मीडियावर एक पोस्ट शेअर करत मराठी चित्रपटसृष्टीच्या व्यावसायिकतेकडे बोट दाखवलं आहे. त्यांनी दिग्दर्शक संजय जाधव यांच्या कामाचं मनापासून कौतुक करत म्हटलं की, “मराठीतही दर्जेदार आणि व्यावसायिक सिनेमा शक्य आहे.” त्यांच्या मते, संजय जाधव हा नेहमीच आपल्या सिनेमांमधून वेगळ्या शैलीत प्रेक्षकांसमोर येतो आणि या सिनेमानेही ही परंपरा कायम ठेवली आहे.
प्रवीण तरडे यांनी या पोस्टमध्ये सिनेमाच्या दिग्दर्शनासोबतच त्याच्या भव्य निर्मितीमूल्यांचीही विशेष दखल घेतली. “संजय जाधवच्या ‘दोस्तांच्या दुनियादारी’पासून ते आजवरच्या चित्रपटांत त्याच्या सिनेमांची एक विशिष्ट ओळख निर्माण झाली आहे. ‘Ye Re Ye Re Paisa 3’ हा वेगवान पटकथा आणि तितक्याच ताकदीच्या दिग्दर्शनातून साकारलेला सिनेमा आहे. सुधीर कोलते, ओमकार माने, अमेय खोपकर यांसारख्या निर्मात्यांनी या प्रोजेक्टला भव्यतेची किनार दिली आहे आणि मराठी सिनेमा निर्मितीच्या दृष्टिकोनातून एक पाऊल पुढे नेलं आहे,” असं ते म्हणाले.
याशिवाय, त्यांनी चित्रपटातील कलाकारांचंही भरभरून कौतुक केलं. “सिद्धार्थ जाधव आणि उमेश कामत या दोघांनी आपल्या अभिनयाच्या ताकदीवर या सिनेमाला उठाव दिला आहे. संजय नार्वेकर, तेजस्विनी पंडित यांनीही आपल्या भूमिकेतून नेहमीप्रमाणे दमदार कामगिरी केली आहे. नागेश भोसले, जयवंत वाडकर, वनिता खरात, विशाखा सुभेदार, आनंद इंगळे आणि शेवटी आलेला ईशान खोपकर – या सगळ्यांनी सिनेमाला रंगत आणली आहे. ईशानची एनर्जी पाहणं हे प्रेक्षकांसाठी खास आहे,” अशा शब्दांत त्यांनी आपल्या भावना व्यक्त केल्या.
प्रवीण तरडे यांच्या या पोस्टवर तेजस्विनी पंडित, उमेश कामत यांनीही प्रत्युत्तर दिलं आहे. “प्रवीण दादा, खूप खूप धन्यवाद,” असं तेजस्विनी पंडितने लिहिलं तर उमेश कामतने “मनापासून आभार” अशी भावना व्यक्त केली.
हे पण वाचा..Jitendra Joshi :”मुलीचा बाप होणं वेगळंच सुख…” लेकीसाठी शेअर केली भावनिक पोस्ट
‘Ye Re Ye Re Paisa 3‘ च्या आधीचा पहिला भाग २०१८ साली आणि दुसरा भाग २०१९ साली प्रदर्शित झाला होता. दोन्ही भागांना प्रेक्षकांचा चांगला प्रतिसाद मिळाला होता. त्यामुळे तिसऱ्या भागाची उत्सुकता अधिक होती. तब्बल सहा वर्षांनी हा तिसरा भाग प्रेक्षकांसमोर आला असून, पुन्हा एकदा या मालिकेने प्रेक्षकांच्या चेहऱ्यावर हसू आणलं आहे.
या पोस्टच्या शेवटी प्रवीण तरडे यांनी ‘येरे येरे पैसा ३ नक्की पाहा’ असं आवाहन केलं आहे. मराठी सिनेमात अशा प्रकारच्या हलक्याफुलक्या पण दर्जेदार मनोरंजनाचा आस्वाद घ्यायचा असेल, तर हा सिनेमा एक उत्तम पर्याय आहे, असं म्हणणं वावगं ठरणार नाही.
