veen doghantali hi tutena pahilya pavsaat umlanar premachi chahul : ‘वीण दोघांतली ही तुटेना’ ही मालिका सध्या प्रेक्षकांच्या विशेष पसंतीस उतरली असून कथानकातील भावनिक वळणांमुळे मालिकेची चर्चा सातत्याने रंगताना दिसत आहे. अभिनेत्री तेजश्री प्रधान आणि सुबोध भावे यांच्या प्रमुख भूमिका असलेल्या या मालिकेत आता समर आणि स्वानंदी यांच्या नात्यात मोठा बदल होण्याची चिन्हे दिसू लागली आहेत. नुकताच समोर आलेल्या नव्या प्रोमोमुळे प्रेक्षकांची उत्सुकता आणखी वाढली आहे.
मालिकेच्या सुरुवातीपासूनच समर आणि स्वानंदी यांचे नाते परिस्थितीमुळे बांधले गेलेले दाखवण्यात आले होते. स्वानंदीचा भाऊ रोहन आणि समरची बहीण अधिरा यांच्या प्रेमसंबंधांमुळे दोघांना अनपेक्षितपणे लग्न करावे लागले. सुरुवातीला या नात्यात दुरावा, गैरसमज आणि अविश्वास होता. मात्र, काळ पुढे सरकत असताना दोघांमध्ये हळूहळू मैत्री निर्माण झाली आणि त्या मैत्रीतून एक वेगळी जवळीकही दिसू लागली.
स्वानंदीने हे नाते जपण्यासाठी सातत्याने प्रयत्न केले. समरच्या स्वभावातील कठोरपणा समजून घेत त्याच्याशी नातं मजबूत करण्याचा ती प्रयत्न करत राहिली. दुसरीकडे, समरच्या आयुष्यात आलेल्या किमयामुळे कथेत आणखी गुंतागुंत निर्माण झाली होती. किमयाच्या आगमनानंतर स्वानंदीला समरबद्दलच्या स्वतःच्या भावना जाणवू लागल्या. त्याचवेळी मल्लिका आणि तिच्या मुलांनी समर-स्वानंदीमध्ये दुरावा निर्माण करण्याचे प्रयत्न सुरूच ठेवले. तरीही या सगळ्या अडचणींवर मात करत दोघांमध्ये वाढणारी जवळीक आता अधिक स्पष्टपणे समोर येताना दिसत आहे.
झी मराठीने शेअर केलेल्या नव्या प्रोमोमध्ये पहिल्या पावसाचा सुंदर प्रसंग दाखवण्यात आला आहे. मुसळधार पावसात समर एकटा उभा असताना स्वानंदी छत्री घेऊन त्याच्याजवळ येते. जुन्या आठवणींना उजाळा देत ती समरला सांगते की, एकदा त्याने तिला याच छत्रीने पावसापासून वाचवले होते आणि आता ती त्याचे रक्षण करत आहे. या संवादानंतर दोघांमधील नात्याची कोमल बाजू प्रेक्षकांना अनुभवायला मिळते.
यानंतर दोघे एकाच छत्रीतून घरी निघतात. मात्र, जोरदार वाऱ्यामुळे छत्री उडून जाते आणि पावसात भिजण्याचा आनंद घेत स्वानंदी निसर्गाचे आभार मानण्याबद्दल बोलते. समर मात्र पावसापासून स्वतःला वाचवण्याचा प्रयत्न करताना दिसतो. या दृश्यांमध्ये दोघांतील केमिस्ट्री विशेष उठून दिसत असून प्रेक्षकांनी त्यावर भरभरून प्रतिक्रिया दिल्या आहेत.
हे पण वाचा.. अंशुमन विचारेचं तिसरं घर घेतलं; नव्या घरात केली गणेशपूजा, लेकीने बनवली छोटी चूल
veen doghantali hi tutena pahilya pavsaat umlanar premachi chahul
सोशल मीडियावर अनेकांनी समर आणि स्वानंदीची जोडी अत्यंत गोड वाटत असल्याचे म्हटले आहे. काही प्रेक्षकांनी समरच्या बदलत्या वागण्याचे कौतुक करत त्याच्या प्रेमात पडलेल्या स्वभावाची झलक पाहायला उत्सुक असल्याचे सांगितले. तर काहींनी “पहिल्या पावसात खुलणार अव्यक्त प्रेम” ही संकल्पना खूप सुंदर असल्याची प्रतिक्रिया दिली आहे.
हे पण वाचा.. प्राजक्ता माळीने शेअर केले ‘कान्स’ मधील खास फोटो
आता मालिकेच्या पुढील भागांमध्ये समर आणि स्वानंदी त्यांच्या भावना एकमेकांसमोर व्यक्त करणार का, तसेच त्यांच्या नात्याला नेमकं कोणतं वळण मिळणार, याकडे प्रेक्षकांचे लक्ष लागून राहिले आहे.
