swati deval borivali market incident : मनोरंजनविश्वातील अभिनेत्री स्वाती देवल सध्या एका व्हिडीओमुळे चर्चेत आली आहे. तिने सोशल मीडियावर शेअर केलेल्या या व्हिडीओमध्ये तिने स्वतःसोबत घडलेला एक अनुभव सांगितला असून, नागरिकांना सतर्क राहण्याचा सल्लाही दिला आहे. तिच्या या कथनामुळे अनेकांनी आश्चर्य व्यक्त केले असून, काहींनी चिंता देखील व्यक्त केली आहे.
स्वातीने सांगितल्याप्रमाणे, ती काही दिवसांपूर्वी मुंबईतील बोरिवली पश्चिम भागातील गजबजलेल्या बाजारात खरेदीसाठी गेली होती. इंद्रप्रस्थ आणि मोक्ष प्लाझा परिसरात खरेदी करत असताना अचानक एक अनोळखी महिला तिच्याजवळ आली. त्या महिलेने हिंदीत संवाद सुरू करत “आपसे बायबल के बारे में बात करनी थी” असे सांगत संवाद साधण्याचा प्रयत्न केला. या अनपेक्षित प्रश्नामुळे स्वाती थोडी चकित झाली. तिने नम्रपणे नकार देत “मुझे आपसे बात नहीं करनी” असे सांगितले आणि तिथून पुढे निघून गेली.
मात्र हा प्रकार इथेच थांबला नाही. स्वातीच्या म्हणण्यानुसार, ती महिला तिच्या आसपासच फिरताना दिसत होती. काही अंतरावर गेल्यानंतर स्वातीने मागे वळून पाहिले असता तीच महिला तिच्याभोवतीच घिरट्या घालत असल्याचे तिला जाणवले. यामुळे तिला संशय आला आणि तिने तात्काळ त्या ठिकाणाहून दूर जाण्याचा निर्णय घेतला.
हे पण वाचा.. प्राजक्ता गायकवाडची नवी मालिका पाठराखीण १ जूनपासून, स्टार प्रवाहवर पाहायला मिळणार पहा प्रोमो
पुढे मोक्ष प्लाझाच्या दिशेने जात असताना स्वातीने पुन्हा निरीक्षण केले असता तीच महिला इतर काही महिलांशीही संवाद साधत असल्याचे दिसून आले. एवढेच नव्हे तर काही वेळाने आणखी एक मुलगी तिच्याजवळ आली आणि दोघी एकमेकींशी कुजबुज करत असल्याचे स्वातीने पाहिले. या सगळ्या प्रकारामुळे तिला परिस्थिती संशयास्पद वाटू लागली.
या घटनेनंतर स्वातीने व्हिडीओ शेअर करत लोकांना सावध राहण्याचा इशारा दिला आहे. अनोळखी व्यक्तींशी अनावश्यक संवाद टाळावा, विशेषतः गर्दीच्या ठिकाणी सतर्क राहणे गरजेचे आहे, असे ती म्हणाली. तिने आपल्या कॅप्शनमध्येही स्पष्टपणे लिहिले की, “सावधान राहा, फसू नका आणि आपल्या विचारांशी प्रामाणिक राहा.”
हे पण वाचा.. थायलंडमध्येही गाजला मराठी डायलॉग! अभिनेत्री धनश्री काडगांवकरचा भन्नाट व्हिडीओ व्हायरल
swati deval borivali market incident
स्वाती देवलच्या या अनुभवामुळे पुन्हा एकदा सार्वजनिक ठिकाणी सुरक्षेचा मुद्दा समोर आला आहे. सोशल मीडियावर तिचा व्हिडीओ मोठ्या प्रमाणावर व्हायरल होत असून, अनेकजण यावर आपली प्रतिक्रिया देत आहेत. काहींनी तिच्या जागरूकतेचे कौतुक केले, तर काहींनी अशा घटनांकडे गांभीर्याने पाहण्याची गरज व्यक्त केली आहे.
