kamali maaliket anika cha dhakkadayak twist : मराठी टेलिव्हिजनवरील लोकप्रिय मालिकांपैकी एक असलेली Kamali सध्या जबरदस्त ट्विस्टमुळे चर्चेत आली आहे. मालिकेत आधीपासूनच कमळी आणि कामिनी यांच्यातील संघर्ष प्रेक्षक पाहत होते, पण आता कथानकाने असा धक्कादायक वळण घेतलं आहे की प्रेक्षकही चकित झाले आहेत. नुकत्याच प्रदर्शित झालेल्या प्रोमोमुळे Kamali मालिकेतील पुढील भागांविषयी प्रचंड उत्सुकता निर्माण झाली आहे.
कथेनुसार, महाजन कुटुंबात कमळीची एन्ट्री झाल्यापासून घरात सतत तणावाचं वातावरण आहे. कामिनी आणि तिची मुलगी रागिणी नेहमीच कमळीविरोधात कारस्थानं रचताना दिसतात. या सगळ्यात कामिनीची नात अनिका देखील तिच्या आजीच्या पाठीशी उभी असते. कामिनीचं एकच ध्येय असतं – कुटुंबातील संपत्ती अखेर अनिकाच्या नावावर व्हावी.
रंगपंचमीच्या प्रसंगात कमळीला जबरदस्तीने थंडाई पाजण्यामागे कामिनी आणि अनिका असल्याचं उघड झालं आणि घरातील वातावरण आणखी बिघडलं. त्यानंतर मालिकेत आणखी मोठी घटना घडते. कामिनीला उंचावरून खाली ढकलण्याचा प्रयत्न झाल्याचं दाखवलं जातं. या घटनेनंतर सगळ्यांचा संशय थेट कमळीवर जातो. रागिणीही पोलिसांसमोर कमळीवर आरोप करते की तिनेच कामिनीचा जीव घेण्याचा प्रयत्न केला. परिणामी पोलिस कमळीला चौकशीसाठी घेऊन जातात.
मात्र Kamali मालिकेतील खरी धक्कादायक गोष्ट इथेच समोर येते. कामिनीला ढकलण्यामागे कमळी नसून तिची स्वतःची नात अनिका असल्याचं उघड होतं. अनिका स्वतःच आपल्या आजीसमोर कबूल करते की तिनेच तिला ढकललं. या कबुलीनंतर कथानकाला पूर्णपणे वेगळं वळण मिळतं.
प्रोमोमध्ये दाखवलेल्या दृश्यात अनिका रुग्णालयात असलेल्या कामिनीशी बोलताना अत्यंत थंड आणि क्रूरपणे वागताना दिसते. ती सांगते की कमळीबद्दल तिचं मत चुकीचं होतं आणि तिनेच कामिनीला खाली ढकललं. इतकंच नाही तर अनिका रुग्णालयातही कामिनीचा ऑक्सिजन मास्क काढून टाकते. हा प्रसंग पाहून प्रेक्षक अक्षरशः हादरले आहेत.
हे पण वाचा.. स्टार प्रवाह परिवार पुरस्कार सोहळ्यात ‘जुई गडकरी’चा पिवळ्या गाऊनमधील ग्लॅमरस अंदाज चर्चेत
ज्या आजीने अनिकाला लहानपणापासून जपलं, तिच्यासाठी सगळं करण्याची तयारी दाखवली आणि संपत्ती तिच्या नावावर करण्याचा विचार केला, त्याच आजीवर अनिका जीवघेणा हल्ला करते हे पाहून प्रेक्षकांना मोठा धक्का बसला आहे. Kamali मालिकेतील हा अनपेक्षित ट्विस्ट सोशल मीडियावरही चर्चेचा विषय ठरला आहे.
या प्रोमोवर प्रेक्षकांकडून विविध प्रतिक्रिया येत आहेत. काहींनी हा ट्विस्ट पूर्णपणे अनपेक्षित असल्याचं म्हटलं आहे, तर काहींनी “जैसी करनी वैसी भरनी” अशा प्रतिक्रिया दिल्या आहेत. अनेकांनी अनिकाच्या बदललेल्या स्वभावावर आश्चर्य व्यक्त केलं आहे.
हे पण वाचा.. आकाशी पैठणी आणि मोत्यांचा साज; मधुराणी गोखलेचा साधा पण देखणा साडी लूक चर्चेत
दरम्यान, Kamali मालिकेतील हा खास भाग १७ मार्च रोजी रात्री ९ वाजता प्रसारित होणार आहे. या भागात पुढे नेमकं काय घडणार आणि कमळीवर आलेलं संकट कसं दूर होणार याची उत्सुकता आता प्रेक्षकांना लागून राहिली आहे.
