Arya Jadhav Entry in The 50 Reality Show : मराठी आणि हिंदी मनोरंजन विश्वात सध्या रियालिटी शोची चांगलीच धूम पाहायला मिळत आहे. टीव्ही मालिकांप्रमाणेच रियालिटी शोदेखील प्रेक्षकांचे लक्ष वेधून घेत आहेत. बिग बॉस मराठीचा सध्याचा सीझन सुरू असतानाच आणखी काही नवे शो लवकरच प्रेक्षकांच्या भेटीला येणार आहेत. यामध्ये ‘The 50’ या नव्या आणि वेगळ्या संकल्पनेच्या रियालिटी शोची सर्वाधिक चर्चा होताना दिसते आहे.
‘The 50’ या शोमध्ये मनोरंजन सृष्टीतील तब्बल ५० सेलिब्रिटी सहभागी होणार आहेत. अनेक कलाकारांनी सोशल मीडियावर या शोसाठी निवड झाल्याची माहिती शेअर केली असून चाहत्यांमध्ये मोठा उत्साह आहे. विशेष म्हणजे बिग बॉस मराठी गाजवलेले अनेक चेहरे या शोमध्ये पुन्हा एकदा दिसणार आहेत. यामध्ये निक्की तांबोळी, शिव ठाकरे, जान्हवी किल्लेकर, अरबाज पटेल यांसारखी नावं आधीच समोर आली होती. आता या यादीत आणखी एक चर्चित नाव जोडले गेले आहे आणि ते म्हणजे Arya Jadhav.
बिग बॉस मराठी सीझन ५ मध्ये Arya Jadhav हिने तिच्या स्पष्टवक्तेपणामुळे आणि आक्रमक खेळामुळे विशेष लक्ष वेधून घेतलं होतं. मात्र एका टास्कदरम्यान झालेल्या वादानंतर तिचा प्रवास अचानक थांबला. निक्की तांबोळीसोबत झालेल्या झटापटीमुळे आर्याला शोमधून बाहेर जावं लागलं होतं. त्या घटनेनंतर सोशल मीडियावर मोठी चर्चा रंगली होती आणि आर्याच्या चाहत्यांनी तिची जोरदार बाजू घेतली होती.
आता Arya Jadhav ने ‘The 50’ या शोचं तिकीट मिळाल्याची माहिती स्वतः सोशल मीडियावर शेअर केली आहे. हातात शोचं तिकीट घेऊन दिलेल्या फोटोमुळे तिच्या चाहत्यांमध्ये आनंदाचं वातावरण आहे. अनेकांनी तिला या नव्या प्रवासासाठी शुभेच्छा दिल्या आहेत. विशेष म्हणजे या शोमध्ये निक्की तांबोळीही सहभागी असल्याने पुन्हा एकदा दोघींचा सामना होणार का, याची चर्चा रंगली आहे.
‘The 50’ या शोमध्ये स्पर्धकांना शारीरिक आणि मानसिक अशा दोन्ही प्रकारच्या आव्हानांना सामोरं जावं लागणार आहे. उर्वशी ढोलकिया, करण पटेल, दिव्या अग्रवाल, रिद्धी डोगरा, फैसल शेख, दुष्यंत कुक्रेजा यांसारखे लोकप्रिय कलाकारही या शोचा भाग असणार आहेत. त्यामुळे हा शो बिग बॉससारख्या मोठ्या रियालिटी शोला टक्कर देणार का, याकडे सर्वांचं लक्ष लागलं आहे.
हे पण वाचा.. ठरलं तर मगच्या धावपळीतून ब्रेक! जुई गडकरीची थेट ‘डिस्ने’ सफर, फोटो पाहून चाहते खुश
Arya Jadhav साठी हा शो म्हणजे स्वतःला पुन्हा सिद्ध करण्याची मोठी संधी मानली जात आहे. बिग बॉसमधील अपूर्ण राहिलेली गोष्ट ती ‘The 50’ मध्ये पूर्ण करणार का, आणि निक्कीसोबतचा जुना वाद पुन्हा उफाळून येणार का, हे पाहणं प्रेक्षकांसाठी नक्कीच उत्सुकतेचं ठरणार आहे.
